Matthew 10:23 - ASII LAKDAP Bible (BSI) Namshiq ka chela ashi maq tiicham chao kiiphan jiila, chela ashi na juho lili ronglaq. Ngi chongpha. Namshiq raq traho bom chongke ka Israil mung chela thun lotli na michong kuq lot han shaq niili Maiq Se kriishe misaüho.” Hawa Naga Bible 2001 Miqghaq ghaqshiz maq nuimhez kuex wvlc guez waqguez guirguenz ruiux yuq, vganc nuex kvyenc wvnc kuinz. Nuimhez muex ngaz rueq vsuing jungx kuq ix, Israel miqghaq htenc lotlaz nuex nuimhez rueq shuimc juing yauk shuimc max lot shauk nuex dvyx Miq Saz vruex httuiuc kaz tuex. Muklom Ning aa nim ma ashey samhaq na thahikham phin jo, nim adak samhaq náng jol chuwang inn. Nga nim ma asing batphang, Miqna Sa thuwey pha moq jakho, Israel mung thaji samhaq náng nim ka min ang nin. |
Riita Hokhamwe Jehoiakim nai apaiq phenlabi raq kiimaq siihiipjongbi raq, Uria raq jamlai bomtsi wa chongtaq kra tai raüta, hokhamwe raq apaiq ka atiitseabaiq tanto. Shatmaq Uria raq kra tsütsa ka taito. Raüta apaiq ka ahai sitsi ma Ejip mung na achiim jin juhoto.
Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.
Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”
Shedong mungti wanwetiim ka wawan jai she, Tatiwe rase raq Joseph ma rawa ma maq chongkuq kito, “Herod raq noshii ka atsea ma nguta mitrit. Kriikha maq, ümchaü min tiidolaq. Laüta noshii nai nyung ka shea laüta Ejip mung na tiipaü kikiq. Kiimaq ngi raq ümniima bom michong kuqha shaq wiiwii Ejip mung niili silaq.”
Ngi chong pha. Ngi raq namshiq phana shammibi kiimaq taksma maiqse kiimaq Shiikeawe bomtsi shrinketi shrabi thun kra mitiiki kang. Namshiq raq tsangshiq phong wa, wiijam ka atsea mirbaiq han; kiimaq wiijam ka pumsongkham na mitübaiq wan han; kiimaq wiijam ka sinagok maq chunpo-nyam chongwai maq ninta mitsat han. Kiimaq chela ashi maq riita chela ashi na tiikot mrot mijo jii baiq han!
Ngi raq chongtiikang arka tengteng. Ara chong kang thun mat kha arka ümchaü pat wa maiqse siwan tlanti khuthaq na misaü wan! Kiimaq Shiikeawe raq namshiq ka mitsa kiimaq mitiichamchao wan!”
Ara jamkhano chongkuq tiipha ngukla, Maiq Se saükai akhing kriika ra rachhai ralüp wan tlaq akhing na shedong maq riita shenyap chong na saüli maklii liipan niili chhai rai tlaq ikha tiihanghiiq miili misaüki.”
Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.
Ngi raq chongtiikang arka tengteng. Ara ümchaü pat wa maiq sitlaq ara wiita mitsai shaq liipan niili, ara chong kang thun mra ara mipin.
Shatmaq apaiq ka maiqjiqti jiika atsan mong na atijong we ka alo saüho mak nguta mitiima.
Raüta Jesuq raq abom chong ka akha shatto, “Arkha maq, namshiq ka honlam shatmaq sironglaq. Ara jamkhano chongtiikang ngukla Maiq Se ka ranaiq niisha rawa niiwa saüki tlaq riila, kriika namshiq raq sap man.
Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”
Kra jai maq jaqlo sijai niili, Jesuq raq Johan ka Herod raq lap raüta phaqtek mong na shaqto nguta tsütsa ka taito. Kra taijai she apaiq ka Gelili wang nü na wawanto.
Kra akhing na Maiq Se ka ningkun ajong ho raüta kiimaq apaiq khushü jonghea kra ho raüta ali aliim wahea liishe phum thaq na akai rai she michhi han.
Ngi chongpha. Apaiq raq tsangshiq tiiwongke miitu, kha ka mipho kuq. Kriika jaqlo miili she mipho kuq. Shatmaq, Maiq Se saüho tlaq akhing ranaiq na, mangjong hiq na kamtsantsii rümti maiq ka asi sha miloho?”
Kra ra nai hiq thun kra brak shaq wan jai shetiq, Maiq Se kriika phum mong na, apaiq ningkun ajong pinthum kra ho raüta nai achhai anyii khushü ngao jonghea kra ho raütiishe misaüho.
Arjai maq, Jesuq ka Gelili wang na traho bom chongke wa wawanto. Kra bala apaiq ka Judia wang na trahokai kiro mak riito. Jamkhano ngukla, Jehudinok mung rümtibi raq, apaiq ka atsea baiq chang nguta mat kha ka tanshat she riito.
Kra rajili she, ranyaqto angu niishe, phunainotiim raq Paul nai Silas ka Berea chela niishe sheathü kito. Riita tsangshiq ka Berea na saü wan raüta, sinagok na kito.
Kra thohe raütiishe, phunainotiim raq Paul ka khamjong raikii na tiishea thükito. Shatmaq, Silas nai Timothi ka Berea niili khingkito.
Kra tatso rüriiq trang raitaq kra sang wan jai she, Paul raq phunainotiim thun ka adam na triitam heato. Raüta tsangshiq ma tsaido jido bomtsi chongkuqto. Raüta wapha she jo nguta apaiq ka Mesidonia wang niishe tiido wanto.
Kiimaq Saul riimin apaiq tseabaiq na pong damto Kra ranaiq miili she, Jerusalem wa Phungmaiqsetiim ka pinthum tiichamchao pha wanto, kiimwebi kli Jerusalem na sito. Phungmaiqse abiti thun ka, wiita Judia nai Samaria wang na, barap binrii na pongpin riipin pin wanto.