Matthew 16:27 - ASII LAKDAP Bible (BSI)

²⁷ Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Hawa Naga Bible 2001

²⁷ Yvmx khoc lac ngoz ruiux lec Miq Saz vruex kuex Vwaz ngauz vngax maq raungkamx bix rulc roc nuex httuiuc kaz tuex. Ekvkaq miqmac rueq shuimx wvnc tueq kvkhoc washiz maq washiz muex yauk mauk tvyez kuq shuex.

Muklom

²⁷ Chammatakoi, Miqna Sa urangkamwa tang jamoq, uwa phun amun o kaa phana etho piq aa thaji miqtang ma ning jaksom rangma jakthang kona.

Matthew 16:27 Referencias Cruzadas

YOBA 34:11

Apaiq raq maiqse ka tsangshiq raq jamkho shamtlaq, kra tiiphan phan poksi kuqtlo raüta thektlaq kra phan phan tsangshiq ka liikuqtlo.

Tvtsvmc 62:12

kiimaq apaiq lungwiitsii ka tiipitmak phan. Ümniiriili O Tatiwe lei, maiq loweatek ma ajaq shamtaq kra phan phan poksi kuqtlaü.

TAKSU LAK 24:12

Arka naishiq ri sapmai nguta mongo mirhan. Shatmaq Shiikeawe raq namshiq tiima nai tsantsii ka asap, kiimaq namshiq tiima tsantsii ka shintlo, Apaiq raq namshiq ka liishat kiimaq asap. Namshiq jaq shamtlan kra phan phan Apaiq raq namshiq jaqshamtlan kra phan phan poksi mikuq.

THARC TVLUINGC 3:17

Ngi nai ngi ka akha tiingo kang, “Shiikeawe raq kechu maiqse nai ashut maiqse ka kappe ashi maq shin raütli tsangshiq kha ka mipho. Jamkhano ngukla, jaqsham kaiwa aweatek ka, maiqmiimii akhing na kha ka miphoqkuq.”

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

JEREMIA 32:19

Ümniiraq taksu pinthum jaqsham thun sürii tlaü. Laüta ajong pinthum jaqsham thun shamtlaü. Maiqse raq jamlai phan wa kloliitlaq kriika, ümniiraq wiita achhi haü siisaq. Krai mren, ümniiraq maiqse ka tsangshiq raq jamlai jaq wa shamtlaq kra phanphan poksi kuqtlaü.

EJEKIEL 18:20

Jurwa ngarai thun klotlaq kriiti ka mitsai. Awe ngarai ningkhan na ase ka tiichamchao maimak. Kiimaq awe kiimin ase ngarai thun ningkhan tiichamchao maimak. Maiqshaqti raq riikhaqli jaqshamtaq kra miitu poksi mikuq. Kiimaq abi kloti ka apaiq raq abi klo wan kha na michamchao.

EJEKIEL 7:27

Hokhamwe kiimin maaho manyi miraq. Hokhamse jerowe miimin ran tsantsii ka ahü she miraq. Kiimaq mung maiqse ka tsaihü jihü, haisitsi ma atiikhai rokrok li she miraq. Namshiq raq ümtinkhan wa abi klo wanlan kra miitu mo mitiihoha. Kiimaq namshiq raq nanok jamkho shin wan lan, kra khan khan namshiq kha hotlan ka miphoha. Ara riitiq namshiq ma Ngi, ardea Tatiwe nguta mitiichhikuq wan.”

DANIEL 7:10

kiimaq kiiwa wa raisetiim thun ka phoktlo. Kiijaq apaiq shiililiiti maiq ahing amun, kiimaq apaiq rung na, maiq amun aseng chaptlo. Rung na khapho pha wanto, kiimaq lakdam kom phong pahea linto.

JEKERIA 14:5

Namshiq ka ara pum heawea na hiqwiikaü kriimiishe maiqmii chiimjin miju han. Namshiq ka man na namti namwe pat na hokham Ujjia pat na hiqjong mu raüta pintrang taq kiikhii she mipin trang han. Kra akhing na Tati i Shiikeawe raq apaiq rasetiim sheaho raüta miki.

