James 5:16 - ASII LAKDAP Bible (BSI)

¹⁶ Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.

Hawa Naga Bible 2001

¹⁶ Kvkhoc rvtueq nuimshiq vdvmz dvmz miqmac mvrax htenc kuex kvjungc vtueq vdvmz dvmz vjux thoz ruiux yuq, nuimshiq vthuiuz vsac htenc kuex hvlx wvnc tuex. Miqhvlx jix rueq vjux thoz kuex luimc vkawc httax yaq.

Muklom

¹⁶ Eshirangma nim aa ashey eq ashey rel o nim ni nim ngarey shi wungbat inn; etho ashey eq ashey rangma romtam chu inn; irimal ang jo nim utak wang uqhal ang nin. Asing miqtang romtam sha rapney arong.

James 5:16 Referencias Cruzadas

RAPHA HIQWA LAK 19:29

Shatmaq ümtiikiiwa Shiikeawe raq Lot shongchang hiq thung tan wa chela wiinai kra tiithen baiqtaq akhing na, apaiq raq Abraham ka atsan na thüshat riito. Kra ningkhan Lot ka akhum tiichhii wan hiq ahin na tiijubaiqto.

RAPHA HIQWA LAK 20:17

Sara, Abraham tanyung ma jamlai mra wa pintaq kriikha na, Tatiwe raq Abimelekh hokham jamti anyung re jechak re ma ase humlot mak she tiija baiqto. Kra ningkhan, Abraham raq Abimelekh miitu achu jaü kuqto. Kiimaq Shiikeawe raq apaiq khum ka tiihea kuqto. Kiimaq Tatiwe raq Abimelekh tanyung khum kiimin tiihea kuqto. Kiimaq apaiq disetiim jechak setiim khum kra tiihea kuqto. Krai mren tsangshiq raq asetiim humto.

RAPHA HIQWA LAK 20:7

Shatmaq ümchaü maiq nyung ka tsangwe miishe jangkuqlaq. Apaiq ka shammiwe. Kiimaq apaiq raq ümnaq miitu achu mijaü kuq. Kra riihaüla ümniika tsaimaü mirhaü. Shatmaq ümniiraq kriinyung ka apaiq ma jangkuq maü riihaüla, Ngi raq ümniima hon lam bom chongtiikang, ümniika mitsai haü, ümnaq nai ümsenginok ka mijiimhan.”

RAPHA HIQWA LAK 32:28

Kriiwe raq nguto, “Ümmang ka Jakob riimak she. Ümniika Shiikeawe rai riikilaü kiimaq maiqrai min riikilaü. Laüta ümniiriisii tanglaü. Kra ningkhan ümmang ka Israil she miraq.”

2 SAMUEL 19:19

Raüta nguto, “Chaü lei, ngi raq ümnap ümji ümniika Jerusalem maq akaiho na, ngi raq jamlai wa shutkang kra ümtsan na naq tiitsangkiq. Kra ngi mra ka naq thiikiq she. Kiimaq tsan na naq tiimakiq she.

1 HOKHVMX 13:6

Kiijiishe Hokhamwe Jeroboam raq shammiwe kiima, “Mangchan laüta ngi miitu üm Tatiwe üm Shiikeawe jaq wa achu jaülaq kiimaq apaiq ma ijaq ara tiiheakuq laq nguta achu jaükuq laq!” nguta tiipaiq neato. Krai mren shammiwe raq Tatiwe jaq wa achu jaüto. Kiimaq hokhamwe jaqtsi ka tiidoq ra heakito.

2 KAÜWA WERAÜ 30:20

Kiimaq Tatiwe raq Hejekia achu jaü ka tre kuqto. Raüta apaiq raq mungmaiqse ngarai ka diikuqto. Kiimaq tsangshiq ma sintsang tiihomak dea riito.

YOBA 42:8

Ümchaü min minsaü pongwetiim miishi kiimaq sku pongwetiim miishi hea wan lantea Job phana waronglaq. Lantea kriithun ka namshiq miitu honglu na kuq ronglaq. Raüla Job raq namshiq miitu achu mijaü kuq kiimaq ngi raq apaiq achu jaü ka mitre kuqha. Kiimaq namshiq raq jea ngaü phaq chang sitlaq kriiwa mitiiwong kuqha. Apaiq raq ngi miitu tengteng bom chongtaq kiikha namshiq raq chong man dea riilan.”

