Matthew 4:12 - ASII LAKDAP Bible (BSI)

¹² Kra jai maq jaqlo sijai niili, Jesuq raq Johan ka Herod raq lap raüta phaqtek mong na shaqto nguta tsütsa ka taito. Kra taijai she apaiq ka Gelili wang nü na wawanto.

Hawa Naga Bible 2001

¹² Yohan kuex lvp shauk gay tueq thaungc Yesu rueq tay vtueq Galile mungx nuex kaz wvnc tueq.

Muklom

¹² Etho John tha chuk náng sakta ta Jesu aa tat atho, piq Judea wang Galilee náng wey kata.

Matthew 4:12 Referencias Cruzadas

Matthew 11:2

Khamlamketi we Johan raq, phaqtek mong maq, Khristo raq jaqsham wan tlaq tsütsa thun kra tai raüta, apaiq raq ajaqshisetiim wa wiijamti ka Jesuq phana bom tiitsang waikai nguta tiikito.

Matthew 14:3

Herod tsan na akha tiima taq kriika, apaiq raq kongkhu ji na Johan ka lap raüta kharü maq kha raüta phaqtek mong na shaq thüto. Apaiq raq Johan phaqtek na shaq wantaq kriika, apaiq raq ano Philip tanyung Herodias kra romphaqtaq kra kha lümaq shaqto.

Mark 1:14

Johan ka phaqtek na ashaq wi niishe, Jesuq ka Gelili wang na wa raüta, Shiikeawe Tsütsa Ahea ka akha chongkuqto,

Mark 6:17

Herod apaiq raq, Johan ka tlap raüta, jinraü maq tiikha raüta, phaqtek na shaq thüto. Herod raq, ara matkii shong wantaq arka, apaiq raq anochhi nyung Herodias kra rom wantaq, kra kha na tiitsat baiqto. Herodias ka apaiq ma anowe Philip tanyung shatmaq, apaiq raq rom wanto.

Luke 23:5

Shatmaq, tsangshiq raq kra thaq na achaq awaq miishe, “Apaiq raq trahokuqtlaq kra lümaq, Judia wang tlotli na mungshuk tatso wa she tiinyai chaqto. Apaiq raq ara traho bomchong kewan arka, Gelili wang maq phaho raüta, ümchaü sanha, ajiishe saühoto,” nguta khoti kha nyan bomtsi kriika tiitsin wan wan she riito.

Luke 3:20

Shatmaq, kra thaq niimin tiinanpot, abi pinthum she ka, Herod raq Johan ka lap raüta, phaqtek mong niishe shaq baiqto.

Luke 4:14

Kra akhing na, Jesuq ka Gelili hong na jang wan nongto. Kiimaq apaiq khum na Asii Wenyi ningkun ka ama riito. Apaiq tsütsa ka, kra binjü tlotli niishe nyam wanto.

Luke 4:31

Kra miishe, Jesuq ka Gelili wang na, Kaparniam chela kiiniishe wawanto. Raüta, Asii Niitiitsak ranaiq na, sinagok maq nokmaiqse ma tra hokuqto.

John 1:43

Kiimaq napjai ranaiq niishe, Jesuq ka Gelili hiq nü na wawan miitu tiijeto. Kra akhing na apaiq raq Philip ka chhito. Krai mren, “Philip, ümniika ngi rai wa i!” nguta apaiq raq Philip ka hea wanto.

John 2:11

Jesuq raq ara apha shaqshaq awang chang jaqsham arka, Gelili wang na Kana hiqshong maq shamkuqto. Kra wangchang jaqsham kuqtaq kra lümaq, apaiq khushü jong kra, maiqse angu ma tiichhi kuqto. Kiimaq kra chhi raüta, ajaqshisetiim riimin, apaiq miishe kamwanto.

John 3:24

(Ara chongtiikai jaqsham wantaq arka, Johan ka phaqtek na mithü shaq niiwa bom riito.)

John 4:43

Kiijaq ranaiq nai haithü jai miishe, Jesuq ka Gelili wang na hali jang wan nongto.

John 4:54

Arka Jesuq raq Judia wang maq Gelili wang na wa raüta, thong nai ngoja awang chang jaqsham she riito.