DUNGWVNC 4:21 - Hawa Naga Bible 2001

²¹ Kvruex yimaq muinz Yehowa rueq Moshe muex ngoc, “Mnoz majuiuc Ejip mungx nuex yek vtuiux ningkhvnc nuex, ngaz rueq mnoz muex kuq phaungx luimc vkawc maq hokhvmx waz khaungkac nuex vwangc juing yauk shuimc lotlaz kuex shuimx shuiuz. Yuq muinz ngaz rueq piq thuinz kuex tvtsanc kuy ningkhvnc nuex piq rueq Israel miqsaz kuex tvkaz shuex rvmuq.

ASII LAKDAP Bible (BSI)

²¹ Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.

DUNGWVNC 4:21 Referencias Cruzadas

RAPHA HIQWA LAK 6:3

Yehowa rueq, “Miq kuex vthueyc phvnx rvtueq, mkaq muinz rullungx tvraungx httaz tvkoc ngaz rueq kuq mauk. Majuiuc maq phaungc vtueq miq rullungx kuex wawc shashiz rac wawc roknueyc dvyx mruez kueq,” ngoz tueq jungx tueq.

1 HOKHVMX 22:22

Yehowa rueq, ‘Yvmx khoc lac lauc shuiux?’ ngoz tueq wiz yek tueq. Siyac rueq, ‘Ngaz kaz vtueq Ahab shvmmax bix lotlaz muex vrot bomc tvjungc shaungx,’ ngoz tueq tvralc tueq. Yehowa rueq, ‘Piq kuex lauc gay kaz kuiuz. Mnoz rueq taungx shuiuz,’” ngoz tueq jungx tueq.

Tvtsvmc 105:25

Vpiq rueq Ejip miqsaz phvnx htenc kuex vpiq miqsaz htenc rulc tvshuiuc pac vtueq, vpiq nvrc waz hez rulc vlauc vlawc yauk shuimc tvyaungc tueq.

Tvtsvmc 78:43

Ejip mungx Zoan yaruix rumz tvnx maq vpiq rueq pungx yauk shuimc htenc nuiyc vwangc juing vromz yac htenc tvkhic kuq wvnc tueq lvmx kuex tsuingshiq rueq lauk gay tueq.

DUNGWVNC 10:1

Kvruex yimaq Yehowa rueq Moshe muex ngoc, “Hokhvmx waz kox nuex rvhumc kaz kuiuz. Ngaz rueq piq nuiyc piq miq vyungx vlaungx bix khux tvtsanz kuq vtueq, ngaz rueq vwangc juing phvnx kuex tsuingshiq muex tvkhic shaungx,

DUNGWVNC 10:20

Yuq muinz Yehowa rueq hokhvmx waz khux tvtsanc kuy ningkhvnc nuex piq rueq Israel miqsaz kuex tvkaz muq rvlaq tueq.

DUNGWVNC 10:27

Yehowa rueq hokhvmx waz khux tvtsanc kuy ningkhvnc nuex tsuingshiq kuex tvkaz muq rvlaq yek tueq.

DUNGWVNC 11:10

Moshe nuiyc Arun rueq hokhvmx waz khaungkac nuex vwangc juing phvnx htenc tvkhic kuq koq muinz, Yehowa rueq piq thuinz tvtsanc kuy ningkhvnc nuex Israel miqsaz kuex piq mungtan wawc tvkaz muq rvlaq tueq.

DUNGWVNC 11:9

Yehowa rueq Moshe muex ngoc, “Ngaz rueq Ejip mungx nuex vwangc juing phvnx yauk shuimc htenc paunghvlc tvkhic kuy tvkoc hokhvmx waz rueq mkvjaz kuex tay kuq muq maq tvlvlc shuex,” ngoz tueq jungx tueq.

DUNGWVNC 14:17

Ngaz rueq Ejip miqsaz khux pinhtumc tvtsanc kuy ningkhvnc nuex tsuingshiq rueq muinz Israel miqsaz yix kvyuq yurc shuex, ngaz rueq hokhvmx waz maq phaungc vtueq piq nolaungx bix, piq renc htenc nuiyc vruip jix htenc kuex taungx gay ningkhvnc nuex ngvy ngauz vngax dung wvnc tuex.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 14:8

Yehowa rueq hokhvmx waz khux tvtsanc kuy ningkhvnc nuex piq rueq Israel miqsaz yix nuex yurc tueq, Israel miqsaz muinz hungc yungx laungc saz kaz wvnc wuez tueq.

DUNGWVNC 3:19

Ejip hokhvmx waz kuex hung vtueq tvgap kawx ruec guez maq nuimshiq kuex tvkaz kv-phuinx rvmuq ngaz rueq tuiuz yaq.

DUNGWVNC 3:20

Yuq muinz ngvy luimc vkawc maq vhiz sungx juing htenc shuimx lvmz vtueq, Ejip mungx kuex murx tvgurc shaungx. Kvruex yimaq jix piq rueq nuimshiq kuex tvkaz shuex.

DUNGWVNC 7:13

Yuq muinz Yehowa rueq jungx tueq rulc rv-ngvlc hokhvmx waz kuex thuinz tsanz vtueq, Moshe nuiyc Arun kvjaz kuex tay kuq muq.

DUNGWVNC 7:3

Yuq muinz hokhvmx waz thuinz kuex ngaz rueq tvtsanc kuq shaungx, ngaz rueq Ejip mungx nuex vhiz juing mtanc dvyx ruez ruiux muinz, mkvjaz kuex tay shuex rvmuq. Kvkaq ngaz rueq Ejip mungx nuex songhvlc murx yunghvlc kuex tvyaungc kuq vtueq, ngvy miqsaz phvnx vmaq htenc kuex kvruex mungx kvwawc tvdung wvnc shaungx.

