JOSHUA 11:20 - Hawa Naga Bible 2001

²⁰ Israel miqsaz muex khvt khvmc laz juing Yehowa rueq tsuingshiq muex tvhtvp htaz tueq. Kvkaq tsuingshiq kuex tvmaq jup tvbac gay tvkoc htvp htaz rvhumc vtueq, menjenc kuy thuinz vguez maq tsuingshiq lotlaz thvy gay rvhumc tueq. Vruex kuex Yehowa rueq Moshe muex nvr tueq rulc rv-ngvlc yaungx tueq.

ASII LAKDAP Bible (BSI)

²⁰ Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto.

JOSHUA 11:20 Referencias Cruzadas

2 SAMUEL 17:14

Absalom nuiyc Israel miqsaz lotlaz rueq, “Hushai rueq kvmungx kuex Ahithophel kvmungx htauk nuex muinz vhvlx,” ngoz tueq jungx wuez tueq. Kvruex kuex Ahithophel rueq kvmungx yaq vhvlx kvyuq phvnx laq muq juing Absalom htauk nuex vgvrx tvrvhumc tvkoc Yehowa rueq tvhungx htaungx lvmz rvtueq.

1 HOKHVMX 12:15

Kvruex kuex Shilo ghaq wawc shvmmax Ahija maq raz tueq Nebat saz Jeroboam muex jungx kuq tueq kvjaz kuex yaungc wvnc tvkoc Yehowa thuinroc lvmx rvtueq. Kvkhoc rvtueq hokhvmx waz rueq mungx miqsaz kvjaz kuex wvlc guez tvyaungc tueq.

2 KAÜWA WERAÜ 22:7

Tishox rueq Ahazia kuex tvsumx tvdvy gay tvkoc vkhoc Yoram kox nuex rvhumc kay tvkaz tueq. Ahazia kuex kvruex ghaq kvyuq httax yaq nuex piq nuiyc Yoram rueq Ahab hokhvmx phvnx vmaq kuex tvbac gay tvkoc Yehowa rueq vthvl taq waz, Nimshi saz vmuingc Jehu ngoz yaq waz rulc rvhumc hungx rvtueq.

2 KAÜWA WERAÜ 25:16

Kvkhoc ngoz koq tueq Amazia rueq, “Mnoz kuex hokhvmx waz rulc rvjungc rv-phvnc walaungx muex mkaq lac tvyaungc phix? Kuiyq shuik rvkuiuz, rvmuq ngoz ruiux ngaz thvt gay phaungx!” ngoz kuq tueq. Shvmmax waz rueq, “Piq rueq vkhoc shuimx lvmz ruiux ngaz rueq kuq tauk kvmungx kuex wvlc guez tvyaungc ningkhvnc nuex Tishox rueq piq kuex tvbac gay tvkoc kvmungx yaq lvmz kuex majuiuc ngaz rueq tuiuz tauk shex,” ngoz tueq kuiyqshuik tauk kaz tueq.

DUNGWVNC 10:1

Kvruex yimaq Yehowa rueq Moshe muex ngoc, “Hokhvmx waz kox nuex rvhumc kaz kuiuz. Ngaz rueq piq nuiyc piq miq vyungx vlaungx bix khux tvtsanz kuq vtueq, ngaz rueq vwangc juing phvnx kuex tsuingshiq muex tvkhic shaungx,

DUNGWVNC 11:10

Moshe nuiyc Arun rueq hokhvmx waz khaungkac nuex vwangc juing phvnx htenc tvkhic kuq koq muinz, Yehowa rueq piq thuinz tvtsanc kuy ningkhvnc nuex Israel miqsaz kuex piq mungtan wawc tvkaz muq rvlaq tueq.

DUNGWVNC 14:17

Ngaz rueq Ejip miqsaz khux pinhtumc tvtsanc kuy ningkhvnc nuex tsuingshiq rueq muinz Israel miqsaz yix kvyuq yurc shuex, ngaz rueq hokhvmx waz maq phaungc vtueq piq nolaungx bix, piq renc htenc nuiyc vruip jix htenc kuex taungx gay ningkhvnc nuex ngvy ngauz vngax dung wvnc tuex.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 14:8

Yehowa rueq hokhvmx waz khux tvtsanc kuy ningkhvnc nuex piq rueq Israel miqsaz yix nuex yurc tueq, Israel miqsaz muinz hungc yungx laungc saz kaz wvnc wuez tueq.

