DUNGWVNC 14:4 - ASII LAKDAP Bible (BSI)

⁴ Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

Hawa Naga Bible 2001

⁴ Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 14:4 Referencias Cruzadas

NEHEMIA 9:10

Ümniiraq Pharao khuthaq na, apaiq jaqthü wanti welabi khuthaq na, asengi mungmaiqse khuthaq na, awang chang jaqsham tiichhikuq wan laü. Jamkhano ngukla tsangshiq raq, ümsengi Israilnok ka pinthum, tiichamchao wanto nguta asap haü. Kra laüta ümkhushü tiijong laü ihata, kra ümkhushü jong ka ümchaü min asi.

DUNGWVNC 10:2

Kiimaq namshiq raq namsetiim nai namsaütiim ma, Ngi raq Ejip mungti ka awang chang jaqsham lata, tsangshiq ka jamkho angok anginok ma tiijabaiq kang kra manphan ka michong kuq han. Namshiq tarü raq Ngi ka Tatiwe dea nguta misap han.”

DUNGWVNC 10:27

Tatiwe raq hokhamwe tsantsii ka wanshak shak tiijabaiqto. Kiimaq apaiq raq tsangshiq ka tiiwa mak ningtang baiqto.

DUNGWVNC 12:28

Raütiishe tsangshiq ka kihoto. Raüta Tatiwe raq Mosheq nai Aron ma jamlai aming wa kuqtaq kra kloto.

DUNGWVNC 14:23

Kiimaq Ejip mungti raq Israilnok ka jowanto. Tsangshiq raq khamjong chum mong na lam kra phan phan tsangshiq kumrang kong thun, kumrang leng thun, kiimaq leng jiiqtibi thun nong nong maq jowanto.

DUNGWVNC 14:25

Apaiq raq tsangshiq kumrang leng thun jikom ka hiq niishe tiikan baiqto. Kra ningkhan tsangshiq ka la maq ngila nguraü shetiq khumtlo. Kiijiishe Ejip mungti raq nguto, “Tatiwe raq Israilnok miitu nashiqnok she khat wanto. Nashiq ka arwa jaqlo pintlo rong i!”

DUNGWVNC 14:3

Hokhamwe raq Israilnok ka kra wang na lam min hummak mangmii raitlo. Kiimaq kumtsaiphii rumnyangkhi wang na tiitaü rai hoto nguta mitiima.

DUNGWVNC 14:5

Riita Ejip mung hokhamwe ma Israilnok ka laü wanto she nguta chongkiita, apaiq nai asengi ajong alabi raq tsangshiq tsantsii ka aklai she riinongto. Raüta tsangshiq liipan na akha riingoto, “Nashiq raq ara jamlai wa riikai? Nashiq raq Israilnok ka tiijubaiqkai she. Kiimaq tsangshiq ka nashiq dikong wa sumphaq kai she ahata!”

DUNGWVNC 14:8

Tatiwe raq hokhamwe ka wanshak shak tiija baiqto. Kiimaq apaiq raq Israilnok ka johoto, Israilnok ka tang wan tlii laü wanto.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

DUNGWVNC 6:7

Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

DUNGWVNC 7:17

Chaü lei, ümchaü, Tatiwe raq ümniima ngutlo, apaiq ka juwa kra ümniiraq apaiq jaqsham kra chhi laütiishetiq misap haü nguta chongtlo. Liilaq, ümchaü ngi raq jurai wa kham ka ara nyeakii armaq mitsat-ha, kiimaq jürai wa kham ka tiijai ma mijaki.

DUNGWVNC 7:3

Shatmaq Ngi raq hokhamwe tsantsii ka wanshak lanlaqlaq mitiija baiqha. Kiimaq apaiq raq ümbom ka taimak miraq. Ngi raq Ejip mung na phiiptsi jiiptsi ümtinkhanli shamha jiimin taimak miraq. Kiijiishetiq Ngi raq Ejip mung ma imo ka hengbiti she mitiihoha. Lata Ngi raq isenginok maiq phan thun ka armung wa ahin na mitsuq wanha.

DUNGWVNC 7:5

Ngi raq ijaq ka tsangshiq khuthaq na dolata, mo tiiho latiishe Israilnok ka tsang mung wa tsuq wan tiikang kra chhi raütiitiq, Ejip mungti raq Ngi ka Tatiwe dea nguta misap.”

