James 5:14 - ASII LAKDAP Bible (BSI)

¹⁴ Ashi ra atsi asiti asi sha? Apaiq raq phungtuti maiqlare ka tiihea kai chang. Tsangshiq raq apaiq miitu achu mijaükuq kiimaq akhum na olip tel maq Tatiwe mang na minyat kuq.

Hawa Naga Bible 2001

¹⁴ Nuimshiq wawc vshiz shiz vthuiuz vsac haz rvhumc vtuinx? Mnoz rueq phungc walaungx bix kuex gvl vtueq tsuinghez rueq Taungjix muingc maq vthuiuz jix waz htauk nuex olip puiz tix yut kuq ruiux vjux mthoz kuq shueq.

Muklom

¹⁴ Nim wang chamtey atak ang ajo, mondoli miqlang tang sha hal ching etho ning aa Teyhungwa miing wang eshi atak miq o naman jik eq piq rangma romtam chuk ching.

James 5:14 Referencias Cruzadas

1 HOKHVMX 17:21

Kra nguraütiishe, Elija raq ajaq ka atiipii raüta kra no khum thaq na tiithongtsam apaiq ka bumhihi raüta akha achu jaüto, “O Tatiwe lei, i Shiikeawe lei, ara nonose rilung ka atiijang riikuq laq!”

2 HOKHVMX 4:33

Apaiq raq kilü ka shaqto. Raüta Tatiwe jaq wa achu jaüto.

2 HOKHVMX 5:11

Shatmaq kra tai raüta Naaman ka atsankhiq wa liishe, anü maq akha atiibot lam miishe jang wanto, “Ngi khoti miina apaiq ka ngi phana midongki ahiq. Raüta ikhum na amiba thun kiijaq ajaq maq jap raüta, apaiq Tatiwe, Shiikeawe jaq wa achu mijaü kuq ahiq. Raüta ithatsi kra mitiiheakuq nguta tiima kang!

Mark 16:18

Kiimaq ümkhiimiiwa, tsangshiq raq paü ka jaq maq shamrat raü min, kiimaq achok araq phan phaqsiq rat raü min, tsangshiq khum na taimak miraq. Tsangshiq raq maiq atsi asiti dü na jaq maq sham raüta achu mijaü kuq. Raüla, atsiti thun kra mihiaki.”

Mark 6:13

Tsangshiq raq tsak amii tha pahea, maiq dü wa jobaiqto. Kiimaq atsiti thun pahea khum na olip tsai maq nyat kuq raüta, atsi ka tiihea kuqto.

Acts 11:30

Tsangshiq raq ara khrum kongphiq jaqmiiq kampho arka riichom lot raütiishe, Barnabas nai Saul ma, Jerusalem na phungtu liiti maiqlare jaq niishe tiikuq kito.

Acts 14:23

Tsangshiq raq phungtutek na, ashun asheati maiqlare thun kra shong thüto. Kiimaq amang maq achu jaü raüta, tsangshiq ka tsangshiq raq kamwantlaq Tatiwe jaq khong na kiinong kuqto.

Acts 15:4

Tsangshiq ka Jerusalem niishe saüki kiita, phungtuti raq nai kiimwebi raq kiimaq maiqlare raq khoqriiq shishiiq miishe taoto. Kiimaq Shiikeawe raq tsangshiq lümaq ümtinkhan wa jaq shamtaq, kra tsütsa ka tsangshiq ma tiitai chongphan kuqto.

Acts 28:8

Publias ma awe ka atsi chang na abum riito. Apaiq ka awok tsi achat nai tsidong riito. Riita, Paul ka tapmong na wato, raüta atsiti we dü na ajaq maq sham raüta, achu jaükuqto. Krai mren apaiq thatsi ka tiihea kuqto.

Acts 9:40

Kiijiishe, Petar raq tsangshiq ka tarü tapmong wa rin niishe tiiki baiqto. Raütiishe, apaiq ka kaütsrong na nga raüta achu jaüto. Apaiq raq achu jaülot raütiishe, maiq maa wetlaq kiinü na nyi raüta, “Tabitha, tiidolaq!” nguta apaiq rai bomdamto. Krai mren, kra nyung raq amak ka tiipiiqto. Kiimaq apaiq raq Petar ka chhi raüta, chang na awe wa, anga she riito.

Titus 1:5

Ngi raq ümniika Kret wang na jaqsham tlot thü miitu baiqthü kang. Ümniiraq kra jaqsham atiinyi wan chang thun sitlaq kra, tlotli sham laq. Chelatek na phungtu liiti, maiqlare tsea laüta, shiikap laq. Ngi raq ümniima tsii chongkuq pha thun ira tsan na samhea tiitsangshat maq silaq.