DUNGWVNC 9:16 - ASII LAKDAP Bible (BSI)

¹⁶ Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

Hawa Naga Bible 2001

¹⁶ Kvkhoc ruez ruiux jix ngvy muingc jungc kuex mungkawx miqsaz lotlaz rueq khic wvnc tvkoc ngaz rueq mnoz kuex tvraungx taq vphaungx.

DUNGWVNC 9:16 Referencias Cruzadas

2 SAMUEL 7:23

Ümniiraq Israilnok ka maiqdisekong ma aja wa, tiichhiikuq wan laüta tsuq wan laü. Laüta tsangshiq ka ümsenginok miishe tiija wan laü. Tsangshiq tiichhii wan laü kiikhii ka mangjong hiq na maiq mung ahin ka ahü. Ümniiraq tsangshiq miitu jaqsham jonghea pinthum kiimaq awang chang pahea shamkuq wan laü thun kra tsütsa raq ümmang jong tsa ka mangjong hiq tlotli niishe nyam wanto. Ümsenginok raq maiq mung ahin thun khat wan wan sinkhu na wawan wan riitlaq kra phan phan, ümniiraq maiq mung ahin thun nai tsangshiq phra kong thun kra wiita jobaiq wan laü. Tsangshiq ka ümniiraq ümnaq rii, ümsengi ma dongdii nguta Ejip mung na dikong ma aja wa dokda wan laü.

2 HOKHVMX 19:35

Kra rawa liipan niili Tatiwe rase ashi ka Asiria phentiip kiijaq wato. Raüta phenlabi 185,000 tsat baiqto. Anap ranap chu maq liikiita, tsangshiq ka kiijaq wiita jiimbuq tsaito!

1 KAÜWA WERAÜ 16:24

Apaiq khushü jonglu mangjong tlotli na chiiriim lanta chong rong laq; apaiq raq ajong alu jaqsham wantaq kra maiq phan tlotli ma tiitai rong laq.

NEHEMIA 9:10

Ümniiraq Pharao khuthaq na, apaiq jaqthü wanti welabi khuthaq na, asengi mungmaiqse khuthaq na, awang chang jaqsham tiichhikuq wan laü. Jamkhano ngukla tsangshiq raq, ümsengi Israilnok ka pinthum, tiichamchao wanto nguta asap haü. Kra laüta ümkhushü tiijong laü ihata, kra ümkhushü jong ka ümchaü min asi.

Tvtsvmc 106:8

Shatmaq apaiq raq tsangshiq tiichhiikuqto akiqkham athü kriiphanphan, kriika apaiq ningkun jong tiichhi miitu.

Tvtsvmc 64:9

Tsangshiq tarü ahai she miraq, Shiikeawe raq jamlai jaq wa shamtaq kra tsangshiq raq mitiima kiimaq apaiq jaqshamtaq thun kra michong.

Tvtsvmc 76:10

Maiqse tsankhiq riika ümnaq tiitsamkam tiijong wan chang li saütlo; re jaqsong atiichongti raq ümnaq shomra poi thun kra milang wan.

DUNGWVNC 14:17

Ngi raq Ejip mungti tsantsii ka wanshak shak mitii tsin baiqha. Krai mren tsangshiq ka Israilnok jai ka mijo wan. Kiimaq Ngi raq hokhamwe nai asengi phenlabi, akumrang leng thun, kiimaq akumrang leng jiiqtibi thun kra mikhat ha, lata mitangha. Lata ikhushü mitiijongha.

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

DUNGWVNC 9:15

Kiimaq Ngi raq ijaq ka ra na dolata ümnaq nai ümsengi mungmaiqse ka tha tiidong lata tiijiimha jiika, namshiq ka chongthum mija han wa.

DUNGWVNC 9:17

Kra taü maq dongdii min, ümniika ümchaü niitaq ümngiim boqshat li sitlaü. Kiimaq isenginok ka tiiwa maü ningtang tlaü.

TAKSU LAK 16:4

Tatiwe raq, phanrap phansang wantaq ka, alam asi siisaq. Ashut maiqse kiimin, ashthenbaiq miitu phanto.

JEREMIA 32:20

Man na rathup rapha pat na, ümniiraq Ejip mung na awang chang nai amao chang pahea jaqsham laü. Kiimaq ümchaü ranaiq na saüli ümniiraq kriithun jaqsham ka sham ruqli shamtlaü. Arka Israil mung na nai pongmung thun na shamtlaü. Krai mren ümniika mangrap se raq sap wantlo.

EJEKIEL 39:21

Tatiwe raq nguto, “Ngi raq maiq mung thun ma i khushü jong ka mitiichhi kuqha. Kiimaq Ngi raq tingting khapho tri raütu ka ningkun aheng maq jamkho sham tiikang kra tsangshiq ma mitiichhikuqha.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

MALAKI 1:14

Jurwa anyamse kong wa, ahea awa nyamse ashi honglu na mikuq ha nguta, ngi ma kiqkham keje she taü maq, ara arot akiq laopha hupsam wa laplu raüta, kuq tlaq, kriiti miika, imanson homa klishe misi! Jamkhano ngukla, ngi ka ajong pinthum hokhamwe. Kiimaq ra raq aham mangjong maiqse kunli raq ngi ma haisong tsantsii rümtlo.”

WEAWEA 14:21

Shatmiitiina, Ngi raq ikiq kham lata toqtan tiikang, Ngi atra sitiikang kra phan phan kiimaq Ngi asi kharii raq mangjong hiq ara mashat wiiwii,

Romans 9:17

Riita, arkha miitiina, Shiikeawe raq Asii bomtsi na, Ejip mung hokham we ma, “Ngi raq ümniika hokham ma shong wan kang arka, ümniiliimaq, i ningkun jong nai i khushü jong ara, mangjong hiq tlotli na tiiphoi wan miitu tiina, shong wan kang,” nguta chongkuq wanto chhi tiikai.

Romans 9:22

Krai mren sii hali, Shiikeawe riimin maiqse ka phanrap na seng raüta tiipok wan tlo! Arka, Shiikeawe raq apaiq tsankhiq nai apaiq ningkun jong kra, tiichhi kuq wan tlaq kiijaq chhi wan tiikai. Arka, apaiq tsankhiq ka ümriiti khuthaq niiwa siwan tlaq, ümriiti wa chongthum walü maq tiikhiim chaq baiq wan chang sitlaq, kriiti thun miimin, apaiq riika, pinthum anin riiwan raüta, khebom wan tlo chhi wan tiikai.

JOSHUA 4:24

Arningkhan mangjong hiq na siti maiq tlotli raq, Tatiwe ningkun jonglu ka ümtinkhan wa kra misap wan. Kiimaq namshiq riimin Tatiwe namshiq Shiikeawe ka pattup pat-sa mishreng wan han.”

1 Peter 2:19

Namshiq raq kha ahü na chamchao tlan kra, Shiikeawe raq asap nguta nin han jiila, Shiikeawe raq namshiq ma achu shiiman mikuq.

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.

1 SAMUEL 4:8

Kra ningkun ajong hoti phra kong jaqkhon wa nashiq ka jurshe wa mitiichhiikuq? Tsangshiq ka kumtsainphii mung maq Ejip jiipbaiqti phra kong kata!