Matthew 2:13 - ASII LAKDAP Bible (BSI)

¹³ Shedong mungti wanwetiim ka wawan jai she, Tatiwe rase raq Joseph ma rawa ma maq chongkuq kito, “Herod raq noshii ka atsea ma nguta mitrit. Kriikha maq, ümchaü min tiidolaq. Laüta noshii nai nyung ka shea laüta Ejip mung na tiipaü kikiq. Kiimaq ngi raq ümniima bom michong kuqha shaq wiiwii Ejip mung niili silaq.”

Hawa Naga Bible 2001

¹³ Tsuinghez waungc wvnc yix Taungjix vpiq kamx waz washiz kuex Yosep maung nuex kvkhic kaz vtueq, “Herod rueq nox kvruex thvy gay tvkoc thuiyx yaq. Kvkhoc rvtueq kvtenc kuiuz, nox nueyc saqnyuiuz kuex shvlx wvnc vtueq Ejip mungx nuex yuz wvnc kuiuz, ngaz rueq gvl mauk wawwawx kvyuq lawx httax kuiuz,” ngoz tueq jungx tueq.

Muklom

¹³ Ethi miqtang chuwang jio Teyhungwa rangkamwa máng o thu eq Joseph ma batta, “Herod aa nijangsa tha tatik ma bita. Req tunshat eq, nijangsa etho piq nu ri sol eq Egypt náng ka u, etho nga bat wey phamong ling eshina tong shin.”

Matthew 2:13 Referencias Cruzadas

1 HOKHVMX 11:17

Kra akhing na Hadad apaiq lam lamseli kiimaq awe jaqshisetiim Edomnok phan kli Ejip mung na tiipaü juhoto. (Kra akhing na Hadad ka nonose li riito.)

1 HOKHVMX 3:5

Kra rawa Tatiwe ka apaiq rai rawa ma maq riibom damto. Raüta apaiq ma bom ka akha waito, “Ümniiraq ijaq wa jamlai phan wa jaüro tlaü?”

YOBA 33:15

Rawa na maiqse ka akon shon, Shiikeawe raq rawa ma maq nai riisham mak maq tiichhi kuqtlo.

YOBA 33:17

Shiikeawe raq tsangshiq rai riibomtlaq kriika, tsangshiq raq ngarai tangtlaq kra tiitsaq miitu bomdamtlo kiimaq tsangshiq ka shiikong thiikho na dea wan wa tiichhiike miitu bomdamtlo.

DUNGWVNC 1:22

Atiisup niishe hokhamwe raq asenginok tlotli ma aming ashi akha kuqto, “Hibrunok sere noshii setiim maiqwe sere chiitlaq kra doho lanta Nail Rai na baiqki rongkiq. Shatmaq jechaksere chiitlaq kriili atra misilaq.”

Matthew 1:20

Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se.

Matthew 10:23

Namshiq ka chela ashi maq tiicham chao kiiphan jiila, chela ashi na juho lili ronglaq. Ngi chongpha. Namshiq raq traho bom chongke ka Israil mung chela thun lotli na michong kuq lot han shaq niili Maiq Se kriishe misaüho.”

Matthew 2:12

Shiikeawe raq tsangshiq ma rawa ma maq Herod rai riihum wan nong raa mak she nguta honlam bom she chongkuqto. Krai mren, tsangshiq ka lamhin lam miishe tsangmung nü na jang wan nongto.

Matthew 2:14

Krai mren, Joseph ka akon maq samkisaq raütli she, noshii nai nyung ka shea raüta, kra rawa li Ejip mung na tiipaü kai juhoto.

Matthew 2:16

Herod raq shedong mung wa aki wanwetiim raq apaiq ka laoratto ngutiishe sapraüta, apaiq ka kai khiqto. Kiimaq apaiq raq Bethlehem chela na siti nai kra tro binjü na siti maiqwe sere, arawii wiinai nai wiinai takiq na ümchuwa siwan tlaq kra tsea baiq miitu aming kuqto. Apaiq raq ara aming kuqtaq arka wanwetiim raq raiqsaiqpo chhitaq akhing rahiq jipi kra shiiton raüta aming kuqto.

Matthew 2:22

Shatmaq, Joseph raq Arkelas ka awe Herod changkhü na Judia wang thaq na hokham jatlo nguta tsütsa ka taito. Kra tai raüta apaiq ka Judia wang siwa nong miika ahai riito. Kiimaq Shiikeawe raq apaiq ma rawa ma maq tsii ka samheawiq hali chongkuq nongto. Krai mren, nono nai nyung ka shea wan raüta apaiq ka Gelili wang na wawanto.

