James 5:13 - ASII LAKDAP Bible (BSI)

¹³ Namshiq liipan na, maiq ashi ra acham achaoti asi sha? Apaiq raq achu mijaü laq. Ashi ra acho achiti asi sha? Apaiq raq tiitsam shi mishilaq.

Hawa Naga Bible 2001

¹³ Nuimshiq wawc vshiz shiz kuilc daz jamjaux haz rvhumc vtuinx? Mnoz rueq vjux thoz shuiuz. Vshiz shiz thuinhvlc jix vhttax haz? Mnoz rueq shic vngoyc maq tvtsvmc shuiuz.

Muklom

¹³ Nim wang chamtey tin tashit na ang ajo romtam chuk ching; sungrang ang ajo, ning tasapsey sey ching.

James 5:13 Referencias Cruzadas

1 KAÜWA WERAÜ 16:9

Tatiwe tiitsam shinge ronglaq; apaiq raq amao chang jaqsham kuqtaq thun kra chong ronglaq.

YOBA 33:26

ümtiikiiwa apaiq raq achu jaü jiiq, Shiikeawe raq apaiq ma mitrekuq; apaiq raq Shiikeawe ka chochi khiq maq mishomnoq; Shiikeawe raq apaiq miitu phanrap ka riikhaqli mitiihong kuq nong.

Tvtsvmc 105:2

Tatiwe ma tiitsam shikuq ronglaq; apaiq raq amaochang jaqshamtaq thun kra chongronglaq.

Tvtsvmc 118:5

Ngi littsi ma Tatiwe heakang; apaiq raq ibom treto, raüta ngi ka tiidongkuqto.

Tvtsvmc 18:6

Chamchao akhing na ngi Tatiwe heakang; ngi raq i Shiikeawe ma khrum kuqlaq nguta heakang. Ashom jam maq ibom ka taito; apaiq raq ngi khrum jaü hoqsii kang ka tiitsang taito.

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 91:15

Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.

Tvtsvmc 95:2

Nashiq apaiq khaki na warong i kechutum wa laita chojong chise maq tiitsamkam shinge rong i.

ISAIA 65:14

Tsangshiq ka khoqriiq shishiiq ashi ange misi wan. Shatmaq namshiq ka tsan among bunlaklak mihoqsiq wan han.

DANIEL 5:4

Raüta chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai phra sumla thun kra tiitsamkamto.

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

Jona 2:2

“Ngi chamchao tiikang akhing na, O, Tatiwe lei, achu jaü wan kang. Kiimaq ümniiraq, ngi achu jaü tre kuq laü. Ngi raq wulum mung maq, ümjaq wa achu jaü kang. Ümniiraq ngi achu jaü tre kuq laü. Kiimaq khrum kuq laü.

Jona 2:7

Ngi raq i tsitsü thum wan tlo nguta, sap wan kang. Kriikha maq ümjaq wa achu jaü kang. O Tatiwe lei, ümnaq asi Shomjam mong maq, ngi achu jaü tre kuq laü.

Mikha 4:5

Maiq phan aphantek raq, maiqmiimii phra mang chong raüta miphan wan. Shatmaq nashiq riika, nashiq Tati Shiikeawe mang chong laita, pattup pat-sa misi wan rong i.

Matthew 26:30

Raütiishe tsangshiq raq miikhon ashi shito. Raüta Olip Pero Hiqlam niishe wawanto.

Luke 22:44

Krai mren, atsan na tsihea maq hali, apaiq raq achu ka jaü nongto. Apaiq achu jaü na riilong wantaq kriikha maq, apaiq khum na ralam sa wa ka, tiijai da ikha hiq na sato.

Luke 23:42

Kra bom jai she, apaiq raq, “Jesuq le, ümtiikiiwa ümniika Hokham ma ja laüta saüki tlaü, kiitiikaq ngi ari ümtsan na tiitsang laq!” nguta Jesuq ma chongto.

1 Corinthians 14:15

Ikhiijiika, ngi raq jamlai riichang she wa miraq? Kiikhiijiila, ngi riika i tsai i ji maq achu mijaü ha. Shatmaq ngi raq i khutsai miimin achu mijaü ha. Ngi raq i tsai i ji maq mishinge ha. Shatmaq i khutsai miimin mishinge ha.

1 Corinthians 14:26

Riita phunainotiim lei, ngi raq chong tiipha ka ara ngo nangnga ngutiikang. Shiikeawe shomnoq tlan noqku liipan na, namshiq raq akha sürii lanta lang ronglaq. Weshi raq ashi mirlaq. Weshi riika Shiikeawe raq achongkuq riisham bomtsi kra tlii chongkuq laq. Kiimaq maiq weshi riika, maiq raq taimak phan bom maq tsütsa kra michong kuq laq. Kiimaq maiq ashi riika, kra liichum ka mitlam chong kuq laq. Raüla, phanrap ka phungtuti tarü ma amet dong chang asi miraq.

Ephesians 5:19

Namshiq liipan na, tiitsamkam shi maq, asii shi maq, kiimaq wenyi shishun maq, danglu dangjan ashi ange bom maq, riibom rong laq. Tatiwe ma tsan nai mongjii ka wiita kiinong kuq lanta, asii shi kiimaq tiitsamkam shi kra shinge lanta, Tatiwe ka shomnoq ronglaq.

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.

James 5:10

I phu i notiim Phungmaiqse kong lei, Tatiwe tsütsa chongketibi ra shammibi rilung ka nashiq ma lam sheaketi. Tsangshiq riimin la nashiq chamchao wankai akha, ümtinkhan wa litkot chamchao wamong maq lea wan raüta Shiikeawe tsütsa ka chongkuq wanto.

Revelation 14:3

Kra maiq phong 1,44,000 sitlaq kriika, hokham ngacho khaki na, ngamkaü blai khaki na, kiimaq nyungwere khaki na chap raqraq riito. Tsangshiq ka ashi anye ashi shishun sea. Kra shishun tlaq kriika, mangjong hiq wa chhii wantaq maiqse 144,000 kra tlea raüta, maiq ahinti riika ju riimin shishun lot mak.

Revelation 7:10

Raüta, tsangshiq ka tiihong raüta akha rü trangto taikang: “Hokham ngacho na ngati, nashiq Shiikeawe nai Skuse raq, rekhat tangto she!”