JOSHUA 1:5 - Hawa Naga Bible 2001

⁵ Yoshua lex, mrullungx tvraungx wawwawx uraq muinz mnoz kuex tvgawx lot kv-phux rvmuq. Ngaz kuex Moshe rulc vdvmz httax tauk ikhoc mnoz rulc muinz vdvmz httax taungx. Ngaz kuex mkaq muinz mnoz rulc vdvmz nuex httax taungx, ngaz rueq mnoz kuex tuip gay mauk.

ASII LAKDAP Bible (BSI)

⁵ Joshua lei, ümrilung pattup ümniika chiq nai re riimin khatlot mak miraq. Ngi ka Mosheq rai jamkho adam siwan kang, kiikha ümniirai min adam maq pong dam lata misi kang. Ngi ka ümniirai riinap shat miili misi kang. Ngi raq ümniika ümtiikiimin tiishaü mang.

JOSHUA 1:5 Referencias Cruzadas

RAPHA HIQWA LAK 39:2

Yehowa kuex Yosep rulc vdvmz httaz ningkhvnc nuex piq rueq kvmungx shuimx lvmx yaq ruip rawx lvp luz taungx yaq. Piq kuex vjiyungx waz Ejip miqsaz yuimx nuex httax tueq,

1 HOKHVMX 1:37

Yehowa kuex Taungjix hokhvmx waz rulc vdvmz httax yaq kvkhoc Solomon rulc muinz vdvmz httax vtueq, piq rueq guimz lawc shuex kuex mnoz hoc nuex ngaungc toq htauk nuex muinz vyungx vluz mtvrungx wanx kuq shueq,” ngoz tueq tvralc tueq.

1 HOKHVMX 11:38

Ngvy kvjaz kuex mnoz rueq tvlot laz phvnx vtueq ngvy tvrac htenc nuex rvwak httax ruiux, ngvy khaungkac nuex tsuingrux yauk shuimc vtueq ngvy nvrc waz Dawid rueq shuimc kaz tueq rulc rv-ngvlc ngaz rueq nvr shaungx kuex shuimx kaz ruiux yuq, ngaz kuex mnoz rulc vdvmz nuex mkaq muinz httax taungx. Ngaz rueq mnoz kuex Israel hokhvmx muex tvyaungc ruiux, Dawid muex ngaz rueq ruez kuq tauk ikhoc mnoz yix nuex muinz msuiuz msaz hez rueq vsuingc suing guimz lawc wvnc shuex.

1 HOKHVMX 6:13

Mnoz rueq guirx vshuiux Shomc Yuimx vyuq ngvy miqsaz Israel rulc vdvmz nuex httax taungx, tsuingshiq kuex mkaq muinz ngaz rueq httvr gay shaungx rvmuq,” ngoz tueq jungx tueq.

1 HOKHVMX 8:57

Naungshiq jix vwaz tamx rulc vdvmz nuex vpiq httax wvnc tueq ikhoc Yehowa naungshiq Tishox muinz naungshiq rulc vdvmz nuex mhttax kueq; vpiq rueq naungshiq kuex mkaq muinz gay shec muq, tuip gay muq mruez phueq;

1 KAÜWA WERAÜ 28:20

Hokhvmx Dawid rueq vsaz Solomon muex ngoc, “Tvluimc vtueq thuinz tvtsanc shuiuz. Yauk shuimc phaungc shuiuz, yvmx rueq muinz mnoz muex nauk tuingshaung kaz. Ngaz rueq nawk palx vshaungx Yehowa Tishox kuex mnoz rulc vdvmz httax tuex. Vpiq rueq mnoz kuex tuip gay kv-phux rvmuq, vpiq Shomc Yuimx guirc yauk shuimc tvlot laz vpiq kuex mnoz rulc vdvmz httax tuex.

Tvtsvmc 46:11

Tvphaungc Tvsuip Yehowa kuex naungshiq rulc vdvmz httax yaq; Yaku Tishox kuex naungshiq kvwungx juing rvtueq.

DUNGWVNC 3:12

Tishox rueq, “Ngaz kuex mnoz rulc vdvmz httax taungx, mnoz rueq miq htenc kuex Ejip mungx wawc tvdung shvlx wvnc vtueq, vruex kanx vmaq ngaz muex nawk palx kuq phuinx. Vruex kuex ngaz rueq mnoz tvkaz phaungx lvmz hakhix rvtuex,” ngoz tueq jungx tueq.

ISAIA 42:16

“Muik mawz jix ngvy miqsaz htenc kuex tsuingshiq mkaq muinz khuemx muq shauk lvmx maq shvlx wvnc shaungx. Ngaz rueq tsuingshiq raungx nyauk kuex raungwuic tvyaungc ruiux yvnc khurx ghaqkhvt mungx kuex tsuingshiq mvnz nuex tvhvlc tvraz gay shaungx. Kvruex kuex ngvy bomkhvmc htenc rvtueq, ngaz rueq kvruex htenc kuex tvkhvlc mauk maq tvhungx shaungx.

JEREMIA 1:8

Tsuingshiq muex nauk hiz kaz, ngaz rueq mnoz muex tvkhup wungx kuy tvkoc mnoz rulc vdvmz httax taungx. Ngaz, Yehowa kvjaz rvtueq!” ngoz tueq jungx tueq.

DANIEL 11:16

Khvt nyuip wvnc yaq Siria waz kuex piq thuinroc rulc rv-ngvlc, vtuing vshaung rvhumc muq buk wvnc shuex. Piq kuex Bomkhvmc Mungtan nuex jvp vtueq piq luimc vkawc maq kvruex tvsawc ric guimz wvnc shuex.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Romans 8:31

Kvkhoc ngoz ruiux kuex vtanc khvnc maq lawc vtueq naungshiq rueq yvmx jungc lot juing lac? Tishox kuex naungshiq kox nuex httax ruiux yuq, uraq lac naungshiq kuex khawx lvlx gay lot phvnx?

Romans 8:37

Naungshiq kuex tv-phvlc lot muq kvruex kvdvyx muinz rvmuq, naungshiq rvhumc wvnc juing lvmx phvnx ruip saz nuex seng vtueq, naungshiq lungwawc jix waz maq pinhtumc lotlaungc wvnc jix htenc rvtiq.

TRI CHONGKE 20:1

“Nuimshiq rueq ralx kuex lung ruiux yuq, nuimshiq htauk nuex muinz paunghvlc renc maq, mvre maq, yaz sawx maq khvt jix ralx daungx rulc rvhumc tuinx nuex nauk hiz wuez kaz. Nuimshiq kuex Ejip mungx wawc palc wvnc jix Yehowa nuimshiq Tishox kuex nuimshiq rulc vdvmz nuex httax tuex.

TRI CHONGKE 20:4

Yehowa nuimshiq Tishox kuex nuimshiq rulc vdvmz kaz naungx vtueