Hosea 6:1 - ASII LAKDAP Bible (BSI)

¹ Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

Hawa Naga Bible 2001

¹ Miq htenc rueq, “Yehowa kox nuex yek wuez ix! Vpiq rueq naungshiq tvthuiuz sac phuex, yuq muinz vpiq rueq naungshiq kuex vsuingc suing tvhvlc kuq phuex; vpiq rueq naungshiq nuex vmac tvkop kuq phuex, yuq muinz vpiq rueq naungshiq mac vtsac htenc kuex yop kuq phuex, vpiq rueq shuimx shuex rvmuq haz?

Hosea 6:1 Referencias Cruzadas

2 KAÜWA WERAÜ 30:6

Hokhamwe nai asengi ajong alabi raq aming kuqtaq kra phan phan, tsütsa chongkaiti maiq pahea Juda mung nai Israil mung hamli tiiwato. Tsangshiq ma tsütsa ka akha tiichong hoto: “Singmung maiqse Israil mungti lei, namshiq ka Asiria mung raq namung khatki raüta tang wantaq kra wali mong wiimin lun wan lan she. Ümchaü sanha Tatiwe, Abraham, Isak, kiimaq Jakob Shiikeawe wokhong niishe jang wan rong laq. Raüla apaiq kiimin namshiq phana hali mijang ki nong.

YOBA 16:9

Atsankhiq tsi ma Shiikeawe raq ngi ka ihok ijaq thun kholam kholiiq chai baiqto; apaiq raq ngi ka rongtsai wijea saisi raüta liitlo.

YOBA 22:23

Tengto, ümniika aranse ma jalaüta Shiikeawe wokhong na jang wan raa dongdii laüta ümjam kun wa abi jaqsham thun ka wiita thaqbaiq laq.

YOBA 34:29

Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.

YOBA 5:18

Shiikeawe raq apaiq raq atiimi ka ajop riikuq tlo; ajaq miili ümkhum na tiimi tsi tlo, kiimaq ajaq miili ümmitsi ka mitiihea kuq nong.

Tvtsvmc 30:7

Ümniika ngi ma ahea, Tatiwe lei; ümniiraq ngi ka pum na peruk ahai ikha khupwongkuq laü. Shatmaq ümniika imakki wa atiipaü riikilaü, kiijiishe ngi ma ihai sito.

Tvtsvmc 6:2

Tatiwe lei, ngi ha ahü tsai wan kang she; ngi ma mangchan tiitsi laq! Ngi ma ningkun shoqkuq laq; ngi ha haü wan kang she.

Tvtsvmc 71:20

Ümniiraq idü na chamchao sangrai tiisaülaü, shatmaq ümniiraq iningkuntu ka ajang mirkuq nonghaü; ümniiraq ngi ka maakho niika tiiki maü mirhaü.

THARC TVLUINGC 3:3

Atseabaiq akhing min tiihong je ami tiiheake akhing min tiihongje. Asiiqbaiq akhing min tiihongje; Ahaihun akhing min tiihongje.

ISAIA 17:7

Kra ranaiq akhing she saü wan raüla, maiqse raq tsangshiq Phansangtiwe, Israilnok asii Shiikeawe wokhong na nyap wan raüta khrum kuqlaq nguta achu mijaü.

ISAIA 2:3

kiimaq tsang mungti raq mingu, “Nashiq ka Tati kin kiina warongpha, Israilnok Shiikeawe Shomjam na warongpha. Apaiq raq nashiq ma atsanroro jaqsham kra mishrinkuq, nashiq ka apaiq raq tsea wantaq kra lam phan phan khumlaita mishong nga wan rong i. Jamkhano ngukla Tati tsiichong bomtsi ka Jerusalem maq chongkuqtlo; apaiq raq Jajon maq asengi ma tsü chongkuqtlo.”

ISAIA 30:22

Namshiq raq namshiq sumla phong, kampho ngam maq alo thun kiimaq chaq ngam maq alo thun sumla phong kra lamho lantea, ashe ashi phan hupsam tiijobaiq tlan ikha, tiihong lantea agi lam maq, “Imakki wa tiibinlaq!” nguta midobaiqhan.

ISAIA 30:26

Jipi kaü ka rashe kaü kiitlaq ikha chaihea mili. Kiimaq rashekaü ka rahinjaq na litlaq kra thaq na jang miishe achan mili. Ranaiq miishi kiitlaq kriika ranaiqshi na rom raüjaq ümtinkhan wa kiijiiq kiitinkhan mikii. Arka Tatiwe raq asenginok dü na apaiq raq ümchuwa tiimitsi wantaq kra, ajop riikuq raüta ami thun ka tiiheakuqtlaq kiitiikaq miku wan.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 30:12

Tatiwe raq asenginok ma ngutlo, “Namkhum wa ami phong ka ahealot chang riimak, namkhum wa ami atsaüwiq thun ka healot mak.

JEREMIA 30:17

Ngi raq namkhum ka atiihea mirkuq nongha, Ngi raq namkhum wa mopung thun kra atiihea mirha, namjaqtinok riikla, ‘Jajon ka miimbaiqto she; jurmin kriinyung shiiliti ka ahü she,’ nguta ngutlo. Arka Ngi, Tatiwe raq toqtan tiikang.”

JEREMIA 33:5

Wiijamti raq Bebilon mungti rai mirkhat. Shatmaq tsangshiq raq re na atsai maiq maa phong kriimaq jam thun kra tuptup mitiima phong. Tsangshiq ka itsankhiq walü heng nyaitlaq kriimaq kunkun mijiipbaiqha. Ngi raq ara chela ka jainong maq ashungthü wishe. Jamkhano ngukla tsangshiq ara chelati raq abi kiimung pahea kloto.

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

JEREMIA 50:4

Tatiwe raq ngutlo, “Kra akhing she saü wan raüla, Israil mungti nai Juda mungti noknai ri ka makphai trok raüta, Ngi, tsang Shiikeawe rit wan ipha niishe miwa.

JEREMIA 50:5

Tsangshiq raq Jajon na walam kra mirit. Raüta kra lam phan phan miwa wan. Raüta tsangshiq raq Ngi rai pattup pat-sa miitu tong mishong. Raüta kra tongshong tri ka ümtiikiimin jin mak she miraq.

AJONJÜ 3:11

Apaiq raq ngi ka lamphai na joho raüta, kholam kholiiq kaqphaqto. Raüta thaq baiqto.

Hosea 11:10

Tatiwe raq ngutlo, “Hangsi gitlaq ikha tsangjaqtinok raq mikaqphaq. Raüla isenginok iwokhong na miwa. Tsangshiq shenyap mung wa taülaükhiq, ngi phana miwa.

Hosea 12:6

Riita ümchaü min Jakob saüsetiim lei, Apaiq puk na nyap wan nong ronglaq. Lanta apaiq ma kamtsantsii thü ronglaq. Apaiq ka namshiq Shiikeawe. Lanta apaiq ka tsapkapkap miishe shomnoq ronglaq. Lanta tsankhun tsanmin maq, Shiikeawe ma namshiq rilung lam ka, tiishunshea lantea siwan ronglaq.

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

LEWI 14:48

Kiimaq ümtiikiiwa ramwe ka jam kra shri ra liiwa watlaq, kiitiikaq apaiq raq jam ka boq anye maq lojai thathaü ka longmak she jiila, apaiq raq kra jam ka asii she apii chang ahü she nguta bom ka mitoqtan. Jamkhano ngukla thathaü ka tiisiirai alambaiq kun she.

JEPHANIA 2:1

Jeahü mungti, namtsii lam ronglaq.

TRI CHONGKE 32:39

“ ‘Ngi, kiimaq Ngi arli dongdii Shiikeawe ka; laihin phra ka riikhaqli shiikea riimak. Ngi raq atsea riibaiq tiikang, kiimaq Ngi raq tsitsü kuqtiikang, kiimaq Ngi raq tiisho tiikang kiimaq Ngi raq ami ka tiihea kuqtiikang, kiimaq Ngi raq jamlai wa shamtiikang kra tangtati ka jumin ahü.

1 SAMUEL 2:6

Tatiwe kli miisaq chumti, apaiq kli tsitsü triicheti; apaiq raq maiq wulum mung na tiikitlo, kiimaq tsangshiq ka, tiijang shea wan nongtlo.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”