JEREMIA 37:3 - ASII LAKDAP Bible (BSI)

³ Hokhamwe Jedekia raq Shelemia se Jehukal nai Maaseia se ramwe Jephania ka ngi phana tiiwato. Raüta ngi raq nangnga Tatiwe, nashiq Shiikeawe jaq wa namung miitu achu jaükuqlaq nguta bom tiichong wato.

Hawa Naga Bible 2001

³ Hokhvmx Zedekia rueq Shelemia saz Jehukhala nuiyc Maseia saz shomc waz Zephania kuex ngvy kox nuex tvkaz vtueq miq lotlaz laung nuex Yehowa naungshiq Tishox kox wawc vjux thoz kuy tvkoc ngaz muex jungx phuex.

JEREMIA 37:3 Referencias Cruzadas

1 HOKHVMX 13:6

Kiijiishe Hokhamwe Jeroboam raq shammiwe kiima, “Mangchan laüta ngi miitu üm Tatiwe üm Shiikeawe jaq wa achu jaülaq kiimaq apaiq ma ijaq ara tiiheakuq laq nguta achu jaükuq laq!” nguta tiipaiq neato. Krai mren shammiwe raq Tatiwe jaq wa achu jaüto. Kiimaq hokhamwe jaqtsi ka tiidoq ra heakito.

DUNGWVNC 10:17

Ümchaü min, ara ingarai ka lakshi ri diikuq ronglaq. Lanta Tatiwe namshiq Shiikeawe jaq wa ara ngi ma pinthum atsai chang mo tiihotlaq ara lambaiq miitu achu jaü kuq ronglaq.”

DUNGWVNC 8:28

Kiijiishe hokhamwe raq nguto, “Namshiq ka luhea na kiho man jiila, ngi raq namshiq ka Tatiwe, namshiq Shiikeawe ma honglu takekai kumtsaiphii rumnyangkhi wang na mitiiki kang. Ngi miitu achu jaü kuqlaq.”

DUNGWVNC 8:8

Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”

DUNGWVNC 9:28

Tatiwe jaq wa achu jaü kuqlaq! Naishiq khuthaq na ara rathaiqtaq kiimaq tsak-hiiq roktaq arka hongto she! Ngi raq kiqkham kuq tiikang. Namshiq ka mitiiwa kang she. Namshiq ka arjaq alu shong nga rai ngomin raamak she.”

JEREMIA 15:11

Tatiwe lei, ngohea dea ngi raq ümniika aheawiq maq riikhaqli maq shomnoq wan mang dea jiila, tsangshiq manson ka minilaq. Ijaqtinok ka chamchao sangrai riihum raitaq akhing na, ngi raq tsangshiq miitu ümjaq wa achu jaükuq mang dea la jiila, manson ka ngi ma minilaq.

JEREMIA 2:27

Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

JEREMIA 29:21

“Tati Ningkun Ajongwe, Israilnok Shiikeawe raq Kolaia se Ahab nai Maaseia se Jedekia raq apaiq mang na namshiq ma arot akiq bomtsi chongkuqtlaq kra miitu chongtlo. Apaiq raq chongto, apaiq raq tsangnai ka Bebilon Hokhamwe Nebukadnejar jaqkhon mong niishe mikiinong kuqbaiq wan. Raüta apaiq raq namshiq makki na tsangnai ka atsea mirbaiq.

JEREMIA 37:17

Kra jai miishe Hokhamwe Jedekia raq ngi ka tiisheakito. Raüta apaiq raq ahokham jam maq ahukse maq ngi ma akha waito, “Riita Tatiwe nü wa tsütsa asi sha?” “Asi” nguta ngi raq abom ka trekang. “Ümniika Bebilon mung hokhamwe jaq na mikiinong kuqbaiq.”

JEREMIA 37:7

Jedekia ma chongkuqlaq nguta thaüto. “Ejip mungti phenlabi ka ümnaq khrum wa lam niishe watlo. Shatmaq tsangshiq ka tsangmung na mijangho.

JEREMIA 38:1

Mattan se Shephatia, Pashur se Gedalia, Shelemia se Jehukal, kiimaq Malkia se Pashur thun raq, ngi raq mungmaiqse ma,

JEREMIA 42:1

Kiitiikaq phentubi tlotli rai adam maq Karea se Johanan kiimaq Heshaia se Ajaria kiimaq mungmaiqse ajong aran wiita kunli ka kiqshi maq ri raüta,

JEREMIA 42:20

Namshiq raq ashut pinthum thapthi tlan. Namshiq raq ngi nangnga Tatiwe, nashiq Shiikeawe jaq wa achu jaü kuqlaq nguta chong lan. Kiimaq namshiq raq ngi ma kiqkham kuqlan apaiq raq jamlai aming wa kuqtlaq kra phan phan phanrap miklo hai nguta ngulan.

JEREMIA 52:24

Arthaq niimin, phentu ajongwe Nebujaradan raq, munglu shumwi ma Ramwe Ajong Pinthumwe Seraia, apaiq jaithongti ramwe ajong Jephania, kiimaq shomjam liiti phongwa ajongbi wetsam tsuq wan damto.

WEAWEA 21:7

Kiijiishe mungmaiqse ka Mosheq phana wato. Raüta akha nguto, “Naishiq raq Tatiwe ma nai ümniima bom abi bomlaita ngarai tangkai. Ümchaü min Tatiwe jaq paü kong ara lambaiq laq nguta achu jaülaq.” Krai mren Mosheq raq Mungmaiqse miitu achu jaüto.

Acts 8:24

Kiijiishe, Simon raq, “Phuno we nai lei, mangchan lanta, ngi miitu Tatiwe jaq wa achu jaükuq ronglaq. Ümchaü namnai raq jamlai wa chong lan kra manson ka i dü na nimak chang miitu,” nguta Petar nai Johan ma chongto.

1 SAMUEL 12:19

Kiimaq tsangshiq raq Samuel ma akha nguto, “Shiilangwe lei, mangchan laüta, Tatiwe üm Shiikeawe jaq wa naishiq tsaiki maichang miitu achu jaü laq. Ümchaü naishiq raq, naishiq ngarai ümtinkhan wa sitlaq kra thaq na hokhamwe shongkuq laq nguta jaü kai ngarai kra hali tiitsuq nongkai nguta sapkai.”