Matthew 4:11 - ASII LAKDAP Bible (BSI)

¹¹ Kra jai miishe, Thawe raq Jesuq ka teibaiq thüto. Kiimaq rasetiim she saüki raüta, apaiq ka shiikum pan kuq wanto.

Hawa Naga Bible 2001

¹¹ Kvkaq lvmx lvy dvyx Htaungc kuex vpiq kox wawc dung kaz wvnc tueq; Raungkamx bix httuiuc kaz vtueq Yesu muex joalc moalc kuq tueq.

Muklom

¹¹ Etho Thangwa piq tha shingchak eq jol chuwang ta; etho rangkamwa tang ka eq Jesu tha rimkumta.

Matthew 4:11 Referencias Cruzadas

1 HOKHVMX 19:6

Krai mren apaiq raq atro na liito. Raüta winsü phushi kiimaq kham tsabum chüshi achangkhu tho na tiito raü chhito. Raüta apaiq raq kra winsü ka phaqto. Kiimaq kham ka nyangto. Raüta apaiq ka awehali riiwan nongto.

Matthew 26:53

Ümniiraq sapmaü sha, ngi raq ra tlo nguta i We jaq wa jaüha jaq, apaiq raq ngi ma maklii liipan niili, rasetiim ahing amun mitiikilot?

Matthew 4:6

Raüta, Jesuq ma nguto, “Riita, ümniika Shiikeawe Se dea jiika, ara wukhupong armaq doq wan liina. Jamkhano ngukla, Asii bomtsi na akha chong tlo, ‘Shiikeawe raq apaiq rasetiim ma aming mikuq, raüta rasetiim raq ümniika rawang win wiili, tsangshiq jaq maq mikamho, krai mren, ümhok ümjaq ka chong along niimin tiingoq maü mirhaü.’ ”

Mark 1:13

Raüta, kiijaq apaiq ka raroqblai Soitan raq, apaiq mo na tiishang hajaq nguta maitaito. Kiijaq rum ngamse min asi riito. Shatmaq rasetiim kiraüta apaiq ka shiililiito.

Luke 22:43

Kiijiishe, ramungtan wa rase ashi ka kiraüta, Jesuq ka khrumto.

Luke 22:53

Ngi ka namshiq rai wranaiqshe Shomjam na riikang ihata. Kiiwa namshiq raq ngi ka lap man riilan. Shatmaq, ümchaü akhing arka namshiq jaqmiiq wan miitu akhing she. Ara jamkhano chongtiikang ngukla, ümchaü akhing na munglangtiwe ka ranyaq hokhamwe ngatlo!”

Luke 4:13

Krai mren, Thawe raq Jesuq ka, phanrap phanrii maq maitai lot raütiishe, heashi miitu apaiq ka teithü raütiishe, Thawe ka ahin niishe kihoto.

John 14:30

Ngi ka ümchaü namshiq rai manphan riichan apa ka riibom lap mang she. Ara jamkhano chongtiikang ngukla, ara mangjong hiq ara rümti we ka saü wanto she. Apaiq raq ngi ka hupkhang wanlot mak.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Hebrews 1:6

Shatmaq, Shiikeawe raq Ase sekhuq laqlaqse ka, mangjong hiq na tiisat kaiho akhing na, Ase miitu apaiq raq bom ka akha chongto, “Rasetiim thun tlotli raq, apaiq ka shomnoq raa tlo,”