Matthew 10:22 - ASII LAKDAP Bible (BSI)

²² Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

Hawa Naga Bible 2001

²² Ngvy ningkhvnc nuex miq ruip rawx rueq nuimhez kuex shuiuc pac kv-phuinx. Yuq muinz vtvsuip nuex httuiuc laz nanx lot jix waz kuex palc daungc rvhumc wvnc tuex.

Muklom

²² I tungkang o, thaji miq eq nim raa chikrik pha nin. Etharin uthun nang thula kam shingchak moqtey tang sha ulun angna.

Matthew 10:22 Referencias Cruzadas

TAKSU LAK 29:27

Kechu maiqse raq abi maiqse saisitlo; kiimaq abi maiqse raq, kechu maiqse saisitlo.

Matthew 10:39

Jurwa maiqmii rilung ka tiihang wan la nguta tiima wan tlaq, kriiti raq maiqmii rilung ka atiimo mirbaiq. Shatmaq jurwa maiqmii rilung ka ngi miitu tiimo baiq tlaq, kriiti raq maiqmii rilung ka milap wan.

Matthew 24:13

Shatmaq jurwa atiisup na saüli ngi ma kamwan tlaq, kriiti kli mitiichhii wan lot.

Matthew 24:9

“Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

Matthew 5:11

“Namshiq ka isenginok ngo kha maq, maiqse raq namshiq ka shummii raüla, kiimaq tiichamchao raüla, kiimaq namshiq khuthaq phanrap phanrii abi arot akiq nyan raüla, chochi ronglaq.

Mark 13:13

Wiitarü raq, namshiq ka ngi miitu mingeng. Shatmaq, jurwa atiithum na saüli nin wan ruq maq ngi ma kam wan tlaq, kriiti ka mitiichhii wan.”

Luke 21:17

Namshiq ka ngi tingkhu na maiqse angu wiitarü riishe mishushe wan.

Luke 21:19

Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

John 17:14

Ngi raq tsangshiq ma ümbomtsi ka chongkuq kang she. Kriikha maq, mangjong maiqse raq, tsangshiq ka ngeng tlo. Ara jamkhano ngukla, ngi ka mangjong hiq rii riimang. Krai mren, tsangshiq kiimin mangjong hiq rii riimak.

John 7:7

Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.

Acts 9:16

Kiimaq, apaiq ka ngi miitu, ümtinkhan chamchao chang wa, kra ngi raq apaiq ma mitiichhi kuqha.”

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

2 Corinthians 4:11

Naishiq rilung na, wranaiqshe maiqmii miisaq ka jaqphi na chiim lai tli khum tiikai. Arka Jesuq Khristo miitu khamwan tiikai. Riita, arka Jesuq rilung ka naishiq khum hiqda howan tiikai arjaq tiichhike miitu chamchao tiikai.

Galatians 6:9

Riita, ija, ümchaü min, ara chong tiikai arai mren, nashiq ka ahea awa jaqsham wan kli she shiichaq rong i. Nashiq raq shamhea kaiwa ka thaq mai maq, shiichaq wan ruq sham hai jiika, akhing ashi na, nashiq raq tsam ka mijut wan rong i dongdii.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

Hebrews 6:11

Ngi raq, i tsan mong na atsi maq shiwea siq tiikang, namshiq tarü loweatek raq maiqmii tsantsii ka, atsi dada maq jamlai miitu wa ran tiikai, kra lap li chang, lamphan kra tiinyi wanli shiikut raüdea ahea miraq nguta, riichopi siq tiikang. Krai mren, namshiq raq jamlai lap wan miitu wa, tsankhun maq kherat tlan kra, lap wan tlii miitu shiikut chaq ruq si ronglaq.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

1 John 3:13

Lungwii phunainotiim lei, riita ija, Kain raq Abel jamkho ngengtaq, kiikha phiijawa raq namshiq ka ngengseng kiiphan la, namshiq ka naq wang rongkiq.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.

Revelation 2:26

Jurwa rekhat tang wan ruq maq shiichaq tlaq, kiimaq ngi raq athithi na atiisup na saüli jaqsham tlaq, kriiti ma ngi raq, mangjong hiq na maiqmung ümchuwa sitlaq kra hupkhang wan miitu arang mikuq ha.

Revelation 2:3

Namshiq raq phanrap chamchao ka nin tlan. Ngi miitu namshiq kai chamchao wan lan. Li jiimin, namshiq raq kamtsantsii ka thaq man maq sitlan.

Revelation 2:7

“Arkha maq chong tiikang, nam ni asi jiila, Asii Wenyi raq phungtuti ma tsii chongkuq tlaq ara, tiitsang tai rong laq! “Jurwa ara rekhat ara tang wan tlaq, kriiti sreabi ma, ngi raq Shiikeawe sonruk mong na rilung petsi chong sitlaq kiiwa atsi pansea miitu arang mikuq ha.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.