JEREMIA 26:21 - ASII LAKDAP Bible (BSI)

²¹ Riita Hokhamwe Jehoiakim nai apaiq phenlabi raq kiimaq siihiipjongbi raq, Uria raq jamlai bomtsi wa chongtaq kra tai raüta, hokhamwe raq apaiq ka atiitseabaiq tanto. Shatmaq Uria raq kra tsütsa ka taito. Raüta apaiq ka ahai sitsi ma Ejip mung na achiim jin juhoto.

Hawa Naga Bible 2001

²¹ Hokhvmx Jehoiakim nuiyc piq nolaungx bix nuiyc vyungx vlaungx bix kuex Uria muex yvmx lac jungx tvnx lvmz tay wuez tueq, hokhvmx waz rueq piq kuex thvy gay tvkoc hunglaungx tueq. Yuq muinz Uria rueq kvruex lvmz tay tueq; piq kuex kv-khuirc hiyaz vtueq Ejip mungx nuex yuz wvnc tueq.

JEREMIA 26:21 Referencias Cruzadas

1 HOKHVMX 18:10

Atra Tatiwe, üm Shiikeawe mang na tiitum lata chongtiikang, hokhamwe raq ümnaq tritkai maiq mung thun wiita maiq tiikito. Krai mren ümra mungti tuwe riiwa ümniika tsangmung na ahü nguta tsütsa ka tiichong wan tlaq, raüla Ahab raq kriiwe jaq wa atiitum raüta ümniika tsangmung na ahü dea, hummak dea nguta bom ka shiitep raüta jaütlo.

2 KAÜWA WERAÜ 16:10

Ara ngukiita Asa ka pinthun shammiwe ma khiqto. Kiimaq apaiq ka thong na tiithii baiqto. Kiimaq kra akhing niisii she Asa raq maiq wiijamti ka jimaq nishi shi she tiicham chao wanto.

2 KAÜWA WERAÜ 24:21

Hokhamwe Joash riimin Jekeria tseabaiq miitu mattanti rai pongto. Krai mren hokhamwe aming maq mungmaiqse raq Jekeria ka Shomjam rinkea thung maq long maq tiiq raüta tsatbaiqto.

Tvtsvmc 119:109

Ngi ka i miisaq i jaqphi na chiimshat miili sitiikang; ngi raq üm thungri ka laqbaiq mang.

TAKSU LAK 29:25

Maiq ma haisong tsii ka, maiqmii deawa chang thiikho; shatmaq jurwa Tatiwe ma, kamtlaq kriiti ka mitiichhiikuq.

JEREMIA 26:10

Juda mungti welabi raq kra mra pin tsütsa ka tai raütiishe tsangshiq ka hokham jam wa dongho rang riito. Raüta Shomjam kilamchong Nye kiijaq Rung thungto.

JEREMIA 36:26

Kra raütiishe, apaiq raq Hokhamwe se Jerahmeel nangnga, Ajriel se Seraia kiimaq Abdeel se Shelemia kra shea raüta, ngi nai icherewe Barukh nainai ka lapki rongkiq nguta aming kuqto. Shatmaq Tatiwe raq nainai ka apaü raüta thüto.

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

Matthew 10:23

Namshiq ka chela ashi maq tiicham chao kiiphan jiila, chela ashi na juho lili ronglaq. Ngi chongpha. Namshiq raq traho bom chongke ka Israil mung chela thun lotli na michong kuq lot han shaq niili Maiq Se kriishe misaüho.”

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Matthew 10:39

Jurwa maiqmii rilung ka tiihang wan la nguta tiima wan tlaq, kriiti raq maiqmii rilung ka atiimo mirbaiq. Shatmaq jurwa maiqmii rilung ka ngi miitu tiimo baiq tlaq, kriiti raq maiqmii rilung ka milap wan.

Matthew 14:5

Kriikha na Herod raq apaiq ka atsea baiq nguta tanto. Shatmaq apaiq ka Jehudinok mungmaiqse ma hai kha maq, Johan ka tiitsat mak dea tsaqkito. Ara jamkhano ngutiikai ngukla, Jehudinok mungmaiqse raq, Johan ka Shiikeawe shammi we dea nguta kai shrengtlo.

Mark 6:19

Arkhana Herodias raq, Khamlamketi we Johan ka kai ngeng siqto. Kiimaq apaiq ka atsea baiq wan ma tan khan wan ruq li riito. Shatmaq, Herod raq liishat kha maq, tsatbaiq wan lot mak dea riito.