DUNGWVNC 14:3 - Hawa Naga Bible 2001

³ Hokhvmx waz rueq Israel miqsaz kuex kumtsvy tvnx rueq tvroz komc yaq hong nuex kvroz rix khuemx vtuex shvmx ngoz tueq tvmaung shuex.

ASII LAKDAP Bible (BSI)

³ Hokhamwe raq Israilnok ka kra wang na lam min hummak mangmii raitlo. Kiimaq kumtsaiphii rumnyangkhi wang na tiitaü rai hoto nguta mitiima.

DUNGWVNC 14:3 Referencias Cruzadas

Tvtsvmc 139:2

Ngaz rueq shuimx vshaungx phvnx ruip saz kuex mnoz rueq tuiuz yaq; ngvy rueq tvmaung vshaungx lvmx lotlaz kuex vluz maq dvyx mnoz rueq tuiuz tay vshuiux.

Tvtsvmc 139:4

Ngvy nuix max tvkac nuex phuex ngaz rueq jungc juing kvjaz kuex mnoz rueq tuiuz vshuiux rvtueq.

Tvtsvmc 3:2

“Tishox rueq piq muex romc kuq shuex rvmuq,” ngoz tueq tsuingshiq rueq ngvy lvmz jungx saq wuez yaq.

Tvtsvmc 71:11

“Tishox rueq piq kuex tuip gay tueq shex; naungshiq rueq piq yix nuex yurc vtueq piq kuex lvp ix, piq kuex tvguing jix miq ukhaq muinz vguez,” ngoz tueq tsuingshiq rvjungc wuez yaq.

DUNGWVNC 14:2

“Israel miqsaz htenc kuex yix kox nuex kvroz yek vtueq, Bala Zephon hep wawc Migdol ghaq nuiyc Yuix Shawx Jumx hvl wawc Pi Hahirot ghaq khaungkac kvyuq jerak tec tvkoc jungx shuiuz.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

EJEKIEL 38:17

Kvruex vkhing httuiuc wvnc ruiux yuq, Israel khvt tvkoc miq vshiz kuex ngaz rueq tvkaz shaungx ngoz tueq ngvy nvrc waz htenc rvtueq Israel shvmmax bix muex mvnnuex maq phuex ngaz rueq jungx tauk romzyac tvkhic lvmz kuex mnoz rvtoq,” Johvlc Yehowa rueq jungx tueq.

Acts 4:28

Kvkhoc tsuingshiq rvtuimx yaq kuex mnoz luimc vkawc nuiyc thuinroc lvmx htvp htaz tueq rulc rv-ngvlc yaungc wvnc tvkoc rvtueq.

TRI CHONGKE 31:21

vhiz juing phvnx kuilc daz jamjaux paunghvlc rulc rvhumc wvnc wuez tuex. Yuq muinz tsuingshiq samkox nuex hakhix yaungc tvkoc shic vruex shic kuy rax. Tsuingshiq muex kuq phaungx ngoz tueq bomkhvmc vtaq mungx kvyuq ngaz rueq max gvl wvnc nuex dvyx tsuingshiq rueq kvmungx yaq lvmz kuex ngaz rueq tuiuz yaq,” ngoz tueq jungx tueq.

PHOWEBI 16:2

Kvruex yuq Samson httax yaq kuex Gaza ghaq wuinz rueq tuiuz vtueq, tsuinghez rueq kvruex baung kuex tvkomc tuimx ruiux, ghaqyungx palx kaluix maq wvrx taungx bvmc tueq. Tsuinghez kuex wvrx taungx kuiyqshuik maq raz tueq, “Piq kuex raungx tvwuic laz bvmc tueq, kvruex yimaq jix piq kuex thvt gay ix,” ngoz tueq tsuinghez rueq tvmaung wuez tueq.

1 SAMUEL 23:23

Piq kvhttuiyq yaq hong kuex rvkhauk laz tvtsuingc shex ruiux raz tueq ngaz kox nuex yauk lox maq thaungc tvtay kuit. Kvkaq ngaz nuimhez rulc vdvmz kaz vtueq, kvruex hong kvyuq piq httax yaq doc ngoz ruiux kuex Yuda mungx wvmungx tuimx nuex thuiyx vtueq piq kuex yurc shaungx,” ngoz tueq jungx tueq.

1 SAMUEL 23:7

Kela ghaq nuex Dawid httuiuc tueq lvmz Sholu muex tvtay jungx koq tueq, piq rueq, “Palx ruk nuiyc palx kaluix phaungx duingduing hvlc mungx nuex nyuip waung tueq kuex piq pumz nuiyc piq kvtsvnc yaq, Tishox rueq piq kuex ngvy luimc vkawc mungx nuex htawc kuq phuex,” ngoz tueq jungx tueq.