JOSHUA 1:7 - Hawa Naga Bible 2001

⁷ Mthuinz maq htvp htaz vtueq vkhvmc thuinz httax kuiuz; ngvy nvrc waz Moshe rueq mnoz muex kuq kv-phux Tvrac htenc kuex tvkhvlc muq maq phvnx shuiuz. Kvruex tvrac vpvl vhtaq saz doc muinz wvlc guez nauk tvyaungc kaz; kvkhoc ruez ruiux yuq mnoz httuiuc wvnc tuiux ruip rawx nuex lot laungc kejux lvp wvnc shuiux.

ASII LAKDAP Bible (BSI)

⁷ Ningkun shoqwiishoq maq srea nola ma jalaq. Ijaqshise Mosheq raq ümniima Thungtri kuqtaq kra, samheawiq maq jaqkhon tiipha shat maq shamlaq. Thungtri aming ka poshi min naqjinkiq. Kra riihaüla, ümniika ümbano kitlaü phanrap na ongwan ruq mirhaü.

JOSHUA 1:7 Referencias Cruzadas

1 HOKHVMX 2:2

“Ngaz kuex vthueyc jauz shex httuiuc wvnc vtuex. Kvkhoc rvtueq kvmluimx vtueq khvmc thuinz maq htvp htaz shuiuz,

1 HOKHVMX 2:3

Yehowa m-Tishox rueq mnoz muex nvr yaq kvruex shuimx shuiuz. Moshe Tvrac nuex wuiyq shec tueq rulc rv-ngvlc vpiq tvrac htenc nuiyc vpiq rueq nvr yaq htenc kuex phvnx shuiuz, ngoz ruiux jix mnoz khuemx shamx kaz tuiux baung ruip rawx nuex mnoz rueq shuimx lvmz shuiuz phvnx ruip saz kuex lvp luz wvnc shuiux.

2 HOKHVMX 22:2

Josia kuex Yehowa rueq raungc raq yaq yauk shuimc shuimx vtueq, piq jix vwaz Dawid layx kuex phvnx ruiux Tishox tvrac lotlaz kuex phaungx duing maq phvnx tueq.

1 KAÜWA WERAÜ 22:13

Yehowa rueq Israel miqsaz htenc tvkoc Moshe muex kuq shec tueq tvrac htenc kuex mnoz rueq phvnx ruiux yuq, mnoz rueq lotlaungc wvnc lvmz lvp shuiux. Thuinz tvtsanc tvyungc vtueq kvmx kuiuz, yvmx muinz nauk hiz kaz.

2 KAÜWA WERAÜ 15:7

Yuq muinz nuimshiq rueq hungc lvmz shuinz, thuinz nauk tvruinc kaz. Nuimshiq rueq shuimx shuinx rulc rv-ngvlc yauk mauk lvp shuinx,” ngoz tueq ramc jungx tueq.

2 KAÜWA WERAÜ 26:5

Nawk palx htungx nuex seng vtueq piq muex tharc jungc kuy jix Zecharia rullungx tvraungx wawwawx Yehowa muex tvmtuing maq nawk palx kuy ningkhvnc nuex Tishox rueq piq muex ruimrix kuq tueq.

YOBA 1:8

Yehowa rueq, “Ngvy nvrc waz Yoba kuex mnoz rueq tvtsuingc vshuiux haz? Piq kuex kvmluimx jix miq hvlx waz rvtueq, piq kvkhoc ghaq htauk nuex washiz muinz vguez. Piq rueq ngaz muex nawk palx kuq vtueq honc lvmz hvt maq layx bac yauk shuimc kuex yvmx muinz shuimx muq,” ngoz tueq jungx tueq.

Tvtsvmc 80:19

Yehowa Tvphaungc Tvsuip Tishox lex, nuiyshiq kuex tvyez shvlx wvnc yek koq. Mnoz rueq menjenc thuinz kuex nuiyshiq muex tvkhic kuq koq, ngoz ruiux nuiyshiq palc wvnc rvhumc tix.

TAKSU LAK 4:27

Honc vbac phvnx kuex koayc gay ruiux, lvmx tvlanx juit khuemx kuiuz. Vlvmx rvkhauk laz lvmx wawc khamshiz muinz nauk tv-phvyx kaz.

TAKSU LAK 8:20

Ngaz kuex tsuingrux lvmx nuex khuemx vtueq; tvrac vlvmz phox yaq lvmx nuex phvnx vshaungx.

DANIEL 10:19

Piq rueq, “Tishox rueq mnoz lungwawx yaq, kvkhoc rvtueq mnoz muex yvmx muinz tvyonz yex muq, tvhiz sungx muq rvshuex,” ngoz tueq jungx tueq. Piq rueq kvkhoc jungx yaq nuex, ngaz nuex hunglaungc httax wvnc vtueq, “Jiyungx waz lex, mnoz rueq yvmx jungc juing lac ngaz muex jungx koq. Mnoz rueq ngaz muex tvhvlc kuq vphux,” ngoz tueq jungx tauk.

WEAWEA 27:23

Kvruex yimaq Moshe kuex Yehowa rueq nvr tueq rulc rv-ngvlc Yoshua khux htauk nuex vyauk tvdaungc vtueq piq pumz httungx jix waz rvtueq lvmz kuex tvtay jungx tueq.

TRI CHONGKE 11:8

“Majuiuc raungnuiyq ngaz rueq jungphvnx kuq vphaungx tvrac htenc kuex phvnx wuez shuinz. Kvkhoc ngoz ruiux yuq jix nuimshiq rueq kvkox ral wawc mungx kuex khvt taungx wvnc lot shuinx.

TRI CHONGKE 12:32

“Nuimshiq muex ngaz rueq nvr vphaungx htenc kuex shuimx kaz wuez shuinz; tvrvp htawc muinz mvy muq, tvyomx gay muinz mvy muq.

TRI CHONGKE 28:14

Kvkhoc rvtueq nuimshiq rueq tvrac htenc kuex tvkhvlc muit maq phvnx ruiux, vganc tishox htenc kuex nawk palx mvy muq.

TRI CHONGKE 29:8

tsuingshiq mungx kuex lvp wvnc vtueq Ruben phvnx, Gad phvnx nuiyc Manase phvnx wawc kholak muex phvlx kuq tiq.

TRI CHONGKE 29:9

Nuimshiq rueq shuimx kaz shuinx ruip rawx nuex lot laungc wvnc tvkoc vruex bomkhvrc lotlaz kuex tvmtuing maq tay phvnx wvnc shuinx rvtueq.

TRI CHONGKE 31:7

Kvkaq Moshe rueq Yoshua kuex gvl vtueq Israel miqsaz lotlaz khaungkac nuex piq muex ngoc, “Mnoz kuex hungc vlaungc tvyungc ruiux, thuinz tvtsanc shuiuz; Yehowa rueq tsuingshiq jix vwaz tamx muex bomkhvmc vtaq shec mungx kvruex khvt lvp wvnc tvkoc mnoz rueq tsuinghez kuex shunshvlx shuiuz.

TRI CHONGKE 4:2

Ngaz rueq jungphvnx vphaungx htenc vyuq vjvt muinz mvy muq, tvyomx muinz mvy muq. Nuimshiq muex ngaz rueq kuq vphaungx Yehowa nuimshiq Tishox tvrac kuex phvnx wuez shuinz.

TRI CHONGKE 5:32

“Israel miqsaz lex, Yehowa nuimshiq Tishox rueq jungx yaq rulc rv-ngvlc phvnc rax. Vpiq tvrac htenc wawc yvmx yuq muinz yaq mvy muq.

JOSHUA 1:1

Yehowa nvrc waz Moshe thueyc kay yix maq, piq muex romc kuy jix Nun saz Yoshua rulx Yehowa kvjak tueq.

JOSHUA 1:8

Nuimshiq rueq nawk palx ruiux yuq Tvrac luik dvp vruex mkaq muinz wvllawc rax. Kvruex luik dvp kuex raungnuiyq raungwvrx wvllawc vtueq, kvyuq wuiyq shec tueq phvnx ruip kuex mnoz rueq vsuingc suing phvnc rax tuex. Kvkhoc ngoz ruiux yuq jix mnoz kuex lot laungc yungx luz wvnc tuiux.

JOSHUA 1:9

Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

JOSHUA 11:15

Yehowa rueq vpiq nvrc waz Moshe muex nvr tueq rulc rv-ngvlc, Moshe rueq Yoshua muex tvlvy kuq shec tueq, Yoshua rueq muinz kvrulc rv-ngvlc phvnx tueq. Yehowa rueq Moshe muex nvr tueq phvnx ruip saz kuex piq rueq shuimx tueq.

JOSHUA 23:6

Kvkhoc rvtueq Moshe Tvrac luik dvp nuex wuiyq shec tueq phvnx ruip saz kuex honc lvmz hvt maq tay phvnx wuez shuinz. Mkhoc phvnx tvrac pvl yuq muinz wvlc guez muex nauk tvyaungc kaz,