Matthew 23:35 - ASII LAKDAP Bible (BSI)

³⁵ Riita ara chong tiikang arai mren, maiqtu ngampü thun kiimaq asii chiisan maiqse thun tsatbaiq wan taq kra mat kha ka, namshiq khupo na misaü wan. Abel maq pha lanta Birekhia se Jekeria, apaiq ka namshiq raq Shomjam mong na aluchiim nai tsaüwe khamchong liipan na tsatbaiq lan. Arthun ngarai ka namshiq raq miho han.

Hawa Naga Bible 2001

³⁵ Kvkhoc rvtueq mvrax vguez Abel maq phaungc vtueq, Shomc Yuimx nuiyc shomrawx hvlwvl nuex thvt gay tuit Berakia saz Zecharia nuex httuiuc laz mvrax vguez miqsaz thvt gay tuit ningkhvnc nuex nuimshiq kuex murx gurc rvhumc wuez tuinx.

Muklom

³⁵ Jakho wang, chamtan miq qhal tang tahi mingkang ro salta, eshitang rangma nim aa tsamnang kap nin. Abel wang tha Berekiah sa Zechariah náng thula, bara nim aa rangnuk him etho rongthung jaktung shina tikwat chak tin, eshi thaji miqtang tungkang o irimal angna.

Matthew 23:35 Referencias Cruzadas

RAPHA HIQWA LAK 4:8

Kiijiishe Kain raq ano Abel ma nguto, “Nanai rum na ki i.” Kiimaq tsangnai ka rum na shon, Kain raq trosaq raüta ano ka tsat baiqto.

2 HOKHVMX 21:16

Manase raq maiq pahea sepii tsat baiqto. Raüta Jerusalem chela chii heawea lam thun na maiq tiijai ka khamrai ma tiija wanto. Apaiq raq arthun maiq miisaq tan wantaq arka apaiq raq Juda mungti ka sumla phra phong shomnoq thiikho na tiidea baiq wantaq kra tiitsuq ma kloto. Raüta mungmaiqse ma Tatiwe makki na ngarai tiitangto.

2 HOKHVMX 24:4

Kiimaq akhek pinthum ka apaiq raq mungmaiqse setu sepii pahea tsat baiq wantaq kriikha na riito. Tatiwe raq Manase mra ka diikuq lot mak she riito.

ISAIA 14:21

Maiqjiip baiq wan jaqsham arshe miphaja wan laq! Ara hokhamwe saüsetiim thun ka wiita mitsai. Jamkhano ngukla tsangtitiim raq ngarai pahea tang wanto. Asetiim phong wa ashi ra riimin mangjong hiq na hokham ma jawan lot mak she miraq. Kiimaq mangjong hiq na chela thun teiwan lot mak she miraq.”

ISAIA 26:21

Tatiwe ka apaiq sichang ramungtan jam maq aki saühotlo she. Apaiq ka mangjong maiqse raq ngarai thun klo khana tsangshiq ma mo tiihokai kitlo. Mangjong hiq na ahukse maq maiq atsatbaiq thun ka wiita mitiichhikuq. Kiimaq maiq ümchu wa tsatbaiqtaq thun ka hiqraikhü riimin paülot mak she miraq.

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 2:34

Namshiq khu akhea thun ka miitsan miijan maiqse tiijai raq kiimaq setu sepii maiqse tiijai na anyat rat tiijai tamtili she kata. Ahuk jati tiijai ka riimak. “Shatmaq atinkhan ara taü maq dongdii min,

JEREMIA 26:15

Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”

JEREMIA 26:23

Tsangshiq raq apaiq ka lap wan raüta Hokhamwe Jehoiakim phana shea wanto. Raüta Hokhamwe raq apaiq ka tiitsat baiqto. Kiimaq amaa ka mungmaiqse maalap chiim kiijaq dobaiqto.)

JEREMIA 26:8

Kiimaq Tatiwe raq ngi ma jamlai bom chongkuqlaq ngutiiwa aming kuqtaq, kriithun ka ngi raq chongkelot ri, tsangshiq raq ngi ka lap-hoto, raüta akhiishe gitranghoto, “Ümniiraq ara ashut bom laü kha na ümniika atsai chang!

JEKERIA 1:1

Ajong Hokhamwe Derias raq Parsia mung lang wan li maq rawii wiinai she angu na, kra rawii wa jipi lütiichat she angu na, Tatiwe raq apaiq tsütsa ka Berekhia se Jekeria, Iddo ma asaü Jekeria ma riisham bom maq chiiriim raüta tiichongto.

WEAWEA 35:33

Namshiq raq akha klo hanla, namshiq sichang hiqshong ka namshiq raq atiishe riitlan ngushat. Mat kha raq hiqshong tiishe baiqtlo. Kiimaq maiq tsat raüla kra hiqshong tiisii chang ka, matwe kra tsaihü maq, mat kha shiikhoi mrochhi chang lamlu ahin ka ahü.

Luke 11:51

Abel tsatbaiq wantaq kriimaq pha wan raüta, aluchiim nai Asii khok liipan na Jekeria tsat baiq wantaq, kra thun mat kha na, tsangshiq ka mitiichamchao wan. Ngi raq chongtiikang arka tengteng. Ümchaü pat wa maiq thun arka, arthun kha arjaq mitiichamchao wan!

Acts 5:28

“Naishiq raq, Jesuq aming holanta, mungmaiqse ma trahoke maimak nguta, tri atsin maq, namshiq ma aming kuq kai. Shatmaq, liirong laq, namshiq raq jamlai wa riilan ara! Namshiq traho bomchong maq, Jerusalem chela ka wiita she tiinyam baiq lan. Kiimaq, namshiq raq apaiq tsaitaq mat kha ka, naishiq khuthaq na tiikü kuq tlan!” ngutiishe tsangshiq ma kha ka nyanto.

Hebrews 11:4

Kain raq akuq honglu nam ma, Abel raq akuq honglu ka athuk atsom lin riito. Abel riika Shiikeawe ma kamtsantsii lümaq kuqto. Apaiq raq, kamtsantsii maq honglu kewan kha maq, Shiikeawe raq, apaiq honglu kra taoto. Raüta, apaiq ka kechu maiqse dea nguta bom raito. Apaiq ka atsai kaikun she li jiimin, apaiq raq kamtsantsii lümaq, ümchaü niitaq nashiq rai riibom dam tlo. Jamkhano ngukla, apaiq jaqtho kiiwa, nashiq raq tsin wan chang tsütsa asi.

Hebrews 12:24

Namshiq ka, Jesuq phana she saü wan lan. Apaiq raq tongshong anye shongkuqto. Kiimaq Abel tiijai nam ma araa, apaiq tiijai maq nei kuqto. Raüta ümchaü sanha, araa phan mikuq ha nguta kiqkham kuqtaq kriiwe phana niishe saü wan lan!

Revelation 18:24

Bebilon chela shiithen baiqtaq ka Shiikeawe shammibi nai Shiikeawe sengi tsea baiq wan kha na shiithen baiqto. Arka tengto, mangjong hiq na maiq tiijai ümchuwa tiidongtaq thun ka apaiq riito.