DUNGWVNC 9:17 - Hawa Naga Bible 2001

¹⁷ Yuq muinz mnoz kuex mngamc boq vtueq ngvy miqsaz kuex tvkaz muq maq raz tueq tvlvlc hvt dvyx doc nyix.

ASII LAKDAP Bible (BSI)

¹⁷ Kra taü maq dongdii min, ümniika ümchaü niitaq ümngiim boqshat li sitlaü. Kiimaq isenginok ka tiiwa maü ningtang tlaü.

DUNGWVNC 9:17 Referencias Cruzadas

YOBA 40:9

Mnoz kuex ngaz vkhoc hungc vlaungc httax yaq haz? Mnoz tvruingc kuex raungx muk yaq ngvy tvruingc ikhoc tsanz yaq haz?

YOBA 9:4

Tishox kuex phaqjic nuiyc luimc vkawc yunghvlc httax yaq; uraq muinz vpiq kuex khawx lot muq.

DUNGWVNC 9:16

Kvkhoc ruez ruiux jix ngvy muingc jungc kuex mungkawx miqsaz lotlaz rueq khic wvnc tvkoc ngaz rueq mnoz kuex tvraungx taq vphaungx.

DUNGWVNC 9:18

Invp raungnuiyq vtanc jauz Ejip mungx vyuq laukshiz muinz yunx muq tv-nguirx raungx kuex yunc hvlc tvyunc shaungx.

ISAIA 10:15

Yuq muinz Yehowa rueq, “Muingkix kuex vshuimc jix waz htauk nuex vyungx ngoz tueq kv-ngoc lot tuex haz? Luetluz kuex vgvnc jix waz htauk nuex muinz vkhek ngoz tueq kv-ngoc lot tuex haz? Wungc rawc rueq miq kuex tenz muq; miq rueq jix wungc rawc kuex tenz yaq,” ngoz tueq jungx tueq.

ISAIA 26:11

Mnoz rueq mralx hez muex murx tvgurc shuiux lvmz kuex tsuingshiq rueq tuiuz wuez muq. Yehowa lex, tsuingshiq kuex tvyvlc sac vtueq kuilc daz tvrvhumc shuiuz; mnoz rueq tvhungx toq murx kuex tsuingshiq muex tvgurc shuiuz. Mmiqsaz muex mnoz rueq mtanc lac lungwawx vshuiux lvmz kuex tsuingshiq muex tvkhic shuiuz.

ISAIA 37:29

Mthuinz khvy phuk yaq nuiyc mngamc boq vshuiux thaungc kuex ngaz rueq lvp tauk, majuiuc kuex mkhuiz maq waungx ruiux, mnuix nuex vphup juing htawc vtueq mnoz kaz toq lvmx kvmaq tvyek gay phaungx.”

ISAIA 45:9

Gvmlawx tuik rueq tuik lauz jix waz rulc vruex tuik kuex, vganc lotlaz rulc rv-ngvlc yaq haz ngoz tueq rv-ngoc khvmc yaq haz? Gvmlawx rueq tuik lauz jix waz muex mnoz rueq yvmx lac ruez vshuiux ngoz tueq wiz mvy yaq haz? Tuik rueq vlauz jix waz muex ngoc thenc muq ngoz tueq kvbot nyvnx mvy tuex haz?

EJEKIEL 28:6

“Kvkhoc rvtueq, vruex kuex ngaz, Johvlc Yehowa rueq jungx vshaungx rvtueq: mnoz kuex tishox vshiz ikhoc tuiuz thenc vshuiux ngoz tueq mnoz rueq tvmaung vshuiux ningkhvnc nuex,

DANIEL 5:20

Yuq muinz piq kuex ngamc vngax, khux tvtsanc vtueq nauc laq guirguenc ningkhvnc nuex piq hokhvmx daungraungc wawc tvdvy gay ruiux piq muex tvtsanc nganc muinz vguez shex.

Acts 12:23

Kvkaq dvyx Herod rueq Tishox muex tvtsanc nganc muq ningkhvnc nuex, Taungjix raungkamx waz rueq piq kuex tvrul gay ruiux vyung rueq phauk vtueq thueyc wvnc tueq.

1 Corinthians 10:22

Rvmuq ngoz ruiux naungshiq rueq Taungjix muex khelric tvbac haz roc vshix? Naungshiq kuex vpiq htauk nuex muinz hungc vlaungc httaz hvlc haz?