Biblia Todo Logo
La Biblia Online
- Anuncios -




DUNGWVNC 4:22 - Hawa Naga Bible 2001

22 Kvruex yimaq mnoz rueq hokhvmx waz muex jungx shuiuz, Ngaz Yehowa rueq ngoc, ‘Israel miqsaz kuex ngvy saz pekhux rvtueq.

Ver Capítulo Copiar

ASII LAKDAP Bible (BSI)

22 Kra riihaüla, ümniiraq apaiq ma akha chongraatlo, Ngi, Tatiwe raq akha ngutiikang, ‘Israil ka ise chhikhuwe.

Ver Capítulo Copiar




DUNGWVNC 4:22
17 Referencias Cruzadas  

Ngaz rueq piq kuex isaz pekhux waz muex tvyaungc shaungx, hokhvmx lotlaz htauk nuex pinhtumc vyungx muex tvyaungc shaungx.


“Israel miqsaz kuex piq mungx wawc tvkay lvp tvkoc Ejip hokhvmx waz muex jungx shuiuz,” ngoz tueq jungx tueq.


Hokhvmx waz muex jungx shuiuz, ‘Hebre miqsaz htenc Yehowa Tishox rueq vpiq miqsaz kuex kumtsvy tvnx nuex vpiq muex nawk palx kay tvkoc ngaz muex tvjungx kaz phuex. Yuq muinz majuiuc nuex httuiuc laz mnoz rueq tay kuq muq.


Mnoz kuex nuiyshiq waz rvtoq. Nuiyshiq jix vwaz tamx Abraham nuiyc Yaku rueq doc muinz nuiyshiq kuex tuiuz muq, yuq muinz mnoz kuex Yehowa, nuiyshiq waz rvtoq, nuiyshiq kuex pattup tuimz guimz wvnc jix kuex mnoz dvyx rvtoq.


Yuq muinz mnoz kuex Yehowa nuiyshiq waz rvtoq. Nuiyshiq kuex gvmlawx ghaq ikhoc, mnoz kuex tuip lauz jix waz ikhoc rvtoq. Mnoz kuex nuiyshiq tvdungc sungc jix,


“Israel kuex dax rvmuq; piq kuex dax rueq vjawx muinz rvmuq. Kvkhoc rvyruiux ralx rueq yvmx ngoz tueq lac yurc lvp yaq nguinx?


Ngvy miqsaz htenc kuex vhtaq maq vkhoar yek wuez tuex; vjux thoz jix hez kuex ngaz rueq shvlx wvnc yek shaungx. Ngaz rueq yuix kawx lvmx maq kvhtuip kvluip vguez laz juing lvmx nyel jvt maq tsuingshiq kuex thuq wvnc shaungx. Ngaz kuex Israel muex vwaz rvtauk, Ephraim kuex isaz pekhux waz rvtueq,” ngoz tueq jungx tueq.


Yehowa rueq, “Israel kuex nosaz jauz, ngaz rueq piq kuex lungwawx vtueq isaz muex piq kuex Ejip mungx wawc gvl wvnc tauk.


Tvphaungc Tvsuip Yehowa rueq shomc waz bix muex, “Vsaz rueq vwaz tvtsanc nganc yaq, nvrc waz rueq jiyungx waz tvtsanc nganc yaq. Ngaz kuex m-waz rvtauk, yvmx ngoz tueq lac ngaz muex tvtsanc nganc muq? Ngaz kuex nuimshiq taungjix rvtauk, yvmx ngoz tueq lac tvtsanc nganc muit? Mnoz rueq ngaz kuex wvlc guez tvyaungc vphux, yuq muinz mnoz rueq, ‘Nuiyshiq rueq mnoz muex mkhoc lac wvlc guez tvyaungc vphix?’ ngoz tueq wiz vshuinx.


Herod thueyc kay nuex httuiuc laz kvruex mungx nuex dvyx httax tueq. Vruex kuex, “Isaz kuex Ejip mungx wawc ngaz rueq gvl tauk,” ngoz tueq shvmmax nuix maq Taungjix rueq vjungx kvjaz hungx wvnc laung nuex yaungx wvnc tueq lvmz rvtueq.


Tsuingshiq kuex Tishox miqsaz rvtueq, Tishox rueq tsuingshiq kuex vsaz hez ngoz tueq kvjungc ruiux, vpiq ngauz vngax kuex tvkhic vtueq nuiyc tsuingshiq rulc bomkhvrc taq ruiux Tvrac kuex kuq tueq. Tsuingshiq rueq tsuingrux nawk palx lvmx nuiyc Tishox bomkhvmc kuex lvp wvnc tueq.


Nuimshiq Waz muex ngaz yaungx vtueq nuimshiq kuex ngvy saz hez muex yaungx tuinx, ngoz tueq Tvphaungc Tvsuip Taungjix rueq jungx tueq.”


“Nuimshiq kuex Yehowa nuimshiq Tishox miqsaz htenc rvtuit. Kvkhoc rvtueq vthueyc kay jix waz tvkoc khoarnyerx wuez tuinx nuex vganc jix miq htenc ikhoc miqmac shauk vgvnz kuex nauk tvmac tsac kaz, khaungkuimx wawc khumul muinz nauk sulc kaz.


Miqyaq raz tueq tharc guez miqsaz lex, nuimshiq rueq Yehowa muex kvkhoc ruez kuq vshuinx kuex vlvmx haz? Vpiq kuex nuimshiq tvdungc sungc jix, nuimshiq waz rvtueq, vpiq rueq nuimshiq kuex miqphvnx vshiz muex tvyaungc kv-phuinx.


Nuimshiq kuex raungmungx wvlwvlc nuex lomx jix pekhux sahez vkoz vkez maq rvtuimx kvyuq httuiuc wvnc wuez vtuinx. Nuimshiq kuex miq lotlaz muex khac phoc kuy jix waz Tishox kox nuex muinz, tvhungx tvhtaungx rvhumc tueq tsuingrux jix htenc siyac kox nuex muinz httuiuc wvnc wuez vtuinx.


Vpiq rueq tvdung sung taq tueq lotlaz htauk nuex naungshiq kuex vphaungc baung lvp jix yaungc tvkoc vpiq thuinroc rulc rv-ngvlc tsuingrux bomjungc maq vpiq rueq naungshiq kuex tvdung sung taq phuex.


Síguenos en:

Anuncios


Anuncios


¡Síguenos en WhatsApp! Síguenos