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 13:49

Ara chongtiikai akhiisii hali phangthum akhing ranaiq niimin miraq. Rasetiim ka kiraüta kechu maiqse phong mong kiiwa, ngarai maiqse thun ka wiita adam na mirchom wan.

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 26:64

Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Mark 14:62

Kiijiishe Jesuq raq, “Üm,” nguta apaiq bom ka treto. Raüta apaiq raq, “Riita ümchaü sanha namshiq wiitarü raq Maiq Se ka, Ajong Shiikeawe ma jaqtsi nü na nga raü she michhi han. Kiimaq apaiq ka phum thaq na nga raüta, mangjong hiq na akairai she michhi han!”

Mark 8:38

Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

Luke 21:27

Kra ra nai hiq thun kra brak shaq wan jai shetiq, Maiq Se kriika phum mong na, apaiq ningkun ajong pinthum kra ho raüta nai achhai anyii khushü ngao jonghea kra ho raütiishe misaüho.

Luke 22:69

Shatmaq, ümchaü ara miiphat she sanha, Maiq Se ka Ajong Shiikeawe raq apaiq ma jaqtsi nü kiijiishe mitiinga wan.”

Luke 9:26

Juwa ngi ma kiimaq ara i bomtsi shrinkuq tiikang arma, ajiasi riitlaq jiika, kriiti miika, Maiq Se kiimin apaiq, khushü ngao kiimaq Awe khushü ngao chhainyii liliim, kiimaq asii rasetiim khushü ngao kra ho raüta saüho tlaq akhing ranaiq na, kriiti ma ajiasi mirwan.

John 21:22

Kiijiishe, Jesuq raq, “Ngi raq apaiq ka, ngi saükai akhing na saüli atrali misi laq nguta thi kang lo, kriika ümniima jamlai wa raa ta? Ümniiriika i jai phan phan lishe wariina!” nguta Petar bom ka treto.

John 21:23

Krai mren, Jesuq jai phantibi liipan na, ara jaqshise arka tsai mak miraq ngutiishe, bom ka parai wanto. Shatmaq, Jesuq riika, apaiq ka tsaimak miraq ngutiika ngu mak dea. “Ngi raq apaiq ka ngi saükai akhing na saüli atrali misi laq nguta thikang lo, kriika ümniima jamlai wa raa ta?” ngutli nguto.

Acts 1:11

Kiimaq, kra wenai raq tsangshiq ma, “Gelilinok lei, namshiq ka ajaq chap lanta, ra nü na liilanta jam nguta chapphaq sea wa? Ara Jesuq ara, ümchaü namshiq phong wa jamkho ramungtan na shea wantaq, kiikhiisii hali, ara mangjong hiq na mijangki nong,” nguta tsangshiq ma chongkuqto.

Romans 14:12

Ara chong tlaq arai mren, nashiq wiitarü maiq khumtek raq, Shiikeawe ma maiqmii rilung na jamkho siwan tiikai, kiimaq jamlai wa sham wan tiikai, kra raüpot ka weake wan chang miraq.

Romans 2:6

Shiikeawe raq maiq loweatek ma, maiqmii raq jamlai wa shamlam wantaq, kra phanphan jaq maq mikuq.

1 Corinthians 15:23

Shatmaq maiqmiimii akhing na amaa wa mitiidong wan. Khristo ka amaa wa dong wan apha shaq shaq dong wanti we. Apaiq sengi thun kriika, jai maq apaiq thongnai saüho tlaq akhing ranaiq niishetiq amaa wa atra she mitiidong wan.

1 Corinthians 3:13

Kiimaq maiq khumtek raq ahea, abi minshiiq tlaq kriika, Khristo saükai akhing ranaiq niishetiq mitiichhi kuq wan. Ara jamkhano chongtiikang ngukla, maiqse raq ümchuwa jaqsham wantaq kriika, kra Ranaiq na wa maq michaq. Raüta, wa maq chaq raütiq, jaqsham ka ahea sha abi wa sham wantaq kra mitiichhi kuq.

1 Corinthians 8:8

Riita nawokpo na jamlai wa thii tiikai, tü adung riika nashiq nai Shiikeawe liipan na kamasham lam na jamlai liip dong chang min ahü. Nashiq raq akhnok ngam ka phaqsiq mai ngu raü min, jamlai sumchang min ahü. Kiimaq kra phaqsiq laita jamlai amet dong rai chang min riimak.

