JOSHUA 11:21 - Hawa Naga Bible 2001

²¹ Kvtanc jauz Yoshua kuex kaz vtueq Anakim ngoz tueq kvmuingc yaq miq htenc httax yaq kuz hong wawc muinz, Hebron, Debir, Anab ghaqyungx wawc muinz, Yuda nuiyc Israel kuz hong htenc wawc lotlaz muinz tvbac gay tueq. Tsuingshiq nuiyc tsuingshiq ghaqyungx htenc kuex Yoshua rueq tvmaq jup tvbac gay tueq.

ASII LAKDAP Bible (BSI)

²¹ Kra akhing na, Joshua ka kiraüta, maiq akhum jonghea hea phan Anakimnok, ku akin wang binjü na-- Hebron chela, Debir chela, Anab chela, kiimaq Juda mung nai Israil mung na ku akin wang binjü na shongtinok thun kra Joshua raq tsangshiq ka tiimiqchup jiipbaiqto. Kiimaq tsangshiq chela thun kiimin botkhulai rai shotlii shiithen baiqto.

JOSHUA 11:21 Referencias Cruzadas

JEREMIA 3:23

Kankhux poz htenc nuex nuiyshiq yac yuimx nawk palx wvnc tiq, kvruex nuiyshiq muex romc kuq muq. Israel tvkoc romc kuy kuex nuiyshiq Tishox Yehowa kox wawc dvyx lvp lot shix.

JEREMIA 9:23

Yehowa rueq, “Tharc httax yaq waz kuex miqmac taksux tharc nuex, hungc vlaungc httax yaq waz kuex miqmac hungc vlaungc nuex, luiz waungx jix kuex miqmac tsak vnyvmx nuex kvsomc parc aungx muq.

AMO LUIK DVP (AMOS) 2:9

“Yuq muinz, ngvy miqsaz htenc lex, ruenx pulx tanc khvnc luz vtueq khauk rauk pulx ikhoc hungc vlaungc httaz hvlc Amori miqsaz htenc kuex mnoz tvkoc nuex ngaz rueq dup suik tvbac gay tauk.

WEAWEA 13:33

Pinhtumc wvyungc wvloayc Anak suiuz vsaz htenc kvmuinz khiz shec tiq. Naungshiq kuex tsuingshiq muik lawc nuex kuphttek sahez ikhoc vkhuc sahez rvtiq, tsuingshiq kuex naungshiq rueq vlawc doc muinz khvmc miq,” ngoz tueq jungx wuez tueq.

TRI CHONGKE 1:28

Nuiyshiq kuex kvruex mungx kvyuq yvmx ngoz tueq tvkay lac? Nuiyshiq kuex kvhiz vtix. Nuiyshiq rueq tvkaz tiq jix rueq jungc kuex kvruex mungx wawc miq kuex naungshiq htauk nuex muinz hungc vlaungc httaz hvlc, vyungc vloayc muinz yungc loayc hvlc, tsuingshiq kuex raungx nuex kvhtuy laz vruk ghaqshungc mungx nuex httax yaq. Pinhtumc yungc loayc hvlc miq kuex khiz shec tueq,’ ngoz tueq nuimshiq rvjungc phvnc wuez vtuinx.

TRI CHONGKE 2:21

Tsuingshiq kuex Anakim phvnx ikhoc wvyungc wvloayc phvnx rvtueq. Tsuingshiq kuex miq paunghvlc nuiyc hungc vlaungc httaz hvlc phvnx rvtueq. Yuq muinz Yehowa rueq tsuingshiq kuex tvbac gay koq tueq Ammon phvnx rueq khvt gay ruiux kvyuq httaz shaungx maq httax tueq.

TRI CHONGKE 9:2

Miq htenc kuex vyungx vluz, hungc vlaungc httaz hvlc; tsuingshiq kuex wvyungc wvloayc ningkhvnc nuex ukhaq muinz tsuingshiq rulc rvlongx palx lot muq lvmx nuimshiq rueq tay tuit shex.

JOSHUA 10:42

Yoshua rueq hokhvmx bix htenc nuiyc kvruex hez mungtan htenc tvhttoarc vtueq khvt taungx gay tueq kuex, Yehowa Israel Tishox rueq Israel miqsaz muex khvt kuy ningkhvnc nuex rvtueq.

Revelation 6:2

Ngaz rueq lawc koq tueq mvre luiz vshiz khiz tauk. Mvre htauk nuex ngaungc yaq shvrvyx waz rueq laq shuimx yaq, piq muex khushec vshiz tvbuz kuq tueq. Piq kuex taungx wvnc vlvp wuez rvtueq rulc rv-ngvlc vtaungx gay muex kaz wvnc vtuex.

PHOWEBI 1:20

Moshe rueq nvr tueq rulc rv-ngvlc Kaleb muex Hebron ghaq kuex kuq tueq. Piq rueq Anak suiuz vsaz hez wawc waruiuz thuimx kuex yurc gay tueq.