Hosea 5:15 - ASII LAKDAP Bible (BSI)

¹⁵ “Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”

Hawa Naga Bible 2001

¹⁵ “Ngvy miqsaz htenc rueq tsuingshiq mvrax htenc laung nuex kuilc daz rvhumc vtueq, ngvy kox nuex yek waungc vkhing nuex httuiuc laz ngaz rueq tsuingshiq kuex tuip gay shec shaungx. Tsuingshiq kuex kuilc daz rvhumc tuex nuex ngaz kuex laungc maq thuiyx wuez phuex.”

Hosea 5:15 Referencias Cruzadas

RAPHA HIQWA LAK 42:21

Raütiishe tsangshiq liipan weshi raq weshi ma akha riingoto, “Ahata. Ümchaü nashiq chamchao tiikai arka nashiq raq nano ma jamlai wa ashut klokai kra thamshe hophaq tiikai ahata. Nashiq raq apaiq ka pinthum chamchao mong na chhikai, kra ningkhan apaiq raq nashiq jaq wa khrum jaüto. Shatmaq nashiq raq apaiq ka khrum mai riikai. Kriikha niishe ümchaü nashiq raq chamchao riihum phaq kai ara.”

2 KAÜWA WERAÜ 7:14

kra akhing na, tsangshiq ka ijaq wa achu jaü raüla, kiimaq tsangshiq ngarai thun kra troq raüta, tsangshiq raq ashut jaqsham tlaq kra thun kra thaq baiq raüla, ngi raq tsangshiq achu jaü ka ramungtan maq mitaiha, lata tsangshiq ngarai thun ka midii kuqha. Lata tsang mung ka chiithe lüwa hiq miishe mitiija kuq nongha.

YOBA 33:27

Apaiq raq nokwe man na michong, “Ngi raq ngarai tangkang dea. Ngi raq riikhaqli sham mang dea, shatmaq Shiikeawe raq ngi ka tiihang kuqto.

Tvtsvmc 107:13

Tsangshiq chamchao tsi ma Tatiwe ma hoqto, kiimaq apaiq raq tsangshiq chamchao mong wa tiichhiito.

Tvtsvmc 107:19

Kiijiishe tsangshiq chamchao tsi ma Tatiwe ma hoqto, kiimaq apaiq raq tsangshiq ka chamchao mong wa tiichhiito.

Tvtsvmc 107:28

Tsangshiq chamchaotsi ma Tatiwe ma hoqto, kiimaq apaiq raq tsangshiq pitlang pitthea mong wa chhiito.

Tvtsvmc 107:6

Tsangshiq chamchaotsi ma Tati ma hoqtrangto kiimaq apaiq raq tsangshiq chamchao mong wa khupwongto.

Tvtsvmc 132:14

“Ngi ka arjaq pattup pat-sa she misiha; arjaq nga lata mung misiqha.

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 78:34

Ümtiikiiwa apaiq raq tsangshiq phong wa wiijam ka jiipbaiqtlaq, raüla tsangshiq phong wa maiq wiijam ka awokhong na jang wa nongtlo; tsangshiq ngarai ka tiidiitlo raüta tsan atsi maq apaiq jaq wa achu jaütlo.

Tvtsvmc 83:16

Tsang thea na jeasi kongtam puqshi phong kuqlaq, O Tatiwe lei, laüta tsangshiq ma ümningkun heng kra tiisaplaq.

TAKSU LAK 8:17

Ngi lungwiiti ka ngi riimin lungwii tiikang, Jurwa ngi rittlaq kriiti raq ngi mihum.

ISAIA 18:4

Tatiraq ngi ma nguto, “Ngi raq ramungtan maq tsamjut choji na rawa na kaiqshak shak se maq bang hiq na rok tlaq ikha milüha, kiimaq chhainyiinyii hea, atsomwiq ranaiq rashekii na bangkham chhaitlaq ikha mitiichhaiha.

ISAIA 26:16

Tatiwe lei, ümniiraq ümsenginok ka sintsang maq tsat laü; kiimaq üm motsi ma tsangshiq raq ümjaq wa achu jaüto.

ISAIA 26:21

Tatiwe ka apaiq sichang ramungtan jam maq aki saühotlo she. Apaiq ka mangjong maiqse raq ngarai thun klo khana tsangshiq ma mo tiihokai kitlo. Mangjong hiq na ahukse maq maiq atsatbaiq thun ka wiita mitiichhikuq. Kiimaq maiq ümchu wa tsatbaiqtaq thun ka hiqraikhü riimin paülot mak she miraq.

ISAIA 26:9

Rawa thung niimin itsan imong wiita kuq lata, ümniikli lungwii tiikang, ümtiikiiwa ümniiraq mangjong hiq kha miphohaü, kiijiiqtiq tsangshiq wiita raq tingting khapho ka jamlai wa kra misap.

