JOSHUA 1:8 - ASII LAKDAP Bible (BSI)

⁸ Ara Thungtri lakdap bomtsi arka ümnübok wa ümtiikiimin tiimobaiq maimak. Ümniiraq ara lakdap arka ranaiq rawa sidi phat ruq phat ratlo. Kra riihaü jiitiq, ümniiraq Thungtri na chongtlaq kra phan phan jaqkhon apha maq misham lot haü. Kra riihaü jiitiq ümniika phanrap na chiithe lüwa ma mija haü. Kiimaq phanrap na ongwan ruq mirhaü.

Hawa Naga Bible 2001

⁸ Nuimshiq rueq nawk palx ruiux yuq Tvrac luik dvp vruex mkaq muinz wvllawc rax. Kvruex luik dvp kuex raungnuiyq raungwvrx wvllawc vtueq, kvyuq wuiyq shec tueq phvnx ruip kuex mnoz rueq vsuingc suing phvnc rax tuex. Kvkhoc ngoz ruiux yuq jix mnoz kuex lot laungc yungx luz wvnc tuiux.

JOSHUA 1:8 Referencias Cruzadas

RAPHA HIQWA LAK 24:63

Apaiq ka raji rashe acha wan pha raü na wak ram na akhumsea kai kito. Kiimaq apaiq raq kumtsong kong ka awarai chhito.

2 KAÜWA WERAÜ 26:5

Apaiq ma kamasham na danhontiwe Jekeria ka atra sishat wiiwii apaiq raq Tatiwe ka tsapkap kap maq shiikum panto. Krai mren Shiikeawe raq apaiq ma shiiman kuqto.

Tvtsvmc 119:11

Ngi raq üm tri raütu imong jüna shaq thü tiikang, arka ngi raq ümmak liina ngarai tang mang miitu.

Tvtsvmc 119:15

Ngi raq ümtsiichong bomtsi thun ka aheawiq maq phattiikang; ngi raq ümniiraq ashrinkuqhaü bomtsi ka aheawiq maq siditiikang.

Tvtsvmc 119:97

Ngi raq ümtri ka pinthum lungwiitiikang! Ngi ka ranaiq minruru kra chechiipseali.

Tvtsvmc 119:99

Ngi raq shrabi tlotli thaq na apa saptiikang, jamkhano ngukla ngi raq ümtsii chong ka sidi lata sitiikang.

Tvtsvmc 19:14

Ibomtsi thun nai ngi tiima tsantsii thun ka ümniiraq taoli chang dea mirlaq, O, Tatiwe lei, ümniika ngi tiipaü chang kiimaq ngi dokdatiwe!

Tvtsvmc 40:10

Ngi raq tiichhii wan tsütsa ka itsan mong niili ka pangthü mang; Ngi raq ümnaq tsapkapkap jaqsham nai khrum kuqlaü thun ka chongkuq wan kang. Ümsengi mungmaiqse thungtlaq na ngi ka kaiqshak nga mang ümnaq kaphap ramram nai tiipit maü phan mang chan rümtlaü kra chongkang.

TAKSU LAK 3:1

Ise lei ngi ümwe bom chong naq laq kiq, ngi raq chong tiikang kra phanphan shamlaq.

ISAIA 59:21

Kiimaq ümchaü ka Ngi namshiq rai tongshong tiikang: Ngi raq namshiq ma iningkun tu kra kuq tiikang. Kiimaq iman phan ijüche ka namshiq miishe kuq tiikang. Arka pattup pat-sa namshiq miituli she miraq. Krai mren ümchaü ranaiq armiishe namshiq raq ibom taichang. Kiimaq namsetiim ma kiimaq namsaütiim ma shrinkuq ronglaq, tsangshiq raq Ngi raq akuqha aming thun ka pattup pat-sa lang raüta shong wan chang nguta.”

Matthew 12:35

Tsantsii asii rümti we riika, abom asa min aheawiq bom tlo. Maiq abi we riika, atsan tsii kiimin abi rüm tlo. Kra phan phan, abom asa kiimin abi ati li bom tlo.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Matthew 7:21

“Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Matthew 7:24

“Ara chongtiikang arkha maq, jurwa ara i bomchong ara lang wan tlaq, kriiti ka maiq atsiiwe raq, ajam ka longkaü longkaü wat raüta, jamkham shong raüta hai wan tlaq ikha miraq.

