DUNGWVNC 32:31 - Hawa Naga Bible 2001

³¹ Moshe kuex Yehowa kox nuex yek waung vtueq jungx tueq kuex, “Vruex miq htenc vraq mvrax yunghvlc yaq gay tueq. Tsuingshiq rueq tishox yac kuex kuimshawx maq tvhungx guirx vtueq nawk palx gay tueq.

ASII LAKDAP Bible (BSI)

³¹ Raütiishe Mosheq ka Tatiwe phana hali jang wan nongto. Raüta akha nguto, “Arnok raq phiiptsi chang ngarai tangto. Tsangshiq raq chaq maq sumla phra ashi loto. Raüta kra shomnoqto.

DUNGWVNC 32:31 Referencias Cruzadas

EJRA 9:15

Yehowa Israel Tishox lex, mnoz kuex tsuingrux waz rvtoq, yuq muinz nuiyshiq muex rullungx tvraungx kuq phux. Nuiyshiq kuex mhtumc nuex nuiyshiq mvrax kuex kvjungc vtix; nuiyshiq kuex mkhaungkac nuex httuiuc lot jix washiz muinz vguez.”

NEHEMIA 9:18

Tsuingshiq rueq manx saz yac yuimx kuex tvhungx guirx ruiux, vruex tishox vraq Ejip mungx wawc tvdung shvlx wvnc phuex ngoz tueq ngoz wuez yaq! Yehowa lex, tsuingshiq rueq mnoz muex pinhtumc yomnamc wuez yaq!

NEHEMIA 9:33

Mnoz rueq nuiyshiq muex murx tvgurc phux kuex vlvmx rvtueq; nuiyshiq rueq mvrax yaq wvnc tiq, mnoz kuex tvmtuing httax yaq!

DUNGWVNC 20:23

Nuimshiq rueq ngaz maq lvy vtueq kuimphox, rvmuq ngoz ruiux kuimshawx maq tishox htenc yac kuex tvhungx mvy muq, nuimshiq rueq ngaz vruex dvyx nawk palx rax.

DUNGWVNC 20:4

“Nuimshiq rueq raungmungx nuex, ghaq htauk nuex, ghaq khung yuix mungx nuex httax yaq phvnx phvnx shishiz rulc rv-ngvlc shvmx kuex mnoz rueq mtvkoc tvhungx mvy muq.

DUNGWVNC 32:30

Raungnvp kvyix Moshe rueq miq htenc muex ngoc, “Nuimshiq rueq mvrax yunghvlc yaq gay wuez tuit. Yuq muinz majuiuc ngaz Yehowa kox nuex kanx kvyuq lauk shiz duiz woz yek phaungx; nuimshiq mvrax kuex dawc kuy tvkoc thoz ruiux yuq, moz dawc kuy dvyx rvshuex,” ngoz tueq jungx tueq.

DUNGWVNC 34:28

Moshe kuex kvruex baung kvyuq Yehowa rulc vdvmz vnuiyq 40, vwvrx 40 yvmx muinz phauk saq nuingx muq maq dvyx httax tueq. Piq rueq lungdvmx htenc htauk nuex bomkhvrc ngoz yaq Tvrac Rokshiz kuex wuiyq taq tueq.

DANIEL 9:11

Israel miqsaz lotlaz rueq mtvrac htenc kuex tvbac gay ruiux, mnoz rueq jungx toq kuex tay muq maq tvdux gay tueq. Nuiyshiq rueq mnoz muex mvrax yaq tiq ningkhvnc nuex, mnvrc waz Moshe Tvrac nuex wuiyq shec tueq mvnhttonc kvjaz htenc nuiyshiq kox nuex lvmz laq ruiux rvtueq.

DANIEL 9:5

“Nuiyshiq mvrax yaq tix, nuiyshiq kuex layx bac hez muex yaungx vtix, nuiyshiq rueq vyaq shuimx kaz gay tiq. Nuiyshiq rueq shuimc tvkoc mnoz rueq nvr phux kvjaz htenc kuex tvlvlc gay ruiux, mnoz rueq nuiyshiq muex tvkhic kuq phux vlvmx wawc muinz yaq wvnc vtix.

DANIEL 9:8

Nuiyshiq hokhvmx bix, mungx guimz lawc jix bix, nuiyshiq jix vwaz tamx rueq yvlc svy juing shuimx kaz vtueq Taungjix mnoz muex mvrax yaq gay wuez tueq.