Matthew 23:34 - ASII LAKDAP Bible (BSI)

³⁴ Ngi chong pha. Ngi raq namshiq phana shammibi kiimaq taksma maiqse kiimaq Shiikeawe bomtsi shrinketi shrabi thun kra mitiiki kang. Namshiq raq tsangshiq phong wa, wiijam ka atsea mirbaiq han; kiimaq wiijam ka pumsongkham na mitübaiq wan han; kiimaq wiijam ka sinagok maq chunpo-nyam chongwai maq ninta mitsat han. Kiimaq chela ashi maq riita chela ashi na tiikot mrot mijo jii baiq han!

Hawa Naga Bible 2001

³⁴ Kvkhoc rvtueq nuimshiq muex ngaz rueq jungx kuq ix, shvmmax bix, wvtharc jix, tvluingc waz hez kuex nuimshiq kox nuex ngaz rueq tvkaz phaungx rvtueq, tsuinghez wawc wvyvmc kuex thvt gay shuinx, wvyvmc kuex yauk juinc bulx nuex but gay ruiux, wvyvmc kuex vjux thoz juing baung maq wungthvt vtueq, ghaqshiz maq ghaqshiz nuex guirguenz wvnc shuinx.

Muklom

³⁴ Ethi rangma nga nim relnáng rangsamal tang etho thunglam samtey etho tataltey tang tha takat phang náng. Etharin nim aa ethiwang chamteytey tha tatik eq chak nin etho bólq sho botchak nin, etho chamteytey tha nim aa synagogue o wat nin, etho samhaq shiwang phanchak nin.

Matthew 23:34 Referencias Cruzadas

2 HOKHVMX 21:10

Tatiwe raq ajaqshisetiim shammibi lümaq akha nguto;

2 KAÜWA WERAÜ 24:21

Hokhamwe Joash riimin Jekeria tseabaiq miitu mattanti rai pongto. Krai mren hokhamwe aming maq mungmaiqse raq Jekeria ka Shomjam rinkea thung maq long maq tiiq raüta tsatbaiqto.

TAKSU LAK 11:30

Kechu jaqsham tsingo ka rilung, shatmaq matsaü tsase jaqsham riika, maiq miisaq mithum.

JEREMIA 26:8

Kiimaq Tatiwe raq ngi ma jamlai bom chongkuqlaq ngutiiwa aming kuqtaq, kriithun ka ngi raq chongkelot ri, tsangshiq raq ngi ka lap-hoto, raüta akhiishe gitranghoto, “Ümniiraq ara ashut bom laü kha na ümniika atsai chang!

JEREMIA 36:26

Kra raütiishe, apaiq raq Hokhamwe se Jerahmeel nangnga, Ajriel se Seraia kiimaq Abdeel se Shelemia kra shea raüta, ngi nai icherewe Barukh nainai ka lapki rongkiq nguta aming kuqto. Shatmaq Tatiwe raq nainai ka apaü raüta thüto.

Matthew 10:23

Namshiq ka chela ashi maq tiicham chao kiiphan jiila, chela ashi na juho lili ronglaq. Ngi chongpha. Namshiq raq traho bom chongke ka Israil mung chela thun lotli na michong kuq lot han shaq niili Maiq Se kriishe misaüho.”

Matthew 13:52

Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”

Matthew 23:31

Riita ija, kra tiichong rai tlan kriili she, namshiq ka shosaü lumse phan wiidea, nguta maiqmii ngam kra tiishaphaq tiichong rai tlan!

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

John 16:2

Tsangshiq raq namshiq ka sinagok wa ashleq mirbaiq. Kiimaq akhing ka akha misaü wan, maiq ashi ra raq, namshiq ka tsatbaiq raüla, apaiq raq kriika Shiikeawe jaqsham tiikang nguta mitiima.

John 20:21

Jesuq raq tsangshiq ma thongshi ri hali tsangshiq tsaiji doke, “Namshiq ka hansang maq sirong laq. I We raq ngi ka jamkho mangjong hiq na tiikitaq, kiikhiisii hali, ngi riimin namshiq ka mangjong hiq tiiki nong tiikang,” nguta tsangshiq rai bomdamto.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 11:27

Kra akhing bala niisii hali, Jerusalem wa shammibi wiijamti ka Antiok chela na wato.