2 Corinthians 5:10

Ara jamkhano chongtiikai ngukla, nashiq tarü loweatek raq nashiq kha phoke wanti we Jesuq Khristo man na chap laita, apaiq ma nashiq kha kra tiipho chang miraq. Apaiq raq nashiq kha ka mipho kuq. Raüta nashiq pumsiitek ma, tri maq jamlai poksi kewan wa thek tlaq, kra phanphan she poksi mikuq. Riimak jiila atsa miraq. Khristo raq ara poksi kewan nai atsa wan kriika, nashiq pumsiitek raq ara mangjong hiq maq atra siji na, jamlai phan jaq wa shamkai, kra thaq na seng raütiishe mikuq

Ephesians 6:8

Ara bomchong ara namshiq tsan na tiitsang ronglaq: Tatiwe raq maiq khumtek ma, jamlai phan wa shamhea kaiwa sham lam tlaq, kra miitu poksi mikuq. Dise miimin kiimaq lüsi lüwa miimin, maiqmiimii jaqsham kra lii raüta poksi mikuq.

Colossians 3:25

Kiimaq abi ati kiimungti ümchuwa sitlaq kriika, apaiq raq jamlai wa ajiq klo tlaq, kra miitu jaq maq milap. Ara jamkhano chongtiikang ngukla, Shiikeawe raq maiqse angu wiitarü ka, tok ashi miili shin tlo.

1 Thessalonians 1:10

Kiimahali, Ase ramungtan maq kitlaq We saükai khe ka, maklii khamthii maq khe lanta sitlan. Ase ka Jesuq Khristo, Shiikeawe Apaiq raq amaa wa atiijang wan we. Kiimaq apaiq ka nashiq ara, Shiikeawe tsankhiq manson walü saüho tlaq mong wa Chhii wanti we.

1 Thessalonians 4:16

Kra akhing na, rawang win maq, rasetiim khuthaq na wela sitlaq rase kra raq, agilülü maq aming mikuq. Kiimaq Shiikeawe lerong ka mitsü. Kiijiishetiq, Tatiwe ka ramungtan wa ana misaüho. Kra akhing na, Khristo ma kam raüta maiq ümchuwa tsai wantaq, kriiti thun ka kongkhu midong.

James 5:7

Phuno nyinotiim lei, nashiq Tatiwe ka misaüki shaq wiiwii, litkot chamchao ümtinkhan wa riihum wan tlan kra, tsan tiibum lanta nin wan ruq miili si rong laq. Liimanta, wak shamseati we riimin la, awak wa tsam ka midong man shaq wiiwii, tsan tiibum raüta, khekham maq khe tlo. Apaiq raq jurai liirai rajun saü tlaq kra, kheshat maq sitlo.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.

1 John 2:28

O raq, i setiim lei, apaiq rai pumshi hanshi maq sirong laq. Akha shongnga hai jiika ümtiikiiwa apaiq ka saüki jiiq, kra Ranaiq nashiq ka apaiq ma hai ma, atiijeasi chang jam min ahü she miraq. Kra Ranaiq nashiq ka tsailam jilam maq, chojong chise she misi rong i.

Jude 1:14

Tsangshiq miitu ka Enokh, Atam pat maq pha raüta pattrok wa shammi we raq tiitthai thü je she. Apaiq raq, “Tatiwe ka ahing amun, apaiq rasetiim rai misaüho.

Revelation 1:7

Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

Revelation 20:12

Kiimaq ngi raq maiqse ümchuwa atsai kaiwi ajong ala kiimaq wepuq wese thun ka kongshi niili ngacho khaki na chap raqraq chhikang. Mangjong maiqse raq jamlai wa sham wantaq kra awaiq thü lakdap thun ka linto. Raütiishe lakdap ashi, maiq atra sitlaqti thun mang awaiq thü kriishe linto. Maiq atsai arki thun ka tsangshiq raq jamlai wa sham wantaq thun kriika, kra lakdap thun na awaiq thü asi. Kra phanphan she tsangshiq kha ka pho kuqto.