DANIEL 10:20 - ASII LAKDAP Bible (BSI)

^20-21 Apaiq raq nguto, “Ngi ka ümphana jamlai miitu wa kikang kra asap haü sha? Arka Tengteng Lakdap na jamlai wa waiqthütaq kra ümniima tiichhikekai kikang. Ümchaü ngi ka ajang wan nongchang she. Lata Parsia mung liiti rase rai riikhat wan chang. Kra jai maq, Grik mung liiti rase kriishe misaüho. Ngi khrumti ka ahin jumin ahü, Israilnok liiti rase Maikel sitlaq kli.

Hawa Naga Bible 2001

^20-21 Piq rueq, “Ngaz mnoz kox nuex yvmx ngoz tueq lac waung raungx tuiuz vshuiux haz? Rvkhauk laz Luik dvp nuex yvmx lac wuiyq shec tvnx kuex mnoz muex jungx kuy tvkoc rvtueq. Majuiuc ngaz yek kaz ruiux Persia bvmc jix raungkamx waz kuex khvt juing. Kvruex yimaq Greek bvmc jix raungkamx waz kuex dung wvnc tuex. Israel bvmc jix raungkamx waz Michael maq lvy vtueq vganc uraq muinz ngaz muex romc kuq muq.

DANIEL 10:20 Referencias Cruzadas

EJRA 4:4

Kiijiishe, kiijaq siti mungmaiqse ahinti raq sanha Jehudinok kra nangnga Shomjam ka naq tiihea hairongkiq nguta tsaiji tran chang lam bom kra bomhoto. Kiimaq tsangshiq kriishe tiihai chhaihoto.

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

DANIEL 10:13

Ngi ka Parsia munglangti rase hokham raq, raroq nai ri ranaiqshi ningtang hoto. Kiijiishe ajong rasetiim phong wa maiqla ashi, Maikel ka ngi phana kiraüta khrum kuqto. Jamkhano ngukla ngi ka Parsia mung na, ngi laqlaqse lishe tiichong kikang.

DANIEL 7:6

Ngi raq kra liirea bala niili, ngamthaiqkaü ashi hali dong wan nongto. Kriika chiqwaiq kaü ikha. Shatmaq araikhü niika wushi rakong ikha, arakong blai asi. Kiimaq akhupo ka blai jong ri. Kiimaq apaiq miika arang akuq asi riito.

DANIEL 8:21

Kiimaq chhechhipongwe chhilaü kriika, Grik mungtan. Kiimaq amakpo wiinai liipan na arong ajong wiq ashi chhilaü kriika, Grik mung pengti aphashaqshaq hokhamwe kra.

Acts 12:23

Kiijiishe tiihanghiiq miili, Tatiwe rase raq apaiq ka tiikhiqlaq tsat baiqto. Apaiq ka Shiikeawe raq jamkhano tsatbaiqtaq ngukla apaiq kra khoti Shiikeawe ikha tiishom ra wanto. Kriikha na tsatbaiqto. Apaiq ka ajong ajii raq phaq raüta tsaito.