Acts 12:2

Apaiq raq Johan ma aphu Jakob ka lap raüta nepja maq tiise baiqto.

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Acts 14:19

Kra akhing na, Pisidia wang wa Antiok chela na siti nai Ikoniam chela na siti Jehudinok maiq wiijamti raq, Paul nai Barnabas ka kiijaq hali johoto nongto. Raüta, tsangshiq raq mungmaiqse ka tsangshiq bom niishe hali shiijon nongto. Raütiishe, tsangshiq raq Paul ka long maq tiitiiq baiqto. Raüta apaiq ka tsaikito she sham nguta tiima raüta, chela phai niishe hitthü baiq kito.

Acts 15:32

Kiimaq Judas nai Silas tsangnai wenai kiimin shammi sii riito. Krai mren, tsangnai ka tsangshiq rai rahiq ashaqpuq sithü damto. Raüta, tsangshiq ma kamasham na tsaido jido ningkun shoqke wan bomtsi pahea chongphan kuqto.

Acts 5:40

Tsangshiq raq kiimwebi ka kinphai wa Rung khok na tiiheaki nongto. Raüta, chunpo-nyam chongwai maq petanok ma ninta tiitsatto. Raüta, tsangshiq ma aming atsin maq hali, Jesuq arang maq trahoke maimak nguta aming kuq nongto. Raütiishe, tsangshiq raq kiimwebi ka phaqtek mong wa tiidong baiqto.

1 Corinthians 2:6

Li jiimin, ngi raq taksma phaqchi tsütsa ka kamasham na maiqlati ma min phanchan kuq wan tiikang dea na. Shatmaq tiina ara chongtiikang taksma phaqchi arka mangjong hiq wa phaqchi ka riimak. Kiimaq ara mangjong hiq langti ningkun miimin riimak: Ara ningkun thun arka ajom wan miiqshmiiq sitlo.

1 Corinthians 3:10

Shiikeawe raq ngi miika tsiimwe khiiqwe kongphiq kuqto. Kra phaqchi lümaq, ngi riika ara chongtiikang jam kra hai tiikang. Kiimaq jam hai chang jamkhü kra chhintsii kang she. Lata kham shong kang she. Kiimaq kongtibi ahinti riika, kra jam hai jaqthiq kra haiwan nongtlo. Shatmaq maiq pumsiitek raq, maiqmii jaqthiq kra jamkho haihun tlaq, kra samhea honkam shatmaq haihun chang.

Colossians 1:28

Arkha maq tiina, naishiq raq Khristo Tsütsa Ahea ka maiqse angu wiitarü ma chongkuq tiikai. Naishiq ma anyan phaqchi ümchuwa raükuq tlaq, kriimaq naishiq raq maiqse achhi kiima trap tru maq sungkhu tsii lam ka chongkuq tiikai. Kiimaq shrin kuq tiikai. Riita ara shun shea wan tiikai arka, maiqse pumsii awea maq, Shiikeawe jichong na Jesuq Khristo pum na pumshi hanshi maq siwan rilung na maiqla tiija wan laita sheake wan miitu hunnii tiikai.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

Hebrews 11:37

Tsangshiq ka long maq tiiqbaiqto. Kiimaq, laklü maq khonai ma tiikho han baiq wanto. Tsangshiq ka, ja maq lüpbaiq wanto. Tsangshiq ka, khu akhea min ahü, kha maq sku khü nai chhechhi khü sam raüta, miishmii, barap binrii na miitsan miijan, amang ale miili chamchao wanto. Kiimaq, phanrap na haibi hiiti maq wiita haihii raüta, tiichamchao wanto.

Revelation 11:10

Mangjong maiqse ka, ara tsangnai tsaitaq ara ningkhan kai michochi siq. Tsangshiq liipan na khoqriiq shishiiq poi miklo. Jamkhano ngukla, ara shammi anai raq mangjong maiqse ma chamchao jonghea tiisaüto.