DUNGWVNC 14:17 - ASII LAKDAP Bible (BSI)

¹⁷ Ngi raq Ejip mungti tsantsii ka wanshak shak mitii tsin baiqha. Krai mren tsangshiq ka Israilnok jai ka mijo wan. Kiimaq Ngi raq hokhamwe nai asengi phenlabi, akumrang leng thun, kiimaq akumrang leng jiiqtibi thun kra mikhat ha, lata mitangha. Lata ikhushü mitiijongha.

Hawa Naga Bible 2001

¹⁷ Ngaz rueq Ejip miqsaz khux pinhtumc tvtsanc kuy ningkhvnc nuex tsuingshiq rueq muinz Israel miqsaz yix kvyuq yurc shuex, ngaz rueq hokhvmx waz maq phaungc vtueq piq nolaungx bix, piq renc htenc nuiyc vruip jix htenc kuex taungx gay ningkhvnc nuex ngvy ngauz vngax dung wvnc tuex.

DUNGWVNC 14:17 Referencias Cruzadas

RAPHA HIQWA LAK 50:9

Maiqwere kumrang leng chaotibi kiimaq kumrang raikhü na chaotibi thun kiimin apaiq rai wawan damto. Kra wawantaq maiq kong ka pahea riito.

RAPHA HIQWA LAK 6:17

Ngi raq mangjong hiq na rathup jüjang mitii saüha. Lata atra wiitsitsü phan wiita mishthen baiqha. Hiqraikhü na ümchuwa sitlaq kra wiita mijiim.

RAPHA HIQWA LAK 9:9

“Ümchaü Ngi raq ümniirai kiimaq ümsetiim rai tongshong tiikang.

DUNGWVNC 14:23

Kiimaq Ejip mungti raq Israilnok ka jowanto. Tsangshiq raq khamjong chum mong na lam kra phan phan tsangshiq kumrang kong thun, kumrang leng thun, kiimaq leng jiiqtibi thun nong nong maq jowanto.

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 14:8

Tatiwe raq hokhamwe ka wanshak shak tiija baiqto. Kiimaq apaiq raq Israilnok ka johoto, Israilnok ka tang wan tlii laü wanto.

DUNGWVNC 4:21

Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.

DUNGWVNC 4:23

Ngi raq ümniima ise ka tiiwa ratlo. Apaiq raq Ngi ka mishomnoq laq. Shatmaq ümniiraq apaiq ka ningtang laü. Ümchaü min, Ngi raq ümse chhikhuwe kriishe mitsat baiqha.’”

DUNGWVNC 7:3

Shatmaq Ngi raq hokhamwe tsantsii ka wanshak lanlaqlaq mitiija baiqha. Kiimaq apaiq raq ümbom ka taimak miraq. Ngi raq Ejip mung na phiiptsi jiiptsi ümtinkhanli shamha jiimin taimak miraq. Kiijiishetiq Ngi raq Ejip mung ma imo ka hengbiti she mitiihoha. Lata Ngi raq isenginok maiq phan thun ka armung wa ahin na mitsuq wanha.

ISAIA 48:15

Ngi kata apaiq ma bom chongketiwe, kiimaq apaiq heawantiwe; Ngi raq apaiq ka shun shea wan kang, lata apaiq ma phanrap tii-ongkuq wan kang.

ISAIA 51:12

Tatiwe raq ngutlo, “Ngi ka ümniima ningkun shoqketiwe. Ümniika han-ngam hiqda maiqse jaram haiwa, apaiq ka sangphii ikha aloseli misi riimaksha?

JEREMIA 23:39

Ngi raq tsangshiq ka tengteng dobaiq lata, ngi phawa luhea niishe, tsangnai wiita, kiimaq chela kra, Ngi raq tsangshiq ma nai tsangtitiim ma akuqha kra midobaiqha.

