JOSHUA 1:7 - ASII LAKDAP Bible (BSI)

⁷ Ningkun shoqwiishoq maq srea nola ma jalaq. Ijaqshise Mosheq raq ümniima Thungtri kuqtaq kra, samheawiq maq jaqkhon tiipha shat maq shamlaq. Thungtri aming ka poshi min naqjinkiq. Kra riihaüla, ümniika ümbano kitlaü phanrap na ongwan ruq mirhaü.

Hawa Naga Bible 2001

⁷ Mthuinz maq htvp htaz vtueq vkhvmc thuinz httax kuiuz; ngvy nvrc waz Moshe rueq mnoz muex kuq kv-phux Tvrac htenc kuex tvkhvlc muq maq phvnx shuiuz. Kvruex tvrac vpvl vhtaq saz doc muinz wvlc guez nauk tvyaungc kaz; kvkhoc ruez ruiux yuq mnoz httuiuc wvnc tuiux ruip rawx nuex lot laungc kejux lvp wvnc shuiux.

JOSHUA 1:7 Referencias Cruzadas

1 HOKHVMX 2:2

“Ngi ma atsai wan akhing ka saüwato she. Ümniika ümtsan na kamto maq silaq. Kiimaq jaqsham ka pharangrang maq jaq khon tiipha tiipha maq shamlaq.

1 HOKHVMX 2:3

Kiimaq Tatiwe, üm Shiikeawe raq jamlai aming wa kuqtlaq kra shamlaq. Apaiq thungtri raütu thun nai apaiq aming thun ka Mosheq raq awaiq thü tri lakdap na sitlaq kra phanphan langlaq. Kriithun ka kun kun lang haü jiila, ümniika ümbano kitlaü kra kunli ongwan ruq mirhaü.

2 HOKHVMX 22:2

Josia raq Tatiwe tiichochi chang jaq shamto. Apaiq raq ati Hokhamwe Dawit jai phan phan jaqsham wanto. Kiimaq Shiikeawe thungtri raütu ka pinthum tingting maq stiq raüta langto.

1 KAÜWA WERAÜ 22:13

Riita, ija, ümniiraq Tatiwe raq Mosheq ma Israilnok mung miitu kuqtaq Tri raütu thun kra kunli lang laüta mung ka peng wan haüla, ümniiraq phanrap na kunli mi ong wan haü. Kra ningkhan ümniika jaqkhon tiipha laüta kiimaq kamto maq jaq ka sham laq. Kiimaq jamlai phan miimin naqhai song kiq.

2 KAÜWA WERAÜ 15:7

Shatmaq namshiq ka ningkun shoq wiishoq maq shiikut ratlo. Tsaiji naq tran rongkiq. Namshiq raq jamlai jaq wa shamtlan kra miitu namshiq ma poksi mikuq.”

2 KAÜWA WERAÜ 26:5

Apaiq ma kamasham na danhontiwe Jekeria ka atra sishat wiiwii apaiq raq Tatiwe ka tsapkap kap maq shiikum panto. Krai mren Shiikeawe raq apaiq ma shiiman kuqto.

YOBA 1:8

“Ümniiraq ijaqshi se Job ka chhi laü shea?” nguta Tatiwe raq waito. “Apaiq khan tsapkapkap kiimaq maiqshaq ka mangjong hiqrai khü na maiq ahin jumin ahü. Apaiq raq ngi shomnoqtlo kiimaq apaiq ka jamlai niimin ajiq klomak maq tsii lam shatmaq sitlo.”

Tvtsvmc 80:19

Naishiq ka tiijang shea wan nonglaq, Tati Ajong Pinthum Shiikeawe lei, Naishiq ma ümtiihang mangchan tiichhilaq; raüla naishiq ma hansang miraq.

TAKSU LAK 4:27

Abi jaq naq shamkiq: tingting lam ka phan laüta silaq. Tingting lam phan kiiwa, lamphai naq jin kiq.

TAKSU LAK 8:20

Ngi ka kechu lamphanti, ngi ka tingting tri raü shamti.

