DUNGWVNC 9:12 - ASII LAKDAP Bible (BSI)

¹² Shatmaq Tatiwe raq hokhamwe tsantsii ka wanshak shak li tiija baiqto. Tatiwe raq chongtaq kra phan phan dea hokhamwe raq Mosheq nai Aron bom ka taimak tleato.

Hawa Naga Bible 2001

¹² Yuq muinz Yehowa rueq hokhvmx waz khux tvtsanc kuy ningkhvnc nuex, Yehowa rueq jungx tueq rulc rv-ngvlc Moshe nuiyc Arun kvjaz kuex hokhvmx waz rueq tay kuq muq.

DUNGWVNC 9:12 Referencias Cruzadas

DUNGWVNC 10:1

Kiijiishe Tatiwe raq Mosheq ma chongto, “Walaq. Laüta hokhamwe rai riihum wakiq. Ngi raq apaiq nai asengi ajong alabi thun ka wanshak shak tiijabaiq kang. Arka Ngi raq ara awang chang thun ara tsangshiq phong na klo miitu.

DUNGWVNC 10:20

Shatmaq Tatiwe raq hokhamwe tsan ka wanshak shak li tiitsin baiqto. Kiimaq apaiq raq Israilnok ka tiiwa mak dea ningtang baiqto.

DUNGWVNC 11:10

Mosheq nai Aron raq arthun awang chang jaqsham ka hokhamwe makki na kloto. Shatmaq Tatiwe raq apaiq tsantsii ka wan shak shak tiitsin baiqto. Kiimaq apaiq raq Israilnok ka apaiq mungtan wa ahin na tlaü wan mak dea ningtangto.

DUNGWVNC 14:8

Tatiwe raq hokhamwe ka wanshak shak tiija baiqto. Kiimaq apaiq raq Israilnok ka johoto, Israilnok ka tang wan tlii laü wanto.

DUNGWVNC 4:21

Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.

DUNGWVNC 9:7

Hokhamwe raq kra mra ka jamkho pinta nguta waito. Kiimaq Israilnok nyamse kong wiika ashira min tsaimak dea nguta tsangshiq raq apaiq ma chongto. Shatmaq apaiq ka wanshak shak li riito. Kiimaq apaiq raq Israilnok ka tiiwa mak dea riito.

John 12:40

“Shiikeawe raq tsangshiq mak ka atiichuk baiq wishe. Kiimaq tsangshiq tsii ka atiimo baiq wishe. Krai mren, tsangshiq riika chhi mak she. Kiimaq tsangshiq tsii ka tsang mak she. Kiimaq ngi raq tsangshiq tsii ka tiitsang kuq wan jiiq nguta, tsangshiq ka ngi phana wamak she, nguta Shiikeawe raq chongtlo.”

Romans 9:18

Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.

JOSHUA 11:20

Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto.