DUNGWVNC 4:21 - ASII LAKDAP Bible (BSI)

²¹ Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.

Hawa Naga Bible 2001

²¹ Kvruex yimaq muinz Yehowa rueq Moshe muex ngoc, “Mnoz majuiuc Ejip mungx nuex yek vtuiux ningkhvnc nuex, ngaz rueq mnoz muex kuq phaungx luimc vkawc maq hokhvmx waz khaungkac nuex vwangc juing yauk shuimc lotlaz kuex shuimx shuiuz. Yuq muinz ngaz rueq piq thuinz kuex tvtsanc kuy ningkhvnc nuex piq rueq Israel miqsaz kuex tvkaz shuex rvmuq.

DUNGWVNC 4:21 Referencias Cruzadas

RAPHA HIQWA LAK 6:3

Kiijiishe Tatiwe raq nguto, “Ngi raq maiqse ka pattup pat-sa tiisi mang. Tsangshiq ka atsaikaiti. Ümchaü miiphat sanha tsangshiq rilung ka wiishishi ri wiiroqnai thaq niika simak miraq.”

1 HOKHVMX 22:22

‘Jamkho milaü haü?’ nguta Tatiwe raq waito. Kiijiishe kra wenyi raq treto, ‘Ngi kilata Ahab shammibi kong kiima arot shammi bom mitiichongha.’ Kiijiishe Tatiwe raq nguto, ‘Kilaq. Laüta apaiq ka laükikiq. Ümniiraq apaiq ka milaolot haü.’”

Tvtsvmc 105:25

Apaiq raq Ejip mungti ma asenginok tiishusheto raüta ajaqshi se kong ka tlaophaqto.

Tvtsvmc 78:43

kiimaq apaiq raq ningkun ajong maq jaqshamtaq kiimaq amao chang jaqsham wantaq Ejip mung maq Joan tan thung maq klo wantaq kra laqbaiqto.

DUNGWVNC 10:1

Kiijiishe Tatiwe raq Mosheq ma chongto, “Walaq. Laüta hokhamwe rai riihum wakiq. Ngi raq apaiq nai asengi ajong alabi thun ka wanshak shak tiijabaiq kang. Arka Ngi raq ara awang chang thun ara tsangshiq phong na klo miitu.

DUNGWVNC 10:20

Shatmaq Tatiwe raq hokhamwe tsan ka wanshak shak li tiitsin baiqto. Kiimaq apaiq raq Israilnok ka tiiwa mak dea ningtang baiqto.

DUNGWVNC 10:27

Tatiwe raq hokhamwe tsantsii ka wanshak shak tiijabaiqto. Kiimaq apaiq raq tsangshiq ka tiiwa mak ningtang baiqto.

DUNGWVNC 11:10

Mosheq nai Aron raq arthun awang chang jaqsham ka hokhamwe makki na kloto. Shatmaq Tatiwe raq apaiq tsantsii ka wan shak shak tiitsin baiqto. Kiimaq apaiq raq Israilnok ka apaiq mungtan wa ahin na tlaü wan mak dea ningtangto.

DUNGWVNC 11:9

Tatiwe raq Mosheq ma nguto, “Hokhamwe raq ümbom ka taimak tlea ruqli miraq. Kriika Ngi raq Ejip mung na ijaq sham awang chang ka apapa shamnong miituli miraq.”

DUNGWVNC 14:17

Ngi raq Ejip mungti tsantsii ka wanshak shak mitii tsin baiqha. Krai mren tsangshiq ka Israilnok jai ka mijo wan. Kiimaq Ngi raq hokhamwe nai asengi phenlabi, akumrang leng thun, kiimaq akumrang leng jiiqtibi thun kra mikhat ha, lata mitangha. Lata ikhushü mitiijongha.

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 14:8

Tatiwe raq hokhamwe ka wanshak shak tiija baiqto. Kiimaq apaiq raq Israilnok ka johoto, Israilnok ka tang wan tlii laü wanto.

DUNGWVNC 3:19

Ngi raq asap-ha, Ejip mung hokhamwe ka ningkun maq tiichop hü maq namshiq ka tiiwa mak miraq.

DUNGWVNC 3:20

Shatmaq Ngi raq iningkun maq Ejip mung na phiiptsi chang thun jaqsham lata imo mitiihoha. Kra jai miitiq apaiq raq namshiq ka mitiiwa.