DANIEL 10:19

Apaiq raq nguto, “Shiikeawe raq ümnaq lungwiitlo. Kra ningkhan ümniika jamlai miitu min naq chapa kiq. Kiimaq naqhai songkiq.” Apaiq raq ara ngojaishetiq, ngi raq ikhum na ningkun ka ahong lin she sapkang. Kiimaq apaiq ma akha ngukang, “Shiilangwe, ümniiraq ngi ma jamlai bom chongke chang wa kra chonglaq. Ümniiraq ngi ma ningkun min shoqkuq laü she. Ahea lin she.”

WEAWEA 27:23

Tatiwe raq aming kuqtaq kra phan phan, Mosheq raq ajaq wiinai ka Joshua khupo na shamto. Raüta Joshua ka apaiq pumsongtiwe she nguta chiiriim raüta shongto.

TRI CHONGKE 11:8

“Ümchaü ranaiq ngi raq namshiq ma ümchuwa thungtri raütu thun kuqkang ara kunli lang ronglaq. Kra riihanla namshiq raq Jordan Rai ka mijin wan lot han. Lanta ümchaü namshiq wa wan tlan mung kra mijii wan lanlot han.

TRI CHONGKE 12:32

“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.

TRI CHONGKE 28:14

Shatmaq ümniiraq arthun aming arka phanshi ra niimin jin wan raa mak. Riimakla laihin sumla phra thun ka shomnoq kai mai mak kiimaq shiililiikai maimak.

TRI CHONGKE 29:8

Laita tsang mung ka jiiwankai. Laita kra mung hiq thun ka Reuben phan, kiimaq Gad phan, kiimaq Manase phan wa khoko kriima hiq ka pheakuq wankai.

TRI CHONGKE 29:9

Ara tongshong raütu bomtsi thun ka tsapkapkap maq lang ronglaq. Kra riihan jiitiq namshiq ka phanrap jaqsham kaiwa na ong wan ruq mi ong wan han.

TRI CHONGKE 31:7

Kiijiishe Mosheq raq Joshua ka heato. Raüta Israilnok mungmaiqse man na apaiq ma akha nguto, “Ümniika jaq khon tiipha tiipha laüta silaq. Kiimaq kamto maq silaq. Ümniiraq arnok ka shea wan laüta Tatiwe raq tsangtitiim ma mikuqha nguta kiqkham kuqtaq mung kra mijiiwan haü.

TRI CHONGKE 4:2

Ngi raq namshiq ma jamlai aming wa kuqtiikang arthaq na namshiq raq ahin naq tiitsuq rongkiq. Kiimaq arthun aming arwa poshi ra min naq lam baiq rongkiq. Ngi raq namshiq ma Tatiwe namshiq Shiikeawe aming thun kuqkang kra lang ronglaq.

TRI CHONGKE 5:32

“Israilnok sing mungmaiqse lei, Tatiwe namshiq Shiikeawe raq aming kuqtaq thun kra kun kun lang lanta shong nga rong laq. Apaiq thungtri raütu thun kra loshi ra min naq jin rongkiq.

JOSHUA 1:1

Tatiwe jaqshise Mosheq tsaikai jai, Tatiwe raq Mosheq khrumti Nan se Joshua ma chongto,

JOSHUA 1:8

Ara Thungtri lakdap bomtsi arka ümnübok wa ümtiikiimin tiimobaiq maimak. Ümniiraq ara lakdap arka ranaiq rawa sidi phat ruq phat ratlo. Kra riihaü jiitiq, ümniiraq Thungtri na chongtlaq kra phan phan jaqkhon apha maq misham lot haü. Kra riihaü jiitiq ümniika phanrap na chiithe lüwa ma mija haü. Kiimaq phanrap na ongwan ruq mirhaü.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

JOSHUA 11:15

Tatiwe raq ajaqshi se Mosheq ma aming thun ka kuqthüto; Mosheq raq kriithun ka Joshua ma kuqto; krai mren Joshua raq aming thun ka lang wanto. Tatiwe raq Mosheq ma aming ümchuwa kuqtaq kra, Joshua raq kunkun klo wanto.

JOSHUA 23:6

Arningkhan, Mosheq Thungtri lakdap na waiqtaq kra phan phan, aming ka lang ronglaq kiimaq phanrap jaqsham ka pinthum honkam shat sham ronglaq. Tri raütu ka ano anise dongdii min naq shishe rongkiq.