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

John 14:21

“Jurwa i bomchong aming ara thü raüta, lang wan tlaq, kriiti ka ngi lungwii wanti. Jurwa ngi lungwii tlaq, kriiti ka, i We riimin milungwii. Kriiti ka ngi riimin milungwii ha. Lata, i tsan i tsii ka apaiq ma mitiichhi kuq ha.”

Ephesians 4:29

Maiq tsan tiibi chang bomtsi ka, naq bom rongkiq she. Shatmaq, kongti tsaiji tiijong lu chang bomtsi, ahea awa kli bom ronglaq. Nambomtsi ka kongti tsan na washasha hea, kongti tiijong luwan chang bomtsi kli bom ronglaq.

TRI CHONGKE 29:8

Laita tsang mung ka jiiwankai. Laita kra mung hiq thun ka Reuben phan, kiimaq Gad phan, kiimaq Manase phan wa khoko kriima hiq ka pheakuq wankai.

TRI CHONGKE 29:9

Ara tongshong raütu bomtsi thun ka tsapkapkap maq lang ronglaq. Kra riihan jiitiq namshiq ka phanrap jaqsham kaiwa na ong wan ruq mi ong wan han.

TRI CHONGKE 30:14

Riimak, kiikhiika riimak. Arka arjaq ümniirai asi ahata. Ümniiraq asap haü kata. Kiimaq ümnümaq kra bomtsi ka mibliiq bom lot haü. Krai mren, ümchaü ümniiraq kra langlaq.

TRI CHONGKE 31:11

Arka Israilnok mungmaiqse ka Tatiwe üm Shiikeawe shomnoq kai atiitsang hiq ba na noqku lomkai kitlaq akhing na phat kuq laq.

TRI CHONGKE 31:24

Mosheq raq Shiikeawe thungtri ka lakdap ashi na waiqto. Apaiq raq kai tsapkapkap, bomtsi poshi min tiikhea mak maq waiq thüto.

TRI CHONGKE 5:1

Raüta Mosheq raq Israilnok ka kunli adam na triitam heato. Raüta tsangshiq ma akha chongkuqto, “Israilnok lei, ümchaü ranaiq ngi raq namshiq ma tri raütu thun kuq tiikang ara wiita tiitsang tai ronglaq. Kriithun ka saptsin ronglaq kiimaq tri wokhong na sironglaq.

TRI CHONGKE 5:29

Tsangshiq raq wranaiqshe akhiisii haisong tsantsii rüm raü ka ahea riichang! Tsangshiq raq Ngi ka wranaiq she akha anato raüta shreng raüka ahea riichang. Raüta Ngi raq akuqha aming thun kra lang raüta shong nga raüka ahea riichang. Kra nguraü ka tsangshiq ma phanrap na jamlai phan rongraa min ahü khusang rakhang maq mishong nga wan wa. Kiimaq tsangsaü tsangsetiim pat niimin pattup pat-sa ahea misi wan wa.

TRI CHONGKE 5:32

“Israilnok sing mungmaiqse lei, Tatiwe namshiq Shiikeawe raq aming kuqtaq thun kra kun kun lang lanta shong nga rong laq. Apaiq thungtri raütu thun kra loshi ra min naq jin rongkiq.

Colossians 3:16

Khristo tsütsa chiithe jong ümtinkhan wa sitlaq kriika, namshiq tsan nai mongjii na samhea wiq maq tiicham lili rong laq. Weshi raq weshi ma shrinkuq lanta sirong laq. Kiimaq sungkhu tsiilam ka taksma tsii ümtinkhan wa rüm tlan, kra khuthaq maq, riichong phan lanta sirong laq. Asii bomtsi na ashi lak sitlaq kriiwa shinge rong laq. Tsütsa shi ka shinge rong laq. Kiimaq asii shi ka shinge rong laq. Shiikeawe ma kechutum lanta shinge rong laq.

JOSHUA 1:7

Ningkun shoqwiishoq maq srea nola ma jalaq. Ijaqshise Mosheq raq ümniima Thungtri kuqtaq kra, samheawiq maq jaqkhon tiipha shat maq shamlaq. Thungtri aming ka poshi min naqjinkiq. Kra riihaüla, ümniika ümbano kitlaü phanrap na ongwan ruq mirhaü.

JOSHUA 8:34

Kiijiishe, Joshua raq Thungtri raütu thun ka wiita mungmaiqse ma tiihong raüta phatkuqto. Kra phat kuqtaq ka Thungtri lakdam na waiqtaq kra phanphan, ramram raütu nai manson raütu thun wiita nong nong phat kuqto.

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.