DUNGWVNC 9:16 - Hawa Naga Bible 2001

¹⁶ Kvkhoc ruez ruiux jix ngvy muingc jungc kuex mungkawx miqsaz lotlaz rueq khic wvnc tvkoc ngaz rueq mnoz kuex tvraungx taq vphaungx.

ASII LAKDAP Bible (BSI)

¹⁶ Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

DUNGWVNC 9:16 Referencias Cruzadas

2 SAMUEL 7:23

Mmiqsaz shauk tvyaungc muex ngoz tueq tsuingshiq kuex dax muex yaungx yaq wawc mnoz rueq palc wvnc toq, Israel rulc rv-ngvlc jix vganc phvnx kuex ghaq htauk vyuq httax muq. Tsuingshiq tvkoc mnoz rueq shuimx wvnc toq yunghvlc vwangc juing htenc kuex mungkawx lotlaz nuex mmuingc jungc kuex dung wvnc tueq shex. Mmiqsaz shauk tvyaungc muex ngoz tueq, Ejip mungx wawc mnoz rueq tvdung wvnc toq miq htenc kvtenc waung wvnc yaq kuex khiz vtueq, vganc phvnx htenc nuiyc tsuingshiq tishox htenc kuex mnoz rueq tvdung tuip gay toq.

2 HOKHVMX 19:35

Yehowa raungkamx waz kuex kvruex raungwvrx dvyx Asiria nolaungx bix jerak kvyuq kaz vtueq, nolaungx bix 185,000 kuex thvt gay tueq. Raungnvp kvyix raungwuix wvnc yaq nuex tsuingshiq lotlaz thueyc kaz tueq.

1 KAÜWA WERAÜ 16:24

Vpiq ngauz vngax miqphvnx muex, vpiq hungc vlaungc mvrc yaq kuex miq lotlaz muex jungx tvtay shuinz.

NEHEMIA 9:10

Mnoz rueq Hokhvmx waz muex muinz, piq miq vyungx vlaungx bix nuiyc mungx miqsaz htenc rueq mmiqsaz htenc kuex tuinghtuing ningkhvnc nuex, tsuingshiq muex mnoz rueq vkawc yawc vwangc juing htenc kuex tvkhic vtueq murx tvgurc toq. Mnoz kuex majuiuc raungnuiyq nuex httuiuc laz muingc dung yaq kuex rvhumc vtuiux.

Tvtsvmc 106:8

Yuq muinz vpiq rueq yunghvlc luimc vkawc kuex tvkhic kuy tvkoc bomkhvmc taq tueq rulc rv-ngvlc tsuingshiq kuex palc wvnc tueq.

Tvtsvmc 64:9

Tsuingshiq lotlaz hisungx vtueq; Tishox rueq yvmx lac shuimx wvnc tvnx lvmz tsuingshiq rueq rvwvl shuex nuiyc vpiq yauk shuimc lvmx htenc kuex jungphvnx wuez shuex.

Tvtsvmc 76:10

Miqsaz thuinkhvy kuex mnoz tvkoc pinhtumc tvtsvmc juing muex dvyx tvyaungc kuq yaq; ralx khvt nuex thueyc muq tvraungx kvjungx yaq htenc kuex mnoz rueq htvp htaz taq toq moalx htenc nuex vkoz vkez maq lomx lvp tuex.

DUNGWVNC 14:17

Ngaz rueq Ejip miqsaz khux pinhtumc tvtsanc kuy ningkhvnc nuex tsuingshiq rueq muinz Israel miqsaz yix kvyuq yurc shuex, ngaz rueq hokhvmx waz maq phaungc vtueq piq nolaungx bix, piq renc htenc nuiyc vruip jix htenc kuex taungx gay ningkhvnc nuex ngvy ngauz vngax dung wvnc tuex.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 18:11

Ejip miqsaz htenc rueq Israel miqsaz htenc muex kvkhoc wvlc guez waqguez ruez tueq nuex, vpiq rueq vkhoc shuimx wvnc tueq ningkhvnc nuex Yehowa kuex tishox htenc lotlaz htauk nuex pinhtumc vyungx yaungx yaq kuex majuiuc ngaz rueq tuiuz tauk shex,” ngoz tueq jungx tueq.

DUNGWVNC 9:15

Mkhoc shoc maq mnoz nuiyc mmiq htenc htauk nuex htaungc bac tvkop tvkoc ngvy yauk tvlanc ruiux yuq, nuimhez tvsawc ric tvbac gay rvhumc tuinx.

DUNGWVNC 9:17

Yuq muinz mnoz kuex mngamc boq vtueq ngvy miqsaz kuex tvkaz muq maq raz tueq tvlvlc hvt dvyx doc nyix.

TAKSU LAK 16:4

Yehowa rueq vtvdung sung phvnx lotlaz nuex vpiq kvmungx httax yaq; layx bac jix htenc vtvsuip yaungx wvnc yaq kuex vbac wvnc lvmx rvtueq.