EJEKIEL 28:22

Kiijaq siti mungmaiqse ma, Ngi, Tati Rakaü Hiqwe raq tsangshiq miitu jamlai wa ngutiikang ara tsangshiq ma chongkuqlaq: Sidon chela lei, Ngi ka ümniima wesang. Ngi raq ümniima jamkho mo tiihotiikang, kra chhiraüta maiqse raq Ngi mishom ra. Ngi raq ümtiikiiwa ümhiq na siti maiq thun ka tsat tiikang, lata Ngi ka asii dea nguta tiichhikuq tiikang, kiitiikaq tsangshiq raq, Ngi ardea Tatiwe nguta misap.

EJEKIEL 34:11

“Ngi, Tati Rakaü Hiqwe raq namshiq ma chongtiikang, Ngi raq i skusekong ka miliiha kiimaq mirümha.

EJEKIEL 34:20

“Riita arningkhan, ümchaü min, Ngi, Tati Rakaü Hiqwe raq, namshiq ma chongtiikang, Ngi raq namshiq ahong ala skukong nai ningkun ajom skusekong liipan wa kha ka apho she mirha.

EJEKIEL 5:8

Kra ningkhan, Ngi, Tati Rakaü Hiqwe raq ümniima chongtiikang, Ngi ka ümniima wesang she. Ngi raq ümkha ka miphoha. Lata mo mitiihoha. Kra mo hotlaü ka maiq mung pahea raq michhi.

EJEKIEL 6:3

Israil mung na pumthun kiima Tatiwe bomtsi kra tairong laq nguta chonglaq. Ngi, Tati Rakaü Hiqwe raq pumkaütiim thun ma, kin thun ma, jükhü hiqwii tsaühea thun ma, kiimaq jüwiitan thun ma, ara ibom chongtiikang kra taironglaq nguta chonglaq: Ngi raq Israilnok raq sumla phra shomnoq wan chang hiqba thun kra shiithenbaiq miitu nepja mitiisaüha.

Hosea 5:14

Jamkhano ngukla, ngi ka hangsi ma jalata, Israil mung ka mikaqha, hangsisetiim ma jalata Juda mung mikaqha, tsangngam ka bunlak buncha mipan phaqha. Inübok wa tsangshiq tiichhii wanti jumin ahü.”

LEWI 10:3

Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.

LEWI 26:28

kiijiishe kla itsankhiq ka henghea she miraq. Kra ningkhan Ngi raq namshiq mo ka kongkhu lak na kra nam ma jang miishi achan henghea she mitiiho nongha.

Romans 9:18

Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.

TRI CHONGKE 32:39

“ ‘Ngi, kiimaq Ngi arli dongdii Shiikeawe ka; laihin phra ka riikhaqli shiikea riimak. Ngi raq atsea riibaiq tiikang, kiimaq Ngi raq tsitsü kuqtiikang, kiimaq Ngi raq tiisho tiikang kiimaq Ngi raq ami ka tiihea kuqtiikang, kiimaq Ngi raq jamlai wa shamtiikang kra tangtati ka jumin ahü.

JOSHUA 11:20

Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto.

PHOWEBI 4:7

Ngi raq Jabin sengi phentu jongwe Sisera ka phenlabi thun shea raüta, ümniirai riikhat kai Kishon Rai khü kiijaq misheaho kang. Apaiq jaq niika kumrang leng thun nai asengi phenlabi thun asi miraq. Shatmaq ngi raq apaiq ka ümjaq khon mong na mikiinong kuqbaiq kang. Apaiq ka ümniiraq mitang haü.’”

1 SAMUEL 6:6

Namshiq ka Ejip mung hokhamwe nai asenginok wanshakshak tsiitaq ikha, jaram tsin rai wea? Tsangshiq raq Israilnok ka Ejip mung wa mitiiwa baiq shaq wiiwii, Shiikeawe raq tsangshiq ka anginok tiijataq kra namshiq raq naq laq rongkiq.