DUNGWVNC 8:11

Lukburx htenc kuex mnoz nuiyc mmiq vyungx vlaungx bix nuiyc mmiqsaz htenc kox wawc tvsawc lvmz gay ruiux, Nile ruilx nuex dvyx shex httax tuex,” ngoz tueq jungx tueq.

DUNGWVNC 8:15

Hokhvmx waz rueq lukburx htenc thueyc kaz tueq kuex khiz vtueq, piq khux tvtsanz laq yek tueq, Yehowa rueq jungx tueq rulc rv-ngvlc Moshe nuiyc Arun kvjaz kuex hokhvmx waz rueq tay kuq muq.

DUNGWVNC 8:32

Yuq muinz vruex vkhing nuex httuiuc laz hokhvmx waz piq khux tvtsanc laq yek vtueq, miq htenc kuex tvkaz muq.

DUNGWVNC 9:12

Yuq muinz Yehowa rueq hokhvmx waz khux tvtsanc kuy ningkhvnc nuex, Yehowa rueq jungx tueq rulc rv-ngvlc Moshe nuiyc Arun kvjaz kuex hokhvmx waz rueq tay kuq muq.

DUNGWVNC 9:35

Yehowa rueq Moshe muex jungx tueq rulc rv-ngvlc hokhvmx rueq Israel miqsaz kuex tvkaz muq.

ISAIA 6:10

Kvruex yimaq vpiq rueq ngaz muex, “Miq htenc kvruex thuinz kuex tvbvruz tuz gay shuiuz, tsuinghez nac htenc tvbawx gay shuiuz, muik htenc tvmawz gay shuiuz, kvkaq tsuingshiq rueq khiz lot muq, tay lot muq nuiyc tuiuz muq rvshuex. Tsuingshiq kvkhoc yaungx wvnc ruiux yuq, tsuingshiq kuex ngvy kox nuex kvroz yek vtueq tvhvlc tvsawc kuy rvhumc tuex,” ngoz tueq jungx phuex.

ISAIA 63:17

Nuiyshiq kuex yvmx ngoz tueq lac mlvmx maq tvrv-phvlc wvnc vphux? Yvmx ngoz tueq lac nuiyshiq khux tvtsanz kuq ruiux mnoz kox maq tvyek wvnc vphux? Mnvrc waz ngoz yaq, mtsak mnyvmx kuex miq htenc laung nuex yek waung loq.

John 12:40

“Tsuingshiq muik htenc maq khiz lot ruiux tsuingshiq thuinz vmungx maq tuiuz lot ruiux doc muinz tsuingshiq kuex miqmac vthuiuz vsac mac vtsac hvlc kay tvkoc thuinz kvlayc wvnc wuez tuex. Kvkhoc rvtueq tsuingshiq muik kuex tvmawz kuq gay ruiux, thuinz vmungx kuex puingc kuq gay tauk ngoz tueq Tishox rueq jungx tueq,” ngoz tueq jungx tueq rulc rv-ngvlc tsuingshiq kvmluimx wuez muq.

Romans 1:28

Tsuingshiq rueq Tishox kuex wvlc guez waqguez tvyaungc gay ningkhvnc nuex Tishox rueq tsuingshiq kuex tvdux gay koq tueq, tsuingshiq rueq vlvmx tvmaung lot juing thuinz kuex vguez shex, shuimc mvy muq phvnx dvyx shex shuimx kaz wuez vshuex.

Romans 9:18

Kvkhoc rvtueq Tishox rueq menjenc kuq roc shuex waz muex menjenc kuq yaq; kvmaq thuinz tvtsanc kuy roc shuex waz muex tvtsanc kuq yaq.

2 Corinthians 2:16

Batac momaq kay jix htenc tvkoc kvruex vhomc kuex vthueyc rvyaq phvnx thuingc muex yaungx ruiux, palc daungc wvnc rvhumc jix htenc tvkoc kuex rullungx tvraungx wvnc juing vhomc vtumc muex yaungx yaq. Kvkhoc rvtueq vkhoc phvnx yauk shuimc kuex uraq lac shuimx lot shvnx?

TRI CHONGKE 2:36

Yehowa naungshiq Tishox rueq Aranon warc kawx nuex httax yaq Aroer ghaq nuiyc warc tvnx vmungx baung nuex httax yaq ghaqyungx maq phaungc vtueq, Gilead nuex httuiuc laz miqghaq htenc kuex naungshiq muex tvkhvt gay phuex. Mruex ghaq maq muinz naungshiq kuex tvgawx lot muq.

JOSHUA 11:20

Israel miqsaz muex khvt khvmc laz juing Yehowa rueq tsuingshiq muex tvhtvp htaz tueq. Kvkaq tsuingshiq kuex tvmaq jup tvbac gay tvkoc htvp htaz rvhumc vtueq, menjenc kuy thuinz vguez maq tsuingshiq lotlaz thvy gay rvhumc tueq. Vruex kuex Yehowa rueq Moshe muex nvr tueq rulc rv-ngvlc yaungx tueq.

1 Peter 2:8

Kvmaq Rumvrc luik vganc nuex, “Vruex lung kuex miq htenc tvhtuip tvrul shuex, tsuingshiq kuex tvrul tvbunx gay juing lung muinz rvtueq,” ngoz tueq. Tsuingshiq kuex bomjungc kvmac kvmluimx muq ningkhvnc nuex kvhtuip rul wuez yaq; kvruex kuex tsuingshiq tvkoc Tishox thuinroc tvhungx rvtueq.