DUNGWVNC 4:21

Kvruex yimaq muinz Yehowa rueq Moshe muex ngoc, “Mnoz majuiuc Ejip mungx nuex yek vtuiux ningkhvnc nuex, ngaz rueq mnoz muex kuq phaungx luimc vkawc maq hokhvmx waz khaungkac nuex vwangc juing yauk shuimc lotlaz kuex shuimx shuiuz. Yuq muinz ngaz rueq piq thuinz kuex tvtsanc kuy ningkhvnc nuex piq rueq Israel miqsaz kuex tvkaz shuex rvmuq.

DUNGWVNC 9:12

Yuq muinz Yehowa rueq hokhvmx waz khux tvtsanc kuy ningkhvnc nuex, Yehowa rueq jungx tueq rulc rv-ngvlc Moshe nuiyc Arun kvjaz kuex hokhvmx waz rueq tay kuq muq.

DUNGWVNC 9:16

Kvkhoc ruez ruiux jix ngvy muingc jungc kuex mungkawx miqsaz lotlaz rueq khic wvnc tvkoc ngaz rueq mnoz kuex tvraungx taq vphaungx.

ISAIA 14:24

Tvphaungc Tvsuip Yehowa rueq tuemc tueq kuex, “Ngaz rueq dvnc shaungx kvkhoc yaungx wvnc tuex. Ngvy rueq shuimx shaungx ngoz tueq dvnc tauk yauk shuimc kuex yaungx wvnc tuex.

ISAIA 34:2

Yehowa kuex miq phvlx lotlaz nuiyc tsuingshiq nolaungx bix lotlaz muex thuinkhaq yaq. Vpiq rueq tsuingshiq kuex tvbac gay tvkoc htvp htaz taq tueq.

Romans 9:18

Kvkhoc rvtueq Tishox rueq menjenc kuq roc shuex waz muex menjenc kuq yaq; kvmaq thuinz tvtsanc kuy roc shuex waz muex tvtsanc kuq yaq.

TRI CHONGKE 2:30

“Yuq muinz Hokhvmx Sihon rueq naungshiq muex piq mungtan maq yanc wvnc tvkoc kuq muq. Yehowa nuimshiq Tishox rueq kvruex waz khux poz kuex tvtsanc kuy ningkhvnc nuex naungshiq rueq piq kuex khvt taungx gay ruiux piq mungtan kuex nyvlc lvp wvnc vtueq majuiuc raungnuiyq nuex httuiuc laz httax ngaungc vtix.

TRI CHONGKE 7:16

Yehowa nuimshiq Tishox rueq nuimshiq yauk nuex vlekuq miqphvnx httax yaq htenc kuex nuimshiq rueq tvbac gay rax, tsuingshiq muex menjenc mvy muq. Tsuingshiq tishox htenc kvruex nawk palx mvy muq, nawk palx ruiux yuq kuex nuimshiq tvkoc bix muex yaungx tuex.

PHOWEBI 14:4

Yehowa rueq Philistin miqsaz kuex khvt tvkoc lvmx puc thuiyx yaq kuex vnyuiuz nuiyc vwaz rueq tuiuz muq, kvruex yauk shuimc kuex Samson muex tvshuimc tvkoc Yehowa rueq shunshvlx yaq. Kvtanc jauz Philistin miqsaz rueq Israel miqsaz guimz yaq rvtueq.

1 SAMUEL 2:25

Miqsaz vdvmz dvmz mvrax yaq ruiux yuq, Tishox rueq tvguing lot ruiux yaq; yuq muinz Tishox muex yaq gay mvrax kuex uraq lac tvguing kuq lot shvnx?” ngoz tueq. Yuq muinz tsuinghez rueq vwaz kvjaz kuex tay muq ningkhvnc nuex tsuinghez kuex thvy gay tvkoc Yehowa rueq htvp htaz gay tueq.