DANIEL 10:19 - ASII LAKDAP Bible (BSI)

¹⁹ Apaiq raq nguto, “Shiikeawe raq ümnaq lungwiitlo. Kra ningkhan ümniika jamlai miitu min naq chapa kiq. Kiimaq naqhai songkiq.” Apaiq raq ara ngojaishetiq, ngi raq ikhum na ningkun ka ahong lin she sapkang. Kiimaq apaiq ma akha ngukang, “Shiilangwe, ümniiraq ngi ma jamlai bom chongke chang wa kra chonglaq. Ümniiraq ngi ma ningkun min shoqkuq laü she. Ahea lin she.”

Hawa Naga Bible 2001

¹⁹ Piq rueq, “Tishox rueq mnoz lungwawx yaq, kvkhoc rvtueq mnoz muex yvmx muinz tvyonz yex muq, tvhiz sungx muq rvshuex,” ngoz tueq jungx tueq. Piq rueq kvkhoc jungx yaq nuex, ngaz nuex hunglaungc httax wvnc vtueq, “Jiyungx waz lex, mnoz rueq yvmx jungc juing lac ngaz muex jungx koq. Mnoz rueq ngaz muex tvhvlc kuq vphux,” ngoz tueq jungx tauk.

DANIEL 10:19 Referencias Cruzadas

Tvtsvmc 138:3

Ngi raq achu jaükang akhing na ümniiraq trelaü; ümningkun maq ümniiraq ngi ma ningkun shoqkuqlaü.

ISAIA 35:4

Tsaiji aranti loweatek ma akha chonglaq, “Ningkun shoq ronglaq, naqhai rongkiq! Shiikeawe ka namshiq tiichhiikai kitlo, namshiq jaqtinok ma mo tiihokai kitlo.”

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 41:14

Tatiwe raq ngutlo, “Ümniika aranse kiimaq ningkun ajom, Israil lei naqhaikiq, Ngi raq ümnaq mikhrumkang. Ngi ka, asii Israilnok Shiikeawe ahata ümnaq tiichhiiti.

DANIEL 10:18

Jangshi ri hali apaiq raq idü na shamsaq sham nongto. Kiimaq ngi miimin ikhum na iriika phanshi ahong lin lin she riito.

DANIEL 9:23

Ümtiikiiwa ümniiraq Shiikeawe ma tiipaiq nea wan laü, apaiq raq ümnaq achu jaü ka treto. Apaiq raq ümnaq lungwiitlo. Kra ningkhan ngi ka ümniipha na kra bomtre liichum kra chongkekai saükikang. Riita ümchaü min riisham bomtsi liichum kra chongpha samhea tiitsang tailaq.

HAGAI 2:4

Shatmaq namshiq raq kra liilanta tsaiji ka naqtran rongkiq. Shomjam tiihea hai wan jaqsham kriili shiikut ruq ronglaq. Ngi ka namshiq rairai.

JEKERIA 8:13

Juda nai Israil mungti lei! Man na richü pat na, maiq pongmungti nai pongmungti liipan na, atiitum ta raüjaq, ‘Ei, Juda nai Israil mungti ma jamkho chamchao riihumtaq, kiikhiisii ümnaq miimin misaü laq,’ nguta riisontlo. Shatmaq ngi raq namshiq kra mitiichhii kuq kang. Kiimaq kra pongmungti thun liipan na akha mirbom, ‘Ei, namshiq riimin la, ümchaü san Juda mungti nai Israil mungti raq jamkho achu shiiman lap wantlaq, kiikhiisii achu shiiman she lap wan han jaq ahea!’ nguta ramram bomtsi mirbom.”

JEKERIA 8:9

“Tsaiji tiijong lanta shiikut ronglaq! Shammibi raq Shomjam tiihea hai wan miitu khamshong wantaq akhing na chongtaq kra bomtsi kli ümchaü namshiq riimin taiwan tlan.

John 11:3

Tsangnai sinyi raq, Jesuq ma tsütsa ka akha tiichong kito, “Tatiwe, ümniiraq lungwii tlaü ümphuno we ira atsi.”

John 11:36

Kra chhi raüta, “Liimanta, apaiq raq apaiq ka pinthum mangchanto,” nguta tsangshiq ka riibomto.

John 11:5

Jesuq raq Martha nai ano nyung Meriq, kiimaq tsangno Lajaras ka kai mangchan hea riito.

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

John 19:26

Jesuq raq anyung nai ajaqshi se, apaiq raq kai lungwii tlaq se ka kiijaq chapraq raq chhito. Kra chhi raüta, “Apaiq ka ümse she,” nguta apaiq raq anyung ma chongkuqto.

John 21:20

Petar raq ajai nü na liikiita, ajaqshi se weshi, Jesuq raq pinthum lungwii hea we kriika, apaiq jai na awa rai chhito. Apaiq ka dungsea akhing na, Jesuq rai tiinapsaq na ngati we riito. Kiimaq Jesuq ma, “Tatiwe, ümnaq tiishaü wanti we ka juwa miraq?” nguta waiti we kra riito.

1 Corinthians 16:13

Tsii lam shatmaq si rong laq. Kamasham na pharangrang maq si ronglaq. Kamasham srea ma jaronglaq. Nola ma jaronglaq.

2 Corinthians 12:9

Shatmaq, apaiq raq akha ngutli treto, “Ngi raq ümnaq kaphap tiikang kriili ümniima mihong rai. Ara jamkhano chongtiikang ngukla, ümtiikiiwa ümniika ningkun ajom sitlaü, kiitiikaq ümkhum na i ningkun ka ajong riiwan tlo.” Krai mren, ngi ka i ningkun ajom maq siwan riiwe ka, tiishomra tiikang. Jesuq Khristo ningkun maq, ngi ara tiikhup wongke kra sap wanro tiikang.

Ephesians 6:10

Riita ümchaü sanha, bomshat wan na namshiq ma ara tsiichong kuq tiipha ara tai rong laq. Namshiq ka Tatiwe rai pumshi hanshi she tiipum tlan krai mren, apaiq ningkun kra lap lanta srea nolabi ma ja lanta sirong laq.

2 Timothy 2:1

Riita i se lei, Shiikeawe raq nashiq ma Khristo Jesuq pum lümaq kaphap mangchan jonghea kuqtaq kra wokhong maq, ümniika sreawe ashi ikha silaq.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.

PHOWEBI 6:23

Shatmaq Tatiwe raq apaiq ma nguto, “Hansang maq silaq! Naq haikiq. Ümniika tsai maü.”