JOSHUA 1:9 - ASII LAKDAP Bible (BSI) Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.” Hawa Naga Bible 2001 Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq. |
Tsan na tiitsang laq. Ngi ka ümniirai nong shiinong mirha. Kiimaq ümniika ümriiba niili khum haü jiimin tiikhup wong kuq shat mirha. Kiimaq Ngi raq ümniika armung na hali mitiijang sheaho nongha. Ngi raq ümniima kiqkham raüpot khakuq kang thun kra kunli miku piwan shaq wiiwii, Ngi raq ümniika thaq mang.”
Tatiwe ka Joseph rai asi. Kiimaq apaiq raq jamlai jaqwa shamtlaq kra wiita ong wan ruq riitlo. Apaiq ka atijongwe Ejipwe jam na sito.
Atijongwe raq Tatiwe ka Joseph rai asi nguta chhito. Kiimaq apaiq raq jamlai jaq wa shamtlaq kra phanrap na ong wan ruqli kra chhito.
Raüta apaiq raq ajaqshisetiim ma bom ka akha chongkuqto, “Liirong laq, athi ümtiikiiwa Amnon ka chephe makaiq she riijiiq, kra akhing na ngi raq namshiq ma, aming kuq phala, apaiq ka tiitsailaq tsatbaiq rongliijo. Naqhai rongkiq liijo. Ara mra ka ikhu thaq na. Srea nolabi ma jarong liijo. Naqhai rongkiq lii!”
Hokhamwe Dawit raq ase Solomon ma akha chongto, “Kamto maq silaq. Kiimaq pharangrang maq silaq. Laüta jaqsham ka phaho liishe. Krai mren jamlai phan miimin ümjaqsham ka naq tiibanbi kiq. Tatiwe Shiikeawe ngi raq shiililii tiikangwe ka ümniirai nongshnong miraq. Apaiq raq ümniika thaqbaiq mak. Ümniiraq ara Shomjam hai ara milot haüshaq wiiwii apaiq ka ümniirai kongshi maq misi wan.
Shatmaq namshiq ka ningkun shoq wiishoq maq shiikut ratlo. Tsaiji naq tran rongkiq. Namshiq raq jamlai jaq wa shamtlan kra miitu namshiq ma poksi mikuq.”
Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.
Israil lei, Tatiwe üm phansangtiwe raq akha ngutlo, “Naqhaikiq, Ngi raq ümnaq mitiichhii kang. Ngi raq ümniika üm mang chong lata heawan kang, ümniika Ngi rii.
Naqhaikiq, Ngi ümniirai asi! “Shedong mung luhea wa kiimaq shenyap mung luhea wa, Ngi raq ümnok ümta thun ka jam na mishea wanha.
“Mungmaiqse raq jamlai phan wa kiimungtlaq kriijaq naq pongdamkiq. Kiimaq tsangshiq ka jam khiinok mo haisongtlaq kriima naqhai songkiq.
Apaiq raq nguto, “Shiikeawe raq ümnaq lungwiitlo. Kra ningkhan ümniika jamlai miitu min naq chapa kiq. Kiimaq naqhai songkiq.” Apaiq raq ara ngojaishetiq, ngi raq ikhum na ningkun ka ahong lin she sapkang. Kiimaq apaiq ma akha ngukang, “Shiilangwe, ümniiraq ngi ma jamlai bom chongke chang wa kra chonglaq. Ümniiraq ngi ma ningkun min shoqkuq laü she. Ahea lin she.”
Shatmaq namshiq raq kra liilanta tsaiji ka naqtran rongkiq. Shomjam tiihea hai wan jaqsham kriili shiikut ruq ronglaq. Ngi ka namshiq rairai.
Man na namshiq Ejip mung wa laüwan lan akhing na, ngi ka namshiq rai pattup pat-sa adam siwanruq mirkang nguta kiqkham raü khakuq kang. Krai mren, ngi ka ümchaü min namshiq rai nongshnongli. Arningkhan namshiq naqhai rongkiq.
Kiijiishe, Petar nai Johan raq, “Shiikeawe maklii na, apaiq aming tai raüta si kra sha ahea miraq, sha namshiq aming kra tai raüta siraü wa ahea miraq, kriika namshiq welabi raq tri ka shin rong laq.
Mosheq raq Israilnok ma nguto, “Ümtiikiiwa namshiq ka rekhat kai kitlan, kiimaq renok kumrang leng phong nai kumrang kong phong ka michhihan kiimaq namshiq thaq na rewe phenlabi ka pahea michhi han, namshiq ka naq hai rongkiq. Tatiwe namshiq Shiikeawe namshiq ka Ejip mungwa tiichhii kewanti ka namshiq rai kongshi miraq.
Kiijiishe Tatiwe raq Nun se Joshua ma chongto, “Ümtsan na kamto maq silaq. Kiimaq jaq khon tiipha shatmaq silaq. Ümniiraq Israilnok ka Ngi raq tsangshiq ma mikuqha nguta kiq kham kuqkang mung na mishea wan haü. Kiimaq Ngi ka ümniirai lomdam shat mirha.”
Namshiq maiq phan thun khuthaq na welabi thun kra kiimaq siihiipbi thun kra, ana ikhaki na thung ronglaq. Krai mren, ngi raq arthun ara tsangshiq ma chong kuqpha. Ngi raq ra mungtan nai mangjong hiqkhu rakhu ka tsangshiq tiishutti ngi rai saqse ke wan damti ma tiichap tiikang.
Naishiq raq Mosheq aming wranaiqshe lang wan kai, kra phan phan ümnaq aming kiimin milang wan hai. Kiimaq üm Tatiwe Shiikeawe raq Mosheq ka jamkho apaiq rai napshat siwantaq, kiikhiisii ümniirai min misi laq.
Jurwa ümwokhong na simak, kiimaq ümnaq aming tlea tlaq, kriiti ka atsea baiq ratlo. Ningkun shoqwiishoq riilaq kiimaq srea nola ma jalaq!”
Kiijiishe Joshua raq asengi siihiipbi ma akha nguto, “Namshiq ka akhiisiimin naqhai rongkiq. Ningkun tiijom maimak. Ningkun shoqwiishoq ronglaq. Kiimaq srea nola jaronglaq. Jamkhano ngukla, Tatiwe raq, namshiq jaqtibi thun ka wiita akhiisii mikhat kuq.”
Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.”
Tatiwe raq Joshua ma nguto, “Ümchaü ranaiq ngi raq jamlai jaq wa shamtiikang, kra chhiraüta Israilnok raq ümniika ajong pinthum dea nguta mishreng phaho kiimaq tsangshiq raq, ngi ka Mosheq rai jamkho kongshi kiimshi maq sikang, kiikha ümniirai min sidam tiikang nguta misap.
Krai mren, Tatiwe ka Joshua rai lomshat riito. Kriikha maq, Joshua khushü jonglu ka mung tlotli na phoi wanto.
Kiijiishe Tatiwe raq Joshua ma chongto, “Naqhaikiq she. Kiimaq ümtsaiji akhiisii min naq trankiq. Srea nolabi ka wiita ümniirai shea laüta, Ai chela na walaq. Liilaq, ngi raq Ai chela hokhamwe ka asenginok rai achela ka kiimaq amung ka wiita ümjaq khon mong na kuqbaiq kang she.
Kiijiishe Tatiwe raq apaiq ma akha aming kuqto, “Walaq. Ümningkun ajong maq walaq. Laüta Israilnok ka Midiannok jaqkhon mong wa tiichhii laq. Ngi Tatiwe raq ümniika thaü tiikang.”
Riita, arthun bom arshe kuwan raüla, Shiikeawe raq ümniima jamlai jaqsham wa thaütlaq, kra asham nguli riilaq.