James 5:17 - ASII LAKDAP Bible (BSI)

¹⁷ Elija ka nashiq akhnok maiqse siili riito. Apaiq raq kam raüta, atsi dada maq, ra naq tiijunkiq nguta achu jaüto. Kiimaq wiitsam ri wiithiq Israilnok mung na ra jun mak riito.

Hawa Naga Bible 2001

¹⁷ Elia kuex naungshiq vkhoc miqsaz washiz dvyx rvtueq. Raungyunx muq tvkoc thuinz tvyungc vtueq vjux thoz koq tueq, wawc thuimx rac yapix lex tvruk tup ghaq htauk nuex raungyunx muq rvtueq.

Muklom

¹⁷ Elijah tho hiqtang mal miq hun angta; rangchey ang moq angma piq aa qhap eq romtam chuta etho pang tom tángko náng thula haq na rangchey moq angta.

James 5:17 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

1 HOKHVMX 18:1

Kra jai maq heashi sijai na, rarin dong wanli maq wiitsam she angu na, Tatiwe raq Elija ma nguto, “Ümniika Hokhamwe Ahab phana walaq. Laüta ümsham ka tiichi wakiq. Krai mren, Ngi riimin rashe mitiijunkang.”

Luke 4:25

Kra ngu raütiishe Jesuq raq tsangshiq ma akha chongkuqto, “Ngi chongpha, taironglaq: Shammi we Elija pat na, Israilnok mung na manti-nyungre ka pahea riito. Kra pat na wiitsam ri wiithiq ka, ra ka akhiismin jun mak dongdii, rarin dongto. Kriikha maq, Israil mung tlotli na henghea pinthum ramdongto.

Acts 10:26

Shatmaq, Petar raq apaiq ka, “Chaplaq. Ngi armin la maiqse ashi li tiina,” nguta bom wanto.

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

Romans 11:2

Shiikeawe riika, apaiq raq hiqpha rawa miiphü atsea arwan, asengi shaq ka shubaiq tlii ka, shubaiq mak dea. Asii bomtsi na Elija raq Israilnok ka Shiikeawe ma kamwan mak riitlo nguta shra wan bom chong tlaq kiijaq, Shiikeawe raq Elija bom ka jamkho tretaq kra namshiq raq phat tlan ahiq na. Elija riika akha achu jaüto.

Revelation 11:6

Tsangnai jaq na ra kilü ka shaq baiq miitu arang asi. Krai mren, tsangnai raq, ra kilü ka shaqbaiq raüla, tsangnai raq Shiikeawe tsütsa chongke liipan na, ra ka jun mak she miraq. Tsangnai jaq na jüserai setiim thun ka, tiijai ma tiija baiq miitu ningkun asi. Kiimahali, tsangnai raq ara mangjong hiq na, phanphan sawa tha mitiiwalot. Tsangnai raq ümchu jang tiidongro wa, kra phanphan tha ka mitiidong lot.