DUNGWVNC 9:16

Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

EJEKIEL 20:9

Shatmaq Ngi raq kra tiichhi kuq mangdea riikang. Jamkhano ngukla kra riiha jiika, imang chong shreng kra mibiki. Jamkhano ngukla tsangshiq ka maiqnok rai adam na siwanto. Tsangshiq pongnok phan makki na Ngi raq Israilnok ma tsangshiq ka Ejip mung kiiwa mung ahin na mitsuq wanha nguta tiitai chongkuq kang.

EJEKIEL 28:22

Kiijaq siti mungmaiqse ma, Ngi, Tati Rakaü Hiqwe raq tsangshiq miitu jamlai wa ngutiikang ara tsangshiq ma chongkuqlaq: Sidon chela lei, Ngi ka ümniima wesang. Ngi raq ümniima jamkho mo tiihotiikang, kra chhiraüta maiqse raq Ngi mishom ra. Ngi raq ümtiikiiwa ümhiq na siti maiq thun ka tsat tiikang, lata Ngi ka asii dea nguta tiichhikuq tiikang, kiitiikaq tsangshiq raq, Ngi ardea Tatiwe nguta misap.

EJEKIEL 32:15

Ümtiikiiwa Ngi raq Ejip mung ka hiqmiq changkhü miishe mitiijabaiqha, kiimaq kiijaq siti maiq ka mitiithenbaiqha, tsangshiq raq Ngi ardea Tatiwe nguta misap wan.

EJEKIEL 38:16

Ümniiraq isengi Israilnok ka rathaiq henghea mung hamli maq thaiq wantlaq ikha mikhat haü. Ümtiikiiwa akhing she saüjiiq, Ngi raq ümniika i mung kra khatkai mitiikiha. Ngi raq i mung khatkai tiikitiikang kriika, mangjong hiq na maiq thun sitlaq kriima, Ngi ka juwa kra tiichhike miitu kiimaq ümnaq lümaq Ngi raq jamlai jaq wa shamtiikang kriimaq Ngi ka asii sitiikang kra mitiichhi kuqha.

EJEKIEL 38:23

Arthun jaqsham ara lümaq, Ngi raq mangjong hiq na maiq mung thun ma, Ngi ka ajong pinthum kiimaq Ngi ka asii nguta mitiichhi kuqha. Tsangshiq raq Ngi ardea Tatiwe nguta misap wan.”

EJEKIEL 39:13

Israil mungti maiq loweatek raq ara maiq maa lap jaqsham ara mikhrum wan. Kiimaq Ngi raq rekhat tang wan tiikang ranaiq na ara jaqsham khrumke wanti tarü ma shreng manto misi wan. Arka, Ngi, Tati Rakaü Hiqwe raq ngutiikang.

LEWI 10:3

Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.

Romans 11:8

Riita, arka Asii bomtsi na, “Shiikeawe raq tsangshiq khutsai ka shaqmii ma tiija baiq wanto she. Kiimaq tsangshiq tsan among ka, theapakpak miishe tiija baiq wanto. Ümchaü ranaiq na saüli, tsangshiq raq Shiikeawe bomchong ka tak wan lot mak. Kiimaq tsangshiq ni maq tai wan mak miili lea wan tlo,” nguta chong tlo. Ara Asii bomtsi na chong tlaq arphan phan she dea hongtha rai wantlaq chhi wan tiikai.

Romans 9:17

Riita, arkha miitiina, Shiikeawe raq Asii bomtsi na, Ejip mung hokham we ma, “Ngi raq ümniika hokham ma shong wan kang arka, ümniiliimaq, i ningkun jong nai i khushü jong ara, mangjong hiq tlotli na tiiphoi wan miitu tiina, shong wan kang,” nguta chongkuq wanto chhi tiikai.

Romans 9:18

Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.

JOSHUA 11:20

Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto.

PHOWEBI 4:7

Ngi raq Jabin sengi phentu jongwe Sisera ka phenlabi thun shea raüta, ümniirai riikhat kai Kishon Rai khü kiijaq misheaho kang. Apaiq jaq niika kumrang leng thun nai asengi phenlabi thun asi miraq. Shatmaq ngi raq apaiq ka ümjaq khon mong na mikiinong kuqbaiq kang. Apaiq ka ümniiraq mitang haü.’”