Tvtsvmc 34:15

Tatiwe raq kechu maiqse ka khebomshat kiimaq tsangshiq hoqsii trang ka taitlo;

DUNGWVNC 17:11

Mosheq raq ajaq ka ra na doshat sitlaq wiiwii ka Israilnok raq rekhat ka tangtlo. Shatmaq ümtiikiiwa apaiq raq ajaq phum wiinai ka hiq na tiisat tlaq, Amalakaiqnok raq tang wantlo.

DUNGWVNC 9:33

Mosheq raq hokhamwe ka baiqthü raüta, chela phai niishe kihoto. Raüta ajaq ka ra na do raüta Tatiwe jaq wa achu jaüto. Kiimaq ramok wa, tsak-hiiq rok wa, kiimaq rajun wa trang ka wiita atsaq she riikito.

TAKSU LAK 15:29

Maiqshaqti raq achu jaü raüla, Tatiwe raq tretlo; shatmaq ashut maiqse achujaü ka, apaiq raq tremak.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

TAKSU LAK 28:9

Jurwa thungtri jin raüta sitlaq, kriiti achu jaü ka Shiikeawe raq, pinthum saisitlo.

JEREMIA 15:1

Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

JEREMIA 33:3

“Ngi healaq, raüla Ngi raq mitre kang; Ngi raq ümniima awang chang thun kiimaq amao chang thun ümniiraq khonlot maü phan kra michong kuq kang.

JEREMIA 42:2

ngi ma chongto, “Mangchan laüta naishiq raq jamlai wa jaütiikai kra shamkuqlaq! Nashiq Tati Shiikeawe jaq wa, naishiq miitu achu jaü laq. Naishiq re jaq song ümchuwa tiichongkaiti thun tlotli miitu achu jaü kuq laq. Man na nashiq ka maiq pahea riikai. Shatmaq ümchaü sanha atsapseli she tiichongkai. Arka ümniiraq ümmak maq achhihaü.

WEAWEA 11:2

Mungmaiqse ka Mosheq phana waraüta khrum kuqlaq nguta hoq trangto. Kiimaq apaiq raq Tatiwe jaq wa achu jaüto. Krai mren wa khiim dong ka amat she riikito.

Matthew 21:22

Namshiq raq Shiikeawe ma riikhaqli maq kam lanta achu jaü han jiila, jamlai phan miitu wa achu jaü tlan, kriika namshiq ma miklo kuq.”

Matthew 3:6

Tsangshiq raq maiqmii ngarai ka tiidii wanto. Krai mren, Johan raq tsangshiq ma Jordan rai na kham lamkuq wanto.

Mark 1:5

Judia wang wa nai Jerusalem chela wa, maiq pahea raq, apaiq traho bom chong taikai kito. Kiimaq, tsangshiq raq maiqmii ngarai ka tiidiito. Krai mren, apaiq raq tsangshiq ma Jordan rai na kham lamkuqto.

Luke 9:6

Krai mren, ajaqshisetiim ka kihoto. Raüta maiqhiq shong thun ümchuwa sitaq kiijaq tiikham raüta kito. Raüta, Tsütsa Ahea kra chongkuq wan wan, trahokuq wanto. Kiimaq maiq atsi asiti thun ka barap wa tiihea kuqto.

John 9:31

Nashiq raq asap i. Shiikeawe raq ngarai maiqse achu jaü ka tre kuq mak. Apaiq riika, juwa apaiq wokhong na sitlaq, raüta apaiq bom ka tai tlaq, kriiti achu jaü kli tre kuqtlo nguta asap i.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 19:18

Kra chhi raütiishe phunainotiim phong wa maiq pahea raq, tsangshiq raq kiikhiinok ngarai tang wantaq thun kra, wiita nokwe man na linham linhok mra tiidii wanto.

Acts 8:24

Kiijiishe, Simon raq, “Phuno we nai lei, mangchan lanta, ngi miitu Tatiwe jaq wa achu jaükuq ronglaq. Ümchaü namnai raq jamlai wa chong lan kra manson ka i dü na nimak chang miitu,” nguta Petar nai Johan ma chongto.

Romans 3:10

Ara jamkhano chongtiikang ngukla, Asii bomtsi na akha chongtlo: “Jumin kechu maiqse nguta ahü.

