James 5:15 - ASII LAKDAP Bible (BSI)

¹⁵ Ara kam raüta achu jaükuq tlaq ariiraq atsi ka ahea mirki. Tatiwe raq apaiq athatsi ka mitiihea kuq. Kiimaq apaiq raq ngarai thun tangtaq kriimin adii mirkuq.

Hawa Naga Bible 2001

¹⁵ Kvmluimx thuinz maq vjux thoz ruiux yuq vthuiuz jix waz kuex hvlx wvnc tuex, Taungjix rueq piq kuex tvhvlc kuq ruiux, piq yaq wvnc tueq mvrax htenc muinz dawc kuq gay shuex.

Muklom

¹⁵ Kam romtam tungkang o atak tey sha ulun angna etho Teyhungwa piq tha tun tashat eq thalang na. Piq aa ngarey somlo ta jo tho piq sha tolchak eq na.

James 5:15 Referencias Cruzadas

ISAIA 33:24

Namung na siti maiqse phong wa jurmin atsi chamchao tiikang nguta shakshaq mak she miraq. Kiimaq ngarai thun ka siirai she midiikuq wan.

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

John 5:14

Kra jai miishe, Jesuq raq apaiq ka Shomjam na hali humto. Raüta, “Tai laq! Ümthatsi ka heakito she. Ngarai anye ka naq tang nongkiq she. Tangnong haü la, ümniima arthaq niimin chamchao jonghea misaü kiiphaü,” nguta apaiq ma akha tsii chongkuqto.

John 6:39

Kiimaq ngi tiikaiti we raq tiima tlaq ka, apaiq raq ngi ma maiqse ümchuwa kuq wantaq, kiiwa ngi raq ashi min tiimo baiq mang maq, phangthum ranaiq na, ngi raq tsangshiq tarü ma, tsitsü rilung mikuq ha dongdii nguta riichopisiqtlo.

1 Corinthians 1:21

Jamkhano ngukla, Shiikeawe nyan phaqchi maq maiqse raq apaiq ka tsangshiq maiqmii phaqchi ümkhiiriitii min sap lot mak tiijabaiqto! Kra rii na, Shiikeawe raq naishiq raq trahotiikai “angi” tsütsa nguta shipoqtlaq kra lümaq kam wantlaqti ka tiichhiike miitu thapthi wanto.

2 Corinthians 4:14

Shiikeawe raq Tati Jesuq ka amaa wa tiidong wanto nguta nashiq raq asap i. Kiimaq Shiikeawe raq Jesuq ka jamkho amaa wa tiidong wantaq kiikhiisii hali, nashiq armin amaa wa mitiidong wan nguta asap i. Raütiishe apaiq raq nashiq tarü adam na, Jesuq rai siwan miitu mishea wan.

James 1:6

Shatmiitiina, ümniiraq achu jaü tlaü akhing na, Shiikeawe riika ümniima mikuq dongdii nguta, kam laüta jaü laq. Ümtsan anai ka naq thü kiq. Jurwa tsan nai maq achu jaü tlaq, kriiti ka sammoktra jü na, rahai wan kiijaq khamtso blun phom tlaq ikha. Apaiq ka rahai walam phanphan, khamtso blun phom wan tlaq ikhli miraq. Apaiq kamtsantsii ka rahai niili mipansiq.

James 5:13

Namshiq liipan na, maiq ashi ra acham achaoti asi sha? Apaiq raq achu mijaü laq. Ashi ra acho achiti asi sha? Apaiq raq tiitsam shi mishilaq.

James 5:16

Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.

James 5:20

ara tsan na tiitsang ronglaq: Jurwa ngarai maiqse ashi ka lamjiq na akiho kiiwa tiijang shea wan tlaq, kriika ngarai tangti we tsaiji ka atsai kai chang wa tiichhii kuqto ngushat. Kiimaq ngarai pahea tiidii kuqto ngushat.