DUNGWVNC 9:15 - Hawa Naga Bible 2001

¹⁵ Mkhoc shoc maq mnoz nuiyc mmiq htenc htauk nuex htaungc bac tvkop tvkoc ngvy yauk tvlanc ruiux yuq, nuimhez tvsawc ric tvbac gay rvhumc tuinx.

ASII LAKDAP Bible (BSI)

¹⁵ Kiimaq Ngi raq ijaq ka ra na dolata ümnaq nai ümsengi mungmaiqse ka tha tiidong lata tiijiimha jiika, namshiq ka chongthum mija han wa.

DUNGWVNC 9:15 Referencias Cruzadas

2 SAMUEL 7:23

Mmiqsaz shauk tvyaungc muex ngoz tueq tsuingshiq kuex dax muex yaungx yaq wawc mnoz rueq palc wvnc toq, Israel rulc rv-ngvlc jix vganc phvnx kuex ghaq htauk vyuq httax muq. Tsuingshiq tvkoc mnoz rueq shuimx wvnc toq yunghvlc vwangc juing htenc kuex mungkawx lotlaz nuex mmuingc jungc kuex dung wvnc tueq shex. Mmiqsaz shauk tvyaungc muex ngoz tueq, Ejip mungx wawc mnoz rueq tvdung wvnc toq miq htenc kvtenc waung wvnc yaq kuex khiz vtueq, vganc phvnx htenc nuiyc tsuingshiq tishox htenc kuex mnoz rueq tvdung tuip gay toq.

1 HOKHVMX 13:34

Kvkhoc piq yaq tueq mvrax ningkhvnc nuex piq hokhvmx phvnx vmaq kuex tvbac gay ruiux taungx suimz nuex tvkaz gay tueq.

2 HOKHVMX 17:36

Luimc vkawc yunghvlc maq muinz, hungc vlaungc maq muinz Ejip mungx wawc nuimshiq shvlc wvnc jix ngaz Yehowa kvjaz kuex phvnc rax yaq; ngaz kuex nuimshiq rueq bumx vtueq nawk ruiux ngaz muex shomc nawk kuy shomc kuy rax.

2 HOKHVMX 19:35

Yehowa raungkamx waz kuex kvruex raungwvrx dvyx Asiria nolaungx bix jerak kvyuq kaz vtueq, nolaungx bix 185,000 kuex thvt gay tueq. Raungnvp kvyix raungwuix wvnc yaq nuex tsuingshiq lotlaz thueyc kaz tueq.

DUNGWVNC 14:28

Yuix kuex kvyez wvnc yek vtueq, svmuktvrax yuix nuex Israel miqsaz yurc lvy jix renc htenc, vruip jix htenc nuiyc Ejip nolaungx bix lotlaz kuex washiz muinz dung lvp muq, yuix nuex htuip wvnc wuez tueq.

DUNGWVNC 3:20

Yuq muinz ngvy luimc vkawc maq vhiz sungx juing htenc shuimx lvmz vtueq, Ejip mungx kuex murx tvgurc shaungx. Kvruex yimaq jix piq rueq nuimshiq kuex tvkaz shuex.

DUNGWVNC 9:14

Mungkawx vruex yuq ngaz vkhoc ukhaq muinz httax muq lvmz kuex mnoz rueq tuiuz tvkoc, majuiuc lauk kuex mmiq vyungx vlaungx bix nuiyc mmiqsaz htenc kvdvyx ngaz rueq murx tvgurc phaungx rvmuq.

DUNGWVNC 9:16

Kvkhoc ruez ruiux jix ngvy muingc jungc kuex mungkawx miqsaz lotlaz rueq khic wvnc tvkoc ngaz rueq mnoz kuex tvraungx taq vphaungx.

DUNGWVNC 9:3

Ngaz rueq nuimshiq mvre, loze, kamel, manx, khelbuenx nuiyc khelx htenc kuex bac hvlc vsulc maq tvthueyc gay shaungx.

DUNGWVNC 9:6

Nvp yix raungnuiyq Yehowa vpiq rueq jungx tueq rulc rv-ngvlc ruez koq tueq, Ejip nyvmx saz lotlaz thueyc kaz tueq, yuq muinz Israel nyvmx saz kuex kuiux shiz muinz thueyc muq.

TAKSU LAK 2:22

Yuq muinz Tishox rueq layx vbac miqsaz htenc kuex vruex ghaq vraungx vwawc yurc gay ruiux, mvrax lvp jix miqsaz htenc kuex httuingx ikhoc phiz gay shuex.