JEREMIA 2:27

Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 3:14

“Namshiq ka maiqbomtai mannok. Jangwa rongkiq. Namshiq ka iwokhong na siti dongdii. Ngi raq namshiq phong wa chela shi wa maiq weshi shi mitsea wanha. Kiimaq awe raü ashi wa maiq ka anainai mitsea wanha. Lata ngi raq namshiq ka Jajon Pum na hali mitiijang shea wan nongha.

AJONJÜ 3:40

Nashiq jamkho shongnga tiikai kra, shinlii laita Tatiwe phana nyap wan nong rong i.

EJEKIEL 10:4

Kiimaq Tatiwe asi khushü ngao makse chathit chhainyii ka cherubim phong kiiwa ra nü na wawan raüta, Shomjam kilamchong tho kiiniishe wawanto. Kiijiishe Shomjam ka phum thup raq mong wanto, kiimaq rinkea keathung ba kriika walüli chhaitlaq kriiraq liliim wanto.

EJEKIEL 11:23

Raütiishe kra makse chathit chhainyii raitlaq kriika chela kiiwa awa she riiwanto. Raüta chela maq shedong nü nü na pumkaü kiiniishe wawanto.

EJEKIEL 20:43

Kiijiishetiq namshiq raq, namshiq raq ümtinkhan wa maiqjea asi klo wan lan thun kra namtsan mong na midong wan. Kiimaq namshiq raq maiqmii khum ka jamkho tiisheshi baiq wanlan, kriithun ka namtsan mong na midong wan. Namshiq ka maiqmii nai maiqmii kli she mitiitap tang han. Jamkhano ngukla namshiq raq atinkhan ashut klowan wan lan.

EJEKIEL 36:31

Namshiq raq ümtinkhan wa abi rong arai rüm wan lan kra tsan na mitiitsang han kiimaq ajiq ümtinwa klo wan lan kra tsan na mitiitsang han. Lanta namshiq maiqmii raq ümtinkhan wa ngarai tang wan lan kiimaq ashut klo wan lan thun kra tum lanta, maiqmii nai maiqmii riili she agoq apaiq misaisi han.

EJEKIEL 6:9

Kiijaq tsangshiq ka munglu shumwikong ma jaraüta mishong wan. Kiijaq tsangshiq raq Ngi ka tsan na mitiima. Kiimaq Ngi riidea tsangshiq ma mo ka tiihokang kiimaq tsangshiq ma jea tiingaü kang nguta misap. Jamkhano ngukla tsangshiq raq Ngi ma kammak miimbaiqthü raüta sumla phra thun kra shomnoqto. Kiimaq tsangshiq raq maiqphai asi pahea klo wanto kiimaq tsangshiq raq anun ashe jaqsham wanto kra ningkhan, tsangshiq ka thophi riiqphi she miraq.

EJEKIEL 8:6

Shiikeawe raq ngi ma nguto, “Maiqse lei, kiijaq jamlai wa riihotaq kra chhitlaü sha? Liilaq, arjaq Israilnok raq maiqphai asi riikhiq phan ashut klotlo. Tsangshiq raq ngi ka ngi sichang asii khok mong wa kinphai na luhea na jobaiq hoho she jobaiq hoto. Ümniiraq arthaq niimin naolaq bihea jeasi chang phan jaqsham she hali michhi nong haü.”

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Hosea 5:6

Tsangshiq skusekong nai jamnyamsekong kra tsuqho raüta, Tatiwe ma shomnoqkai nguta kitlo, shatmaq Tatiwe raq, tsangshiq honglu ka tao mak she miraq, apaiq raq tsangshiq ka miimbaiqto.

Mikha 1:3

Tatiwe ka apaiq sichang asii jam maq satho tloshe. Raüta pum khu thun thaq na mikhum.

WEAWEA 21:7

Kiijiishe mungmaiqse ka Mosheq phana wato. Raüta akha nguto, “Naishiq raq Tatiwe ma nai ümniima bom abi bomlaita ngarai tangkai. Ümchaü min Tatiwe jaq paü kong ara lambaiq laq nguta achu jaülaq.” Krai mren Mosheq raq Mungmaiqse miitu achu jaüto.

Luke 13:25

Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.

PHOWEBI 4:3

Jabin jaq niika jin kumrang leng shitiikaü asi. Kiimaq apaiq raq Israilnok ka ji maq nishishi kiimaq jasam piqsii maq wiiroqnai jamshato. Kiijiishe Israilnok ka Tatiwe man na pinthum hoqsii trang raüta khrum kuq liidea nguta achu jaüto.