ISAIA 26:16 - ASII LAKDAP Bible (BSI)

¹⁶ Tatiwe lei, ümniiraq ümsenginok ka sintsang maq tsat laü; kiimaq üm motsi ma tsangshiq raq ümjaq wa achu jaüto.

Hawa Naga Bible 2001

¹⁶ Yehowa lex, mnoz rueq mmiqsaz htenc muex murx tvgurc vshuiux, tsuingshiq kuex pinhtumc kuilc daz vtueq mnoz kox wawc vjux thoz wuez tueq.

ISAIA 26:16 Referencias Cruzadas

Tvtsvmc 142:2

Ngi raq ashokchang wiita apaiq ma shokkang; ngi raq ichamchao wiita apaiq ma chongkang.

Tvtsvmc 27:8

Ümtiikiiwa ümniiraq, “Wara, laüta ngi noqlaq,” ngulaü, Ngi raq trekang, “Ngi watiikang lii Tatiwe lei;”

Tvtsvmc 42:4

Leawan kang akhing tiima kang la imongjii buntlo, man na ngi mungmaiqse rai akong ada Shiikeawe jam na watiikang kra tiimalata kiimaq tsangshiq rai lamshea agi wa trangla Shiikeawe tiitsamkam shi.

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 77:3

Ümtiikiiwa ngi Shiikeawe tiimatiikang, ngi ahut riitiikang; ümtiikiiwa apaiq shiwea tiikang, itsaiji ka rantlo.

Tvtsvmc 78:34

Ümtiikiiwa apaiq raq tsangshiq phong wa wiijam ka jiipbaiqtlaq, raüla tsangshiq phong wa maiq wiijam ka awokhong na jang wa nongtlo; tsangshiq ngarai ka tiidiitlo raüta tsan atsi maq apaiq jaq wa achu jaütlo.

Tvtsvmc 91:15

Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.

ISAIA 37:3

Ara tsütsa ara Isaia ma chongki rongkiq nguta apaiq raq tsangtsam ka tiikito: “Ümchaü ranaiq arka chamchao ranaiq. Nashiq ma maiq raq mo jonghea tiihotlo. Kiimaq nashiq khushü ka jamkito she. Nashiq ka jechak nyung no wüchhiho she ikha. Shatmaq aningkun ka ahü. No ka dolot mak chamchao rai tlaq ikha.

JEREMIA 2:27

Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

JEREMIA 22:23

Ümniika maisak toqpum kham mong na bumsiq tlaü, kriika Lebanon pum wa alam wa; shatmaq ümniima chamchao akhing saü raüjaq, ümniika maiq mang ngam chan michamchao haü, maiqnyungre nowüchhi tsi hoqtlaq ikha mirhaü.

JEREMIA 29:12

Kiitiikaq namshiq raq ngi mihea han. Namshiq ka iphana wa lanta, Ngi jaqwa achu mijaü han. Kiimaq Ngi raq namshiq achu jaü ka mitreha.

AJONJÜ 2:19

Waruru tiidokiki laüta, Tatiwe man na hoqsii wan laq. Laüta ümsetiim miitu, ümtsan tsii ka bunki namnam, Tatiwe jaq wa tiikhup wongkuq liidea, nguta achu jaü laq. Nosere ram raq chiiheawea lam jong na, küram liira jiim wanto!

Hosea 5:15

“Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”

Hosea 7:14

Tsangshiq achu jaü ka tsan mong maq riimak, thatsang maiqse achu jaü ikha jaütlo. Akap atsea hiq na bumraüta hoqsiitlo. Tü nai tsam kiimaq spiqtai miitu achu jaü raüla, Thatsang maiqse raq jaütlaq ikha, jasai maq tsangdü na tiihan raüta, ami atsi tamli phetrang tlo. Tsangshiq ka ngi ma wesang kong!

WEAWEA 21:7

Kiijiishe mungmaiqse ka Mosheq phana wato. Raüta akha nguto, “Naishiq raq Tatiwe ma nai ümniima bom abi bomlaita ngarai tangkai. Ümchaü min Tatiwe jaq paü kong ara lambaiq laq nguta achu jaülaq.” Krai mren Mosheq raq Mungmaiqse miitu achu jaüto.

Revelation 3:19

Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.

PHOWEBI 10:15

Shatmaq Israilnok raq Tatiwe ma akhiishe tiipaiqneato. “Naishiq raq ngarai tangkai dea. Ümniiraq naishiq ka jamkhii tsat-son rowa kra ümniiraq thi. Shatmaq ümchaü ranaiq naishiq ka tiichhii kuqlaq.”

1 SAMUEL 1:15

Kiijiishe, “Riimak, ngi ka chephe riimak, shiilangwe lei,” nguta apaiq raq treto. “Ngi raq che ka nyang mang! Ngi ka pinthum chamchao ümkhla min jasiq mang. Kra ningkhan ngi raq ngi chamchao ka Tatiwe ma raükuq lata achu jaütiikang.