ISAIA 26:15 - ASII LAKDAP Bible (BSI)

¹⁵ Tatiwe, ümniiraq naimung ka tiijonglaü, naimung tro hiqrai ka tiijongkuqlaü, ara lümaq ümkhushü ka jongtlo.

Hawa Naga Bible 2001

¹⁵ Yehowa lex, mnoz rueq nuiyshiq phvnx kuex tvpux paung kuq phux, kvruex ghaq vraungx kuex samx ruip wawc tvyungc kuq ruiux; kvruex kuex mnoz muex tvtsanc nganc kuy rvtueq.

ISAIA 26:15 Referencias Cruzadas

RAPHA HIQWA LAK 12:2

Ngi raq ümniima ümsaü ümsetiim ka pahea mikuq kang. Kiimaq tsangshiq ka maiq mung jonghea ashi miishe mija wan. Ngi raq ümniika mishman kuqha. Lata ümmang ka jonghea ratsa ikha mitiijongha. Krai mren ümniika shiiman kaü ashi ma mija wan haü.

RAPHA HIQWA LAK 13:16

Ngi raq ümsaü ümsetiim phong ka pahea pahea she mitiipuchi wanha. Tsangshiq ka jurmin weawon lot mak miraq. Kra nam miika hiqraikhü wa botkhulai kra weawon riiwe ka aje lin miraq!

1 HOKHVMX 8:46

“Kiimaq ümtiikiiwa ümsenginok raq ümman na ngarai klo tlaq, jamkhano ngukla maiqse ngutlaq ka ngarai tangmak ngutiika jumin ahü, kra ningkhan, ümniiraq ümtsan khiqtsi ma, tsangshiq ka tsang jaqtinok ma tiikhat laüta tiitang laüta, tsangshiq ka munglu shumwi kong ma pongmung na tiitsuq wan haüla, kra mung ka luhea ratsüko mung niili jiimin,

2 HOKHVMX 17:23

Raüta Tatiwe raq tsangshiq ka apaiq makki wa jobaiq wantaq ranaiq na saüli kra ngarai ka tang wanto. Arka apaiq raq ajaqshisetiim shammibi nübok maq tsangshiq ka mijobaiqha nguta hon lam tsii chongkuqtaq kra phan phan jobaiq wanto. Krai mren Israil mungti ka re raq Asiria mung na munglu shumwi kong ma tsuq wanto. Tsangshiq ka ümchaü min kiiniili sitlo.

2 HOKHVMX 17:6

kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.

2 HOKHVMX 23:27

Tatiwe raq nguto, “Ngi raq Israil mung ka jamkho tiithenbaiq kang kiikhiisii hali Juda mung kriimin mitiithen baiqha. Ngi raq Juda mung wa mungmaiqse ka imakki wa wiitashe mijobaiqha. Kiimaq Ngi raq tingsang atiitsang atsea wanha Jerusalem kra, kiimaq Ngi shomnoq chang Shomjam, ngi raq ara Ngi shomnoq chang hiqba nguta ngukang kra, no niishe mitsuq baiqha.”

NEHEMIA 9:23

Tsangshiq saü asetiim phong ka, ra na raiqsaiq diimtlaq ikha, awea lot mai tiipu kuq wan laü. Kiimaq tsangshiq ma mung ashi kuq wan laü kra, Khat wan wan maq tiijü kuq wan laü. Kriika, ‘Namsaü namsetiim pat na mikuq kang,’ nguta tsangtitiim ma akhamkuq haü riito, kra phan phan kuq wan laü.

YOBA 12:23

Apaiq raq maiq mung thun ma ningkun shoqkuq tlo atiijong riiwan tlo, shatmaq apaiq raq hali tsangshiq ka khat raüta tang tlo kiimaq wiita shiithen baiq tlo.

ISAIA 10:22

Ümchaü min Israilnok mungmaiqse ka pahea, khamjong chumkii phiiphong na kumtsai jamkho riiphongtlaq ikha riiphongtlo, shatmaq kiiwa atsapseli jai na mipai wan. Maiq thun ka miqchup tiithenbaiq wan miitu thiikho ka atiijekun she. Kriika riikhaqli thektlaq thiikho riito.

ISAIA 33:17

Namshiq raq thongshiri hali armung na hokhamwe raq mung ka achhai anyii akhushü jonglu wala, amungtan ka trotam na tiijong wan raüta mipeng wan kra michhi wan nonghan.

ISAIA 40:5

Kiijiishe Tatiwe khushü kra mitiichhikuq, kiimaq maiq phan tlotli raq kra michhi. Arka Tatiwe apaiq raq kiq akhamkuq.”

ISAIA 44:23

Chochi lantea rütrang ronglaq, namshiq ramungtan thun raq! Gitrang ronglaq, hiqtsan hiqmong thun lei! Chochi lantea rütrang ronglaq, pum thun, kiimaq rum wa pechong thun loweatek raq! Tatiwe raq apaiq jonglu tiichhito asengi Israilnok chhii wan raüta.

ISAIA 6:12

Ngi raq mungmaiqse ka pongmung luhea na munglu shumwi ma mitsuqbaiqha. Lata armung ka hiqmiq changkhü ma mitiijabaiqha.

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 9:3

Ümniiraq tsangshiq ma chochi jonghea kuqlaü, Tati lei; ümniiraq tsangshiq ma chojong chise rilung she kuqlaü. Ümniiraq tsangshiq ma jaqsham kuqlaü kriima chochitlo, tsamjut tumwan raüjaq chochitlaq ikha, riimakla sepat lopi riiphea lam maq chochitlaq ikha chochitlo.

JEREMIA 30:19

Kiijaq shongti mungmaiqse raq tiitsam shi mishi; tsangshiq ka chojong chise miriiriiq wan. Ngi raq shiimantiikang kha maq, tsangshiq ka pahea mipu wan; Ngi raq shiiman tiikang kha maq, tsangshiq khushü mijong wan.

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

EJEKIEL 36:24

Ngi raq namshiq ka maiq mungtek wa kiimaq maiqhiq tek wa mitsuq wanha. Lata nam mung na hali mitiijang shea wan nongha.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

WEAWEA 23:10

Israil saüse phan ka botkhulai ikha- Tsangshiq ka awealot mai pahea. Irilung ka Shiikeawe sengi ashi ikha tiisungpha; Ngi ka hansang maq kechu maiqse tsai tsaipha.”

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

John 15:8

Namshiq ka apapa tsingo wan lili riihan jiitiq, i We khushü ka mijong wan. Krai mren, namshiq ka, awongsii i jaqshisetiim miishe mija wan han.

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

TRI CHONGKE 10:22

Man na namtitiim ka Ejip mung na laühotaq akhing na, tsangshiq ka maiq roqmiishi laqlaqse li riito. Shatmaq ümchaü ka Tatiwe namshiq Shiikeawe raq, namshiq ka ra na raiqsaiq diimtlaq ikha awea lot mai she tiipu chikuq wanto.

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

TRI CHONGKE 28:64

“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.