Acts 10:22

Kiijiishe, “Kepten Kornelias raq tiikito,” nguta tsangtsam raq treto. “Apaiq ka maiqshaq. Shiikeawe shomnoqti. Apaiq ka Jehudinok tarü raq kai shrengtlo. Rase ashi raq apaiq ma ümniika tiiheakikiq nguta chongkuqto. Arka ümniiraq apaiq ma jamlai chongke chang wa, kra miitu tiihea kito.”

Acts 10:7

Raüta, rase ka wawan nongto. Kiimaq Kornelias raq apaiq jam na jaqsham damti, aluqkhap se nai wenai ka heato. Kiimaq apaiq shiililiiti kiimaq tsapkapkap maq Shiikeawe shomnoqti phenla weshi kriiri heato.

Acts 12:11

Kiijiishe Petar raq apaiq ka rase raq phaqtek mong wa tiidong kuq wanto dea ngutiishe tsang wanto. Kiimaq atsan na akha bomto, “Ngi ka ümchaü tiq tsang tiikang! Arka riisham makchhi ka riimak dea. Riikhaqli rawümi jaqsham dea. Shiikeawe raq apaiq rase ka tiiki raüta, ngi ara Herod kharü mong wa tiichhii kuq wanto. Kiimaq Jehudinok raq, ngi ka pinthum mitiichamchao rong i nguta thiikho athu kra mong wa tiichhii kuqto.”

Acts 12:7

Shatmaq, tiihanghiiq miili, kiijaq Tatiwe rase ashi ka dongchhaq chapkito. Krai mren, phaqtek khok mong na walüli wahea liishe riito. Rase raq Petar ka aphaq lam na sham raüta baito. Raüta akon wa tiisamto. Kiimaq, “Jaqlo kotsi! Tiidolaq!” nguta apaiq ka thaüto. Krai mren, apaiq khachang jinraü kharü thun kriika, tiidiisaq li she hiq na apaiq dea dea she tiidiikito.

Acts 16:36

Krai mren, phaqtek kheti we raq, Paul ma, “Siihiip jongbi raq namnai ka phaqtek mong wa dongho rongliishe nguta aming kuqto. Riita, ümchaü min namnai ka khu asang maq khum wan ronglaq,” nguta tiitai chongkuqto.

Acts 5:19

Shatmaq, kra rawali Tatiwe rase ka kiraüta, phaqtek kilü thun ka dikuq kito. Raüta, kiimwebi ka phaqtek mong wa tiidong sheahoto. Kiimaq rase raq tsangshiq ma,

Acts 7:19

Kra hokham we raq naphan namaq ka tiimin miitu thiikho bihea thuto. Raüta, apaiq ka pinthum naphan ma ransu ranchang kloto. Apaiq raq naphan ka ningkun ningkaq maq tsangse noshii chii tlaq thun kriika rum na tiibaiqki raü raüta, tiitsat baiqto.

JOSHUA 3:13

Riita ara mangjong hiq tlotli rümti Tatiwe Tongshong Tek kra piti ramwebi raq Jordan rai kham kiijaq ji maq rappha wan raüla, Jordan rai kham kai ka atsaq she mirki. Kham ka raikhu nü na hiq bashi na atiihap she mirki. Raüta khamkai ka atsaq she mirki.”

JOSHUA 3:17

Nokwe raq jükok ka süroqroq hea konü jüreko niishe jin wanto. Mungmaiqse kunli konü jüreko na mijin wan lot shaq wiiwii, ramwebi ka Tatiwe Tongshong Tek kra pishat maq Jordan raikhü mong ba na phii süroqroq hea kriijaq chapruq li chapto.

JOSHUA 4:10

Tatiwe raq Joshua ma kra jaqsham miitu aming kuqtaq kra phanphan, Israilnok raq jaqsham ka mingut wan shaq wiiwii, ramwebi ka kra Jordan raikok phii mong ba kiijaq chapshatli chapto. Arka Mosheq riimin akha klo wan chang nguta aming kethüje dongdii riito. Mungmaiqse riimin jürai ka jaqlo witwit jin wanto.

JOSHUA 4:18

Krai mren ramwebi ka jüraikii na saü wanri li she, Jordan rai kham ka kongkhu na jamkho tareko na saülili, tümlüm tümli achhang lowantaq kiikha chhang wan nongto.

Revelation 12:14

Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.

Revelation 12:4

Ra na raiqsaiq diim tlaq kiiwa, mantsam wa manshi rii ka prenkaü maita maq chhii raüta, mangjong hiq na wan baiqto. Apaiq ka maiqnyung khaki na chapshat maq kheshat riito, maiq- nyung raq ase ka chiiri, apaiq raq noshii se ka phaqho ma nguta khekham riito.

Revelation 12:6

Kiimaq, jechak nyung ka kumtsaiphii bintang jüngi hiq bashi, Shiikeawe raq tiijeje athü, kiijaq tiipaü juhoto. Kiijaq jechak nyung ka 1,260 ranaiq aheawiq shiililii raüta mitiisi wan.