JOSHUA 1:6 - Hawa Naga Bible 2001

⁶ Mthuinz maq htvp htaz vtueq vkhvmc thuinz httax kuiuz, ngaz rueq tsuingshiq jix vwaz muex bomkhvmc taq tauk mungtan kuex tsuingshiq rueq guimz lvp wvnc shuex nuex, mnoz kuex miq htenc kvmac vyungx yaungx tuiux.

ASII LAKDAP Bible (BSI)

⁶ Ningkun shoqwiishoq maq srea nola ma jalaq. Ümwokhong maq tsangshiq shea laüta, ngi raq tsangtitiim ma kiq akhamkuqha, ara mung ara mijii wan han. Lanta misiq wan han.

JOSHUA 1:6 Referencias Cruzadas

RAPHA HIQWA LAK 12:7

Yehowa kuex Abram muex kvkhic kaz vtueq piq muex ngoc, “Vruex mungx kuex msuiuz msaz hez muex ngaz rueq kuq phaungx,” ngoz tueq jungx tueq. Kvkaq Abram rueq piq muex shvmx kvkhic kaz tueq Yehowa tvkoc kvruex baung kvyuq shomrawx tvhungx tueq.

RAPHA HIQWA LAK 26:3

Majuiuc httax vtuiux vyuq lawx httax kuiuz, ngaz kuex mnoz rulc vdvmz httax vtueq ruimrix kuq phaungx. Vruex hong lotlaz kuex mnoz muex nuiyc msuiuz msaz htenc muex ngaz rueq kuq phaungx. M-waz Abraham muex ngaz rueq bomkhvmc kuq tauk rulc rv-ngvlc ngaz rueq ruez shaungx.

2 SAMUEL 10:12

Hungc tsvnc vtueq khvmc wuez shuinz! Naungshiq miqsaz tvkoc nuiyc naungshiq Tishox ghaqyungx htenc tvkoc nuex phaungx duing maq khvt wuez ix. Yehowa thuinroc m-yaungx wvnc kueq!” ngoz tueq jungx tueq.

1 HOKHVMX 2:2

“Ngaz kuex vthueyc jauz shex httuiuc wvnc vtuex. Kvkhoc rvtueq kvmluimx vtueq khvmc thuinz maq htvp htaz shuiuz,

1 KAÜWA WERAÜ 22:13

Yehowa rueq Israel miqsaz htenc tvkoc Moshe muex kuq shec tueq tvrac htenc kuex mnoz rueq phvnx ruiux yuq, mnoz rueq lotlaungc wvnc lvmz lvp shuiux. Thuinz tvtsanc tvyungc vtueq kvmx kuiuz, yvmx muinz nauk hiz kaz.

1 KAÜWA WERAÜ 28:10

Vpiq vsawc Shomc Yuimx kuex guirc tvkoc Yehowa rueq mnoz kuex thvl wvnc kv-phux lvmz mnoz rueq tuiuz vshuiux. Majuiuc kvruex shuimx shuiuz shex, kvruex thuinz tvtsanc vtueq shuimx shuiuz,” ngoz tueq jungx tueq.

1 KAÜWA WERAÜ 28:20

Hokhvmx Dawid rueq vsaz Solomon muex ngoc, “Tvluimc vtueq thuinz tvtsanc shuiuz. Yauk shuimc phaungc shuiuz, yvmx rueq muinz mnoz muex nauk tuingshaung kaz. Ngaz rueq nawk palx vshaungx Yehowa Tishox kuex mnoz rulc vdvmz httax tuex. Vpiq rueq mnoz kuex tuip gay kv-phux rvmuq, vpiq Shomc Yuimx guirc yauk shuimc tvlot laz vpiq kuex mnoz rulc vdvmz httax tuex.

2 KAÜWA WERAÜ 15:7

Yuq muinz nuimshiq rueq hungc lvmz shuinz, thuinz nauk tvruinc kaz. Nuimshiq rueq shuimx shuinx rulc rv-ngvlc yauk mauk lvp shuinx,” ngoz tueq ramc jungx tueq.

