Matthew 24:27 - ASII LAKDAP Bible (BSI)

²⁷ Ara jamkhano chongkuq tiipha ngukla, Maiq Se saükai akhing kriika ra rachhai ralüp wan tlaq akhing na shedong maq riita shenyap chong na saüli maklii liipan niili chhai rai tlaq ikha tiihanghiiq miili misaüki.”

Hawa Naga Bible 2001

²⁷ Yvmx khoc lac ngoz ruiux lec raunglep koq yuq shaldungc maq shalx nyuip nuex httuiuc laz phez yaq ikhoc Miq Saz kuex httuiuc kaz tuex.

Muklom

²⁷ Chammatakoi chammal ranglip saalkhong kowang thalat eq sanop ko náng thok lip aa, ethimal Miqna Sa sha ka phana.”

Matthew 24:27 Referencias Cruzadas

YOBA 37:3

Apaiq raq ra tiichhaitlaq kriika, ra ka siimko maq riita siimko na saüli tiichhaitlo, kiimaq hiq raikhü kiimin siimko maq riita siimko na saüli tiichhaitlo.

YOBA 38:35

Kiimaq ümniiraq rachhai ralüp dongtlaq kriima aming mikuq lot haü shea? laüta rachhai ka üm phana kiraüta, “Ngi ajiilii ümbom tai tai,” ngutiisha mingu?

ISAIA 30:30

Tatiwe raq maiqse loweatek ma apaiq bomtsi henghea maiqphiip maiqjiip chang kra mitiitaikuq kiimaq apaiq tsankhiq walü heng kra mitiisapkuq. Kiijaq walü watrang la miraq, phumda mong na aphok watrangla miraq; rathaiq nai tsakhiiq rok wa trangla miraq. Kiimaq rajun düthaü diilii piikhaü kham raü ikha miraq.

EJEKIEL 1:14

Kra ngamkaütiim ka konü siim maq riita konü siim na doqhaha rachhai ralüp ikha phiqhea achhai lüplüp doqsiqtlo.

JEKERIA 9:14

Tatiwe ka, asenginok rechap wanti thaq na ra maq misaüho, raüta wuchi liqsin jowan trang ka rachhai ralüp, Tati Rakaü Hiqwe raq rechap boli mitsü, Raüta apaiq ka shemai nü rathaiq rai miwa.

MALAKI 3:2

Shatmaq apaiq saükai ranaiq akhing kra juwero minin lot? Apaiq saüki raü jaq, asham ka juro miliilot? Richikhü wabun maq raihi kheathum alum ikha henghea miraq. Kiimaq jinpan ka khiwa na shu raüta jinpü tiikhiim tiiqbaiq tlaq ikha wa na tiike shu raüta mitiiq wan.

MALAKI 4:5

“Shatmaq, liirong laq, kra Tatiwe ranaiq jonghea kiimaq phiiptsi chang ranaiq kra misaüho shaq na, ngi raq namshiq phana shammiwe Elija mitiikiliha.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Matthew 24:26

“Kiimahali, maiq raq namshiq ma, ‘Liirong laq, apaiq ka u na, kumtsaiphii binjü niishe saükito!’ nguta mingu. Kra chong kiiphan la namshiq ka kra kumtsaiphii binjü na apaiq liikai nguta naqki dam rongkiq. Kiimahali, tsangshiq raq namshiq nangnga, ‘Liimanta, apaiq ka arjaq jam mong na tiipaü ngakito!’ nguta michong kiiphan. Kra tsangshiq raq chongtlaq kra bom miimin namshiq ka naq kam rongkiq.

Matthew 24:3

Jesuq ka Olip Pero Hiqlam na anga riito. Kiijaq ajaqshisetiim ka apaiq phana waraüta tsangshiq hon honse bala na, “Naishiq ma chongkuq liita, ara chongtlaü Shomjam tiithen baiq akhing arka ümtincho wa misaü wan? Kiimaq ümnaq saükai akhing she saüto nguta kiimaq phangthum wan akhing ka saüto she dea nguta akhing sap chang miitu ka jamlai phan she wa mitiiji shi wan!” nguta bom ka apaiq ma waito.

Matthew 24:37

Maiq Se saükai ranaiq akhing ka Nowaq pat na rathup jüjang wan raq mangjong maiqse ka jamkho tiithen baiq wantaq kiikha miraq.

Matthew 24:39

Kiimaq tsangshiq riika jamtho jampha min hemak shonli, rathup jüjang wan raüta, mangjong maiqse kunli kham raq lam wan raüta laimiq tiithum baiq wanto. Ikiikhiisii hali Maiq Se saükai akhing ranaiq niimin misaü.

Matthew 24:44

Krai mren namshiq kiimin Maiq Se saükai kra khewan wranaiqshe tiijeshat maq sichang. Ara jamkhano chongtiikang ngukla Maiq Se ka namshiq raq misaüki sham nguta tiima ra wan man bala apaiq ka tiidong chhaq miili misaüki.”

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

James 5:8

Kra niq riri sii hali, namshiq riimin la, tsankhun maq, nin wan ruq maq khe chang li. Tatiwe ka misaüki dongdii. Apaiq saükai jipi rahiq hong wan miika ajeje lishe. Kriikha maq, apaiq saükai khe kamto maq si rong laq. Atheingei ka naq theingei rongkiq. Namshiq tsaiji ka naq tran rongkiq.

2 Peter 3:4

Kiimaq tsangshiq raq sapshatshat taü maq, namshiq ma akha nguta atairai lam maq miwai, “Jesuq Khristo raq ajang mirki nong ha nguta kiqkham thütaq riimak sha? Riita ümchaü min, apaiq ka ümbano haiki tiita? Nashiq ma awetiim pat min atsaikai kun she. Shatmaq phanrap ra nai hiq ka man na rapha hiq wa maq jamkho sitaq kiikha sishatli! Ra nai hiq ka klai mak li shat shat!”