DUNGWVNC 7:13

Shatmaq, hokhamwe ka akhiismin mak riijap mak wanshak shak riito. Arka Tatiwe raq chongtaq kra phan phan lankito. Hokhamwe raq Mosheq nai Aron bom ka taimak riito.

DUNGWVNC 7:3

Shatmaq Ngi raq hokhamwe tsantsii ka wanshak lanlaqlaq mitiija baiqha. Kiimaq apaiq raq ümbom ka taimak miraq. Ngi raq Ejip mung na phiiptsi jiiptsi ümtinkhanli shamha jiimin taimak miraq. Kiijiishetiq Ngi raq Ejip mung ma imo ka hengbiti she mitiihoha. Lata Ngi raq isenginok maiq phan thun ka armung wa ahin na mitsuq wanha.

DUNGWVNC 8:11

Ümnaq, ümsengi ajong alabi thun, kiimaq ümsengi mungmaiqse ka makphang raq longliiq mak she miraq. Makphang ka tiisii rai she mitsuq baiq. Nail rai niili she mitiichong.”

DUNGWVNC 8:15

Kiimaq hokhamwe raq makphang thun jiimtaq kra chhito. Kiimaq apaiq ka wanshak shak hali tsinki nongto. Arka Tatiwe raq chongtaq kra phan phan wankito. Kiimaq hokhamwe raq Mosheq nai Aron bom ka taimak hali lanki nongto.

DUNGWVNC 8:32

Shatmaq arlak niimin hokhamwe ka wanshak shak hali ngiimkito. Kiimaq apaiq raq Israilnok ka tiiwa mak ningtangho nongto.

DUNGWVNC 9:12

Shatmaq Tatiwe raq hokhamwe tsantsii ka wanshak shak li tiija baiqto. Tatiwe raq chongtaq kra phan phan dea hokhamwe raq Mosheq nai Aron bom ka taimak tleato.

DUNGWVNC 9:35

Kiimaq Tatiwe raq Mosheq lümaq kongkhu miiphü tiithaitaq kra phan phan, hokhamwe raq Israilnok ka tiikimak ningtanghoto.

ISAIA 6:10

Kra nguraütiishe apaiq raq ngi ma chongto, “Arnok khutsai ka ahü ma tiijabaiqlaq. Tsangni ka biila miishe tiijabaiqlaq. Kiimaq tsangshiq mak ka makchuk ma tiijabaiqlaq. Kraimren tsangshiq raq chhimak she, kiimaq taimak she kiimaq takmak she mirlaq. Tsangshiq raq chhi raü jiika, tai raüjiika, takraü jiika iwokhong na miwa wan wa. Raüta tsangshiq ngarai tsi si ka atiihea mirkuqha wa.”

ISAIA 63:17

Naishiq ka üm lamphan wa jam nguto lamjiq na tiikibaiqho laü? Ümniiraq naishiq ka jam nguto nilannok ma tiijabaiq laüta, ümwokhong wa kinphai na tiidong baiqholaü? Ümniika jang wa nongkiq, ümnaq shiililiitibi kra miitu, kiimaq ümsenginok ümwokhong na wranaiqshe siwanti kra miitu.

John 12:40

“Shiikeawe raq tsangshiq mak ka atiichuk baiq wishe. Kiimaq tsangshiq tsii ka atiimo baiq wishe. Krai mren, tsangshiq riika chhi mak she. Kiimaq tsangshiq tsii ka tsang mak she. Kiimaq ngi raq tsangshiq tsii ka tiitsang kuq wan jiiq nguta, tsangshiq ka ngi phana wamak she, nguta Shiikeawe raq chongtlo.”

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

Romans 9:18

Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.

2 Corinthians 2:16

Ümriiti riiwa tsailam na kiho tlaq, kriiti miika, ara ahom tsang arka, maiq tsea baiq chang liipu ikha jaki tlo. Shatmaq, ümriiti riiwa tiichhii wan rilung lap wan tlaq, kriiti miika, amaa wa tsitsü tiijang wan chang homseng. Riita, ikha jiika, ara chongtiikai ningkun ajong jaqsham lotti arka juwiita?

TRI CHONGKE 2:36

Tatiwe nashiq Shiikeawe raq nashiq ma chela thun ka kunli Arnon raikii na sitlaq Aroar chela maq phawan laita, kra kin hea wea hiq thung tan mong na sitlaq chela kiina saüli kiimaq riita shekhu nü na Gilead wang na saüli khat laita jiiwankai. Nashiq raq khatlot mai chela peruk theahea ngutiika chela ashi min ahü riito.

JOSHUA 11:20

Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto.

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.