JEREMIA 32:20

Mvnnuex jauz mnoz rueq Ejip mungx nuex vwangc juing nuiyc vyac kvtsuing rawx pungdungc htenc tvkhic toq, majuiuc raungnuiyq nuex httuiuc laz mnoz kuex tsuingshiq muex Israel mungx nuiyc vganc miqphvnx lotlaz hvl nuex tvhttoarc vtueq tvkhic vshuiux, kvkhoc rvtueq mnoz kuex majuiuc nuex httuiuc laz baung ruip saz nuex muingc dung yaq.

EJEKIEL 39:21

Yehowa rueq, “Miq phvnx htenc rueq ngvy ngauz vngax kuex khiz wuez shuex. Ngvy tvrac vlvmz phox shaungx kuex shuimc ruiux yuq ngvy luimc vkawc kuex yvmx khoc laz ruez shaungx lvmz kuex tsuingshiq rueq khiz shuex.

MALAKI 1:11

Mungkawx tvsuip baungshiz maq vganc baungshiz nuex httuiuc laz httax yaq miq htenc rueq ngaz muex tvtsanc nganc wuez yaq. Tsuingshiq rueq ngaz muex vhomc vtumc phvnx kuex baung ruip saz nuex jauk ruiux vraungc raq juing shomc nawk juing htenc shomc kuq yaq. Tsuingshiq lotlaz rueq ngaz muex tvtsanc nganc wuez yaq!

MALAKI 1:14

Miqmac khelbuenx kung nuex vmac vtsac vguez khelbuenx kuex vhttax rvyruiux ngaz muex rot kaq vtueq khuec guez nyvmx saz shomc nawk kuy jix waz kuex mvnhttonc rvhumc tuex! Yvmx khoc lac ngoz ruiux lec ngaz kuex yunghvlc hokhvmx rvtauk, miqphvnx lotlaz wawc miq htenc kuex ngaz muex hiyaz wuez yaq,” ngoz tueq jungx tueq.

WEAWEA 14:21

Ngaz kuex tvraungx httax vtueq ngvy ngauz vngax kuex mungkawx lotlaz nuex nyvmc yaq rulc rv-ngvlc,

Romans 9:17

Yvmx khoc lac ngoz ruiux lec Ejip hokhvmx waz muex, “Mnoz hokhvmx muex tvyaungc vphaungx lvmx kuex mhtauk maq ngvy luimc vkawc kuex tvkhic vtueq, mungkawx lotlaz nuex ngvy muingc jungc dung wvnc tvkoc rvtueq,” ngoz tueq Rumvrc luik nuex wuiyq shec tueq.

Romans 9:22

Tishox rueq muinz kvkhoc shuimx yaq. Vpiq rueq thuinkhvy tvkhic tvkoc nuiyc vpiq luimc vkawc kuex tvkhic kuy tvkoc thuinz httax yaq. Yuq muinz vpiq thuinkhvy ningkhvnc nuex bac wvnc rvhumc aungx yaq htenc kuex thuinz tvluz vtueq nanx kuq yaq.

JOSHUA 4:24

Yvmx khoc lac ngoz ruiux lec mungkawx miqsaz ruip rawx rueq Yehowa luimc vkawc mtanc khvnc lac yungx yaq nguinx lvmz kuex tuiuz wvnc vtueq, Yehowa nuimshiq Tishox muex mkaq muinz hiyaz tvtsanc nganc wvnc wuez shuex,” ngoz tueq jungx tueq.

1 Peter 2:19

Nuimshiq rueq Tishox thuinroc lvmx kuex tuiuz vshuinx ningkhvnc nuex nuimshiq rvhumc aungx muq vkuilc vdaz htenc kuex nanx lot ruiux yuq, Tishox rueq kvruex laung nuimshiq muex ruimruimx kuq kv-phuinx.

1 Peter 2:8

Kvmaq Rumvrc luik vganc nuex, “Vruex lung kuex miq htenc tvhtuip tvrul shuex, tsuingshiq kuex tvrul tvbunx gay juing lung muinz rvtueq,” ngoz tueq. Tsuingshiq kuex bomjungc kvmac kvmluimx muq ningkhvnc nuex kvhtuip rul wuez yaq; kvruex kuex tsuingshiq tvkoc Tishox thuinroc tvhungx rvtueq.

Jude 1:4

Yvmx khoc lac ngoz ruiux lec tvrac vguez miqsaz htenc kuex naungshiq kox nuex kvhelc muq vyumx maq nyuip wvnc wuez yaq, tsuingshiq kuex tsuingshiq piauc juing lvmx phvnx yaq vbac honc vyaungc htenc kuex tvguing lot tvkoc naungshiq Tishox kejux nuex seng yaq bomjungc kuex miqmac rueq vroc ruip rux gay dvyx muinz rvmuq, naungshiq nuex vshiz dvyx rvtueq Taungjix Yesu Christu kuex tvdux gay wuez tueq. Tsuingshiq rueq lvp wvnc tueq vphoc vthamc lvmz kuex mvnnuex tvluz nuex phuex Rumvrc luik htenc nuex jungx shec tueq.

1 SAMUEL 4:8

Ekvkhoc luimc vkawc httaz hvlc tishox htenc yauk wawc naungshiq kuex uraq lac palc wvnc phvnx? Kvruex tishox htenc kuex kumtsvy tvnx maq Ejip miqsaz htenc thvy gay jix rvtueq!