JOSHUA 11:20 - ASII LAKDAP Bible (BSI) Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto. Hawa Naga Bible 2001 Israel miqsaz muex khvt khvmc laz juing Yehowa rueq tsuingshiq muex tvhtvp htaz tueq. Kvkaq tsuingshiq kuex tvmaq jup tvbac gay tvkoc htvp htaz rvhumc vtueq, menjenc kuy thuinz vguez maq tsuingshiq lotlaz thvy gay rvhumc tueq. Vruex kuex Yehowa rueq Moshe muex nvr tueq rulc rv-ngvlc yaungx tueq. |
Kra tai raüta, Absalom nai Israilnok raq nguto, “Hushai raq achong tsii ka Ahithophel raq achong thaq na ahea lin.” Jamkhano ngukla, Ahithophel raq riikhaqli tsii achongkuq kriika tiilang raamak nguta Tatiwe raq tri ka atankun she riito. Arka Absalom ka tiithenbaiq miitu tiihongto.
Arka Tatiwe raq athimi wan wishe dongdii, shammiwe Ahija raq Shilo chela maq riisham bom maq Nebat se Jeroboam ma chongtaq kra tiiku wan miitu she hongwato. Arkha na tiina hokhamwe raq mungmaiqse bom ka akhiismin shumii mak riitaq kra.
Shiikeawe raq ara Joram rai riihumkai kitaq arka Ahajia miisaq thumchang thiikho ma tiijato. Ahajia ka kiijaq asi shon apaiq nai Joram ka Nimshi se Jehu rai riikhat chang she dongkito. Jehu ka Tatiwe raq Ahab tahii kra chongthum tiijabaiq miitu ashong wan riito.
Kiijiishe Amajia raq apaiq bom tiipit kiq ka akha khiito, “Ümniika naishiq raq hokhamwe danhonti ma ümtiiko shongkai? Kaiqshak ngalaq, riimakla ngi raq ümniika mitiise baiqha!” Shammiwe ka tsaq kito. Shatmaq apaiq riika akha nguraütiitiq tsaqto, “O, ikhla ümchaü ngi raq sapkang she. Shiikeawe raq ümniika ashthen baiq miitu atoqtan wishe. Jamkhano ngukla ümniiraq arthun ashut klo wan laü. Kiimaq ümniiraq idanhon ka shipoq baiq laü.”
Kiijiishe Tatiwe raq Mosheq ma chongto, “Walaq. Laüta hokhamwe rai riihum wakiq. Ngi raq apaiq nai asengi ajong alabi thun ka wanshak shak tiijabaiq kang. Arka Ngi raq ara awang chang thun ara tsangshiq phong na klo miitu.
Mosheq nai Aron raq arthun awang chang jaqsham ka hokhamwe makki na kloto. Shatmaq Tatiwe raq apaiq tsantsii ka wan shak shak tiitsin baiqto. Kiimaq apaiq raq Israilnok ka apaiq mungtan wa ahin na tlaü wan mak dea ningtangto.
Ngi raq Ejip mungti tsantsii ka wanshak shak mitii tsin baiqha. Krai mren tsangshiq ka Israilnok jai ka mijo wan. Kiimaq Ngi raq hokhamwe nai asengi phenlabi, akumrang leng thun, kiimaq akumrang leng jiiqtibi thun kra mikhat ha, lata mitangha. Lata ikhushü mitiijongha.
Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.
Tatiwe raq hokhamwe ka wanshak shak tiija baiqto. Kiimaq apaiq raq Israilnok ka johoto, Israilnok ka tang wan tlii laü wanto.
Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.
Shatmaq Tatiwe raq hokhamwe tsantsii ka wanshak shak li tiija baiqto. Tatiwe raq chongtaq kra phan phan dea hokhamwe raq Mosheq nai Aron bom ka taimak tleato.
Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.
Tati Ajong Pinthumwe raq atiitum raüta ngutlo; “Ngi raq jamlai wa sürii wan kang, kriika mihong wan dongdii. Ngi raq jamlai klowan chang ngutiiwa thapthi wan kang, kriika miklo wan dongdii.
Tatiwe ka maiq mung kunli ma kiimaq tsangshiq phenlabi thun tlotli ma atsankhiq. Apaiq raq tsangshiq ka tiishaübaiqto she. Raüta chongthum tiijabaiq miitu kha tanto she.
Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.
“Shatmaq Sihon Hokhamwe raq nashiq ka apaiq mungtan lam maq tiiwa mak tangtahoto. Tatiwe namshiq Shiikeawe raq apaiq tsantsii ka atiitsin riibaiqto. Kiimaq khiilataq she sru wanto. Kriika nashiq raq apaiq ka khat laita tang wan miitu kiimaq amungtan kra jiiwan laita shong wan miitu riito. Nashiq ka ümchaü min kiijaq shongruq li sitiikai ahata.
Tatiwe namshiq Shiikeawe raq namshiq jaqkhon na maiq mung kiinong kuq wantlaq kra aweatek miqchup tiithen baiq ronglaq. Kiimaq tsangshiq ma tiihang mangchan tiichhike wan maimak. Tsangshiq phra thun ka naq shomnoq rongkiq. Kra riihanla namshiq mea wan chang thiikho miraq.
Anyungwe riika, Tatiwe raq Samson shunshea kha na kra chongtlo ngutiika sapmak shaq li riito. Jamkhano ngukla Tatiwe raq Philistainnok ka khat ma ami rittlo. Kiitinchoji Philistainnok raq Israilnok mung ka langtlo.
Maiq weshi raq weshi khuthaq na ngarai la tang raü ka, Shiikeawe raq apaiq ka mitiiwong kuqlot. Shatmaq Tatiwe ma ashut kloti ka, juro apaiq kha ka mipho kuqlot?” Shatmaq tsangnai raq awe bom ka taimak. Jamkhano ngukla Tatiwe raq tsangnai ka atsea baiq chang nguta kha atanwi she.