James 5:16 - Muklom

¹⁶ Eshirangma nim aa ashey eq ashey rel o nim ni nim ngarey shi wungbat inn; etho ashey eq ashey rangma romtam chu inn; irimal ang jo nim utak wang uqhal ang nin. Asing miqtang romtam sha rapney arong.

ASII LAKDAP Bible (BSI)

¹⁶ Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.

Hawa Naga Bible 2001

¹⁶ Kvkhoc rvtueq nuimshiq vdvmz dvmz miqmac mvrax htenc kuex kvjungc vtueq vdvmz dvmz vjux thoz ruiux yuq, nuimshiq vthuiuz vsac htenc kuex hvlx wvnc tuex. Miqhvlx jix rueq vjux thoz kuex luimc vkawc httax yaq.

James 5:16 Referencias Cruzadas

Matthew 21:22

Nim aa kam eq chamlang chu nin, eshi tang thaji sha ukap eq nin.”

Matthew 3:6

Ning ngarey tha wungbat jio, piq aa ning ma Jordan jungku o jung thalamta.

Mark 1:5

John raaq tatma thaji Judea mung wang etho Jerusalem samhaq wang miqtang thuta. Ning ngarey tha wungbat ta etho John aa ning ma Jordan jungku o jungthalam kota.

Luke 9:6

Ujiphantey tang aa eshi haq tha shing eq thaji qhim náng thu eq, etho tungtang qhal phanchan ta etho eshi qhim wang thaji ataksa tha taqhal ta.

John 9:31

Hiqtang aa sam eq i, Shkewa ngarey miqtang raaq tat moq; etharin utang eq piq rangka aa etho piq tinuk o qhing ajo Shkewa piq raaq sha tat eq aa.

Acts 10:38

Nim aa Nazareth Jesu tung aa raaq sam eq inn etho chammal Shkewa piq ma Asang Tsija etho tarong kot ta tha tho usam eq inn. Piq aa thaji haq náng ka eq jaqhal jaksom somlo ta etho thang eq rum aa miqtang haan wang tha tho phanchak ta, chammatakoi Shkewa piq jamna angta.

Acts 19:18

Hantey tang wang daqhan thu eq ning jashit jaksom tha wungbat ta.

Acts 8:24

Simon aa Peter nia John ma thawel batta, “Nimni aa bat shin eshi raaq shi nga ma nak cham thu phata, Teyhungwa ching wang romtam chu kotshin phin.”

Romans 3:10

Asang likwit na thawit aa; “Asing miq utang tho ahung, ashey tho ahung.

Romans 5:19

Etho ashey miq eq raaq tat moq tungkang o daqhan miq ngarey ta angta shimal, ashey miq eq raaq tat tungkang o daqhan miq asing miq ma angna.

Colossians 1:9

Eshirangma bari saal wang nim tung aa raaq tat ti, nim rangma romtam chuk shingchak mi angti. Nim aa Tsija wang thaji thunglam nia usam tha kap eq Shkewa tinuk thaji sha sam rangma salwet í aa Shkewa ma romtam chu i.

1 Thessalonians 5:17

Salwet romtam chu ro eq inn.

1 Thessalonians 5:23

Nungmay kot tey Shkewa hun nim uphan wang cham tasang phin; etho nim tsija, rollung, hanphung shi hiqtang Teyhungwa Jesu Khristo wey ka pha moq náng duk, jaqmoq angma cham shing phi.

1 Thessalonians 5:25

Í no nia pho tang, í rangma romtam chu inn.

Hebrews 11:4

Kam tungkang o Abel aa Cain phey náng eq jaqhal pinthong Shkewa rangma dan kota; kam tungkang o Abel asing miq ta shingta chammatakoi Shkewa piq dan tang tung aa raaq ma miikkhi kota; etho kam tungkang o Abel raa utik angta jo tho thanga náng thula wantit aa.

Hebrews 11:7

Kam tungkang o Noah aa Shkewa raaq tat eq waqwan hunta. Eshi rangham tho takhi moq angta raaq tat eq ning himtey tang sha thalun rangma Noah irimal somlo ta. Eshi kam tungkang o piq aa mingkang sha aja ta shingta etho bara asing sha kam tungkang o kap aa, esha Noah aa kapta.

Hebrews 12:13

Nim qhing lam shi tachal inn irimal ang ajo jakung tang sha manthan ti moq angna, etharin uqhal angna.

Hebrews 13:18

Í rangma romtam chu inn. Í thung asang ta í aa usam eq i; chammatakoi í thaji raaq na jaqhal jaksom som ma tathin i.

1 Peter 2:24

Piq aa hiqtang ngarey tha uhan tho hol eq bólq náng thuta, irimal ang eq hiqtang ngarey rangma ti ni etho asing rangma tong ni. Piq han wang uwatmal tungkang o nim uqhal ang tin.

1 John 3:22

Hiqtang piq jak wang chamlang chu i jo tho ukap eq ni chammatakoi hiqtang aa piq aa raaqkhat tang sha utat eq i etho piq barima nuk aa esha som i.