Romans 5:19

Kiimaq, maiq weshi Atam raq Shiikeawe bom tlea raüta, kra lümaq mangjong maiqse kunli ka ngarai maiqse ma tiija baiqto. Riita, kra jai tiijo wan hali, maiq weshi Jesuq raq, Shiikeawe bom ka phaqchii nichii maq tai raüta jaqsham wanto. Kra jaqsham wantaq kra lümiishe hali, tsangshiq wiitarü thun ka, Shiikeawe man na kechu maiqsetiim she nguta, tsangshiq ka Shiikeawe rai wehea miishe mitiija kuq wan nong.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

1 Thessalonians 5:17

Wranaiqshe achu jaüshat maq si ronglaq.

1 Thessalonians 5:23

Riita, nashiq ka khusang maq rüm wanti Shiikeawe raq, namshiq ka apaiq phumram kham maq batshat raüta, namshiq ka phanrap na asii arai, kiimaq namshiq khum ka, wiipumtam maq, namshiq wenyi ka, namshiq tsaiji ka, kiimaq namshiq han-ngam khum ka, Tati Jesuq Khristo saükai akhing ranaiq na saü li, ashe ashi miphan jam min ahü maq, siirai raihea maq mirümkom wan laq nguta, achu jaü tiikang.

1 Thessalonians 5:25

Phunainotiim lei, naishiq miitu ri achu jaükuq ruq ronglaq.

Hebrews 11:4

Kain raq akuq honglu nam ma, Abel raq akuq honglu ka athuk atsom lin riito. Abel riika Shiikeawe ma kamtsantsii lümaq kuqto. Apaiq raq, kamtsantsii maq honglu kewan kha maq, Shiikeawe raq, apaiq honglu kra taoto. Raüta, apaiq ka kechu maiqse dea nguta bom raito. Apaiq ka atsai kaikun she li jiimin, apaiq raq kamtsantsii lümaq, ümchaü niitaq nashiq rai riibom dam tlo. Jamkhano ngukla, apaiq jaqtho kiiwa, nashiq raq tsin wan chang tsütsa asi.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.

Hebrews 12:13

Lanta, rusansan lamjong kra phanphan she, khum rong laq. Lamlü lam kra phanphan khum han jiika, namhok ka ninrai mak miraq. Kiimaq, akü ashiiti sitlan kiimin, ahea she mirki.

Hebrews 13:18

Naishiq miitu, namshiq raq achu jaükuq tlan kra, naq nungpaq rongkiq. Naishiq ka tiima tsantsii siirairai, khangriri rüm laita sitiikai. Jamkhano ngukla, naishiq ka wranaiqshe athuk atsom jaqsham wan kli lungwii tiikai.

JOSHUA 10:12

Tatiwe raq Israilnok ma Amoraiqnok khat raüta tiitangkuqtaq akhing na, Joshua raq Israilnok man na akha achu jaüto: “Rasekaü lei, Gibeon chela na, kiishatli kiilaq; Jipikaü lei, Ajalon Hiqthung tan na, likuq shat li lilaq.”

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

1 John 3:22

Nashiq ka Shiikeawe wokhong na sitiikai. Laita apaiq aming thun ka lang laita sitiikai. Kiimaq apaiq raq ro tlaq kra phan phan jaqsham tiikai. Krai mren, Shiikeawe jaq wa nashiq raq jamlai wa jaü tiikai, kra apaiq raq nashiq ma kuq tlo.

1 SAMUEL 1:12

Hanna ka kiijaq Tatiwe man na shetang achu jaüto. Kiimaq Eli raq apaiq nükhü tiime tlaq kra liito.

1 SAMUEL 12:17

Riita, ümchaü ka raliichoji, shinram shinriiq riimak shea? Shatmaq ngi achu jaüpha. Tatiwe raq ra mitiimok raüta ra mitiijun. Kriishe chhihanla, namshiq raq Tatiwe jaq wa hokham ashi shongkuq laq nguta jaü lan kriika ngarai jonghea tangkai ngutiishe misap han.”

1 SAMUEL 12:18

Kra ngu raüta Samuel raq achu jaüto. Krai mren, kra ranaiq niili, Tatiwe raq rathaiq ramok kiimaq rajun tiisaüto. Kra chhi raütiishe mungmaiqse tlotli ka Tatiwe ma nai Samuel ma ahai riito.