2 KAÜWA WERAÜ 20:11

Tsuingshiq kuex mnoz rueq nuiyshiq muex kuq phux vruex mungtan vwawc nuiyshiq kuex yurc gay tvkoc kaz wuez yaq, kvruex kuex nuiyshiq muex tvyez tuimc kuy ikhoc maq nuiyshiq kuex yurc gay kay kaz yaq.

2 KAÜWA WERAÜ 20:7

Mnoz kuex nuiyshiq Tishox rvtoq. Mmiqsaz Israel kuex vruex mungtan vyuq luiuz wvnc tueq nuex, ghaqshungc httax jix miq htenc kuex yurc gay ruiux, mungtan kuex mkungjix waz Abraham suiuz vsaz hez muex pattup tsuingshiq mungtan tvyaungc tvkoc mnoz rueq kuq toq.

Tvtsvmc 27:14

Yehowa muex tvluimc shuinz. Kvmluimx wuez kuinz, thuinz nauk tvbac kaz. Yehowa muex tvluimc wuez shuinz.

DANIEL 10:19

Piq rueq, “Tishox rueq mnoz lungwawx yaq, kvkhoc rvtueq mnoz muex yvmx muinz tvyonz yex muq, tvhiz sungx muq rvshuex,” ngoz tueq jungx tueq. Piq rueq kvkhoc jungx yaq nuex, ngaz nuex hunglaungc httax wvnc vtueq, “Jiyungx waz lex, mnoz rueq yvmx jungc juing lac ngaz muex jungx koq. Mnoz rueq ngaz muex tvhvlc kuq vphux,” ngoz tueq jungx tauk.

HAGAI 2:4

Yuq muinz majuiuc kuex nuimshiq thuinz nauk tvruinc kaz. Ngaz kuex nuimshiq rulc vdvmz httax vtaungx ningkhvnc nuex miqmac rueq shuimc juing yauk shuimc kuex shuimc wuez shuinz.

JEKERIA 8:9

“Khvmc thuinz httax kuinz! Majuiuc nuimshiq rueq tay vshuinx kvjaz htenc kuex ngvy Shomc Yuimx guirc yek tvkoc htungyaz tv-phaungx tvjvp phaungc wvnc tueq jauz nuex shvmmax bix rueq jungphvnx wvnc tueq kvjaz htenc dvyx rvtueq.

WEAWEA 26:53

“Waruiuz wawc miq muingc wvlc vpaung vthvp kvruex tv-phvnc mungtan kuex phvlx kuq shuiuz.

WEAWEA 33:53

Ngaz rueq kvruex mungx kuex nuimshiq muex kuq phaungx ningkhvnc nuex nuimshiq rueq kvruex mungx kuex khvt taungx gay ruiux kvyuq httaz shaungx httax ngaungc wuez rax.

1 Corinthians 16:13

Honc lvmz hvt rvshuinz, nuimshiq kvmluimx lvmx nuex phaungx duingduing jvp wuez kuinz, khvmc thuinz httax wuez kuinz, hungc vlaungc httax wuez kuinz.

Ephesians 6:10

Ngaz rueq vtvsuip jungx tvtay roc, nuimshiq kuex Taungjix rulc vshiz dvyx yaungx vtueq vpiq ngauz vngax luimc vkawc maq nuimshiq hungc vlaungc kuex tvhungc wuez shuinz.

TRI CHONGKE 1:8

Nuimshiq jix vwaz tamx Abraham, Esak, Yaku maq phaungc vtueq tsuingshiq suiuz vsaz phvnx muex vruex hong htenc lotlaz kuq phaungx ngoz tueq, ngaz Yehowa rueq bomkhvmc kuq shec tauk, nuimshiq kaz vtueq lvp taq shuinz,’ ngoz tueq,” ngoz tueq jungx tueq.

TRI CHONGKE 11:8

“Majuiuc raungnuiyq ngaz rueq jungphvnx kuq vphaungx tvrac htenc kuex phvnx wuez shuinz. Kvkhoc ngoz ruiux yuq jix nuimshiq rueq kvkox ral wawc mungx kuex khvt taungx wvnc lot shuinx.

TRI CHONGKE 31:23

Kvruex yimaq Yehowa rueq Nun saz Yoshua muex ngoc, “Hungc vlaungc tvyungc vtueq thuinz tvtsanc shuiuz. Mnoz rueq Israel miqsaz kuex shvlx vtueq ngaz rueq bomkhvmc vkuq mungx kvyuq kay rax, ngaz kuex mnoz rulc vdvmz httax taungx,” ngoz tueq jungx tueq.

2 Timothy 2:1

Isaz lex, mnoz tvkoc kuex naungshiq Christu Yesu rulc vshiz dvyx yaungx vtueq rullungx tvraungx ningkhvnc nuex lvp wvnc toq kejux nuex hungc vlaungc tvhttax shuiuz.

JOSHUA 1:18

Mnoz vrangx vpangx kuex wiz ruiux mnoz rueq nvr shuiux kuex kvjaz kuex tay phvnx muq waz ukhaq yuq muinz vthvy gay rvhumc tuex. Kvkhoc rvtueq mthuinz maq htvp htaz vtueq kvmx kuiuz!” ngoz tueq jungx tueq.

JOSHUA 1:7

Mthuinz maq htvp htaz vtueq vkhvmc thuinz httax kuiuz; ngvy nvrc waz Moshe rueq mnoz muex kuq kv-phux Tvrac htenc kuex tvkhvlc muq maq phvnx shuiuz. Kvruex tvrac vpvl vhtaq saz doc muinz wvlc guez nauk tvyaungc kaz; kvkhoc ruez ruiux yuq mnoz httuiuc wvnc tuiux ruip rawx nuex lot laungc kejux lvp wvnc shuiux.

JOSHUA 1:9

Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

JOSHUA 10:25

Kvruex yimaq Yoshua rueq piq vyungx vlaungx bix muex ngoc, “Nauk hiz kaz, thuinz nauk tvbac kaz. Yehowa rueq nuimshiq ralx htenc lotlaz kuex kvkhoc ruez gay shuex ningkhvnc nuex thuinz tvyungc vtueq khvmc thuinz httax wuez kuinz,” ngoz tueq jungx tueq.

JOSHUA 13:6

Lebanon Kanx htenc maq Misrephot Maim hvl nuex httax yaq kuz ghaq wawc miq wvyvmc rvtueq, Sidon miqsaz ghaqphux lotlaz lomx yaq. Israel miqsaz kvtenc waung wvnc ruiux yuq, kvruex miq htenc kuex ngaz rueq yurc gay shaungx. Ngaz rueq mnoz muex nvr phaungx rulc rv-ngvlc Israel miqsaz muex ghaqphux htenc kuex phvlc kuy rax.

JOSHUA 18:3

Kvkhoc rvtueq Yoshua rueq Israel miqsaz muex ngoc, “Yehowa nuimshiq jix vwaz tamx Tishox rueq nuimshiq muex kuq kv-phuinx ghaq kuex guimz kaz muit maq mtanc nuex httuiuc laz lac bvmc shuinx.

JOSHUA 21:43

Ekvkhoc rvtueq tsuingshiq muex vpiq rueq kuq phaungx ngoz tueq tsuingshiq jix vwaz tamx muex khvmc kuq tueq mungtan lotlaz Israel miqsaz muex Yehowa rueq kuq tueq, kvruex tsuingshiq rueq lvp wvnc vtueq kvyuq httax wuez yaq.

1 SAMUEL 4:9

Philistin miqsaz lex, shvrvyx httax wuez kuinz! Miqwaz kv-ngoc laz khvt shuinz, kvkhoc ruez miq ngoz ruiux kuex tsuingshiq kuex naungshiq dax muex yaungx wvnc tueq ikhoc, naungshiq muinz Hebre miqsaz dax muex yaungx wvnc khiq. Kvkhoc rvtueq miqwaz kv-ngoc laz khvt shuinz!” ngoz tueq jungx tueq.