DUNGWVNC 14:3 - ASII LAKDAP Bible (BSI)

³ Hokhamwe raq Israilnok ka kra wang na lam min hummak mangmii raitlo. Kiimaq kumtsaiphii rumnyangkhi wang na tiitaü rai hoto nguta mitiima.

Hawa Naga Bible 2001

³ Hokhvmx waz rueq Israel miqsaz kuex kumtsvy tvnx rueq tvroz komc yaq hong nuex kvroz rix khuemx vtuex shvmx ngoz tueq tvmaung shuex.

DUNGWVNC 14:3 Referencias Cruzadas

Tvtsvmc 139:2

Ngi raq jaq shamtiikang ka kunkun ümniiraq asaphaü; luhea miili ümniiraq ngi tiima tsantsii tlotli asaphaü.

Tvtsvmc 139:4

Ngi raq mibomha shaq niili, ngi raq jamlaiwa michongha kra ümniiraq asap wishe.

Tvtsvmc 3:2

Tsangshiq raq ngi miitu akha riichong siqtlo, “Shiikeawe raq apaiq ka khrum mak miraq.”

Tvtsvmc 71:11

Tsangshiq raq ngutlo, “Shiikeawe raq apaiq ka tiishaübaiqto she; apaq jai ka joho laita lapki rong i; apaiq tiichhiiketi jumin ahüshe.”

DUNGWVNC 14:2

“Israilnok ma jai nü na jang ronglaq. Lanta Migdol chela nai Khamjong Khamshii Chum liipan na Baal Jephron chela tho na Pi Hahiroth chela kiijaq piitiip tei wan ronglaq nguta chonglaq.

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

EJEKIEL 38:17

Man na rathup rapha niiphü dongdii, Ngi raq ijaqshi setiim Israilnok shammibi ma, rawiichii akhing na, Ngi raq maiq weshi ra sheaho lata Israil mung ka mitiikhat wanha nguta tiithaikang kriika ümnaq ara ngonang chongkang.” Arka, Tati Rakaü Hiqwe raq toqtanto.

Acts 4:28

Tsangshiq raq ümtinkhan wa kiimung wantaq kriika, ümningkun ajong maq nai ümniiraq athithi na tiihong tha miitu, ümniiraq tri raü ka, kongkhu ji miiphü dongdii shat je she athü wan kra, tiikupi wan miitu tsangshiq ka hongla wanto.

TRI CHONGKE 31:21

Kiimaq tsangshiq khuthaq na phiiptsi chang pahea chamchao misaü. Shatmaq ara shi nge arka shinge wan ruq li miraq. Kiimaq ara ashi arka tsangshiq tiishut wan saqse miishe mija wan. Ümchaü dongdii min, Ngi raq tsangshiq ma mung ashi mikuqha nguta kiq kham kuqkang mung kiijaq mishea wanha shaq niimin, tsangshiq tsan mong na jamlai wa tiimatlaq kra Ngi raq asapha.”

PHOWEBI 16:2

Gaja chelati raq Samson ka kiijaq nguta tho heto. Krai mren tsangshiq raq kriiba ka trotam maq kheto. Kiimaq rawa minru chela kilamchong maq kheto. Tsangshiq ka rawa minru kaiqshak miili kheto. Kiimaq tsangshiq tsan na akha tiimato, “Nashiq raq ratiiwiili mikhe rong i, kra laita apaiq ka mitsat baiq rong i.”

1 SAMUEL 23:23

Apaiq tiipaüshan chang hiq ba thun kra riikhaqli liiki rongkiq. Lanta kra tsütsa ka ngi ma tlothit tiitai chong wa rongkiq. Kiijiishetiq, ngi ka namshiq rai mikidam kang. Lata apaiq ka kra chhikilan binjü kiijiili dea jiila, ngi raq apaiq ka tiikot trot miritha. Lata Juda mung kra tlotli na shokchhum nochhum mirit kiha.”

1 SAMUEL 23:7

Riita, Saul ma Dawit ka Kaila niishe kihoto nguta tsütsa ka tiitaito. Kra tai raüta apaiq raq, “Shiikeawe raq apaiq ka ijaq khon mong niishe tiiwato. Dawit ka trotam maq kiitelong maq aruk kiimaq chela kilam chong thun min jin kilü maq atiihong kiijaq kiho raüta, apaiq nai apaiq kli thiikho mong na tiithii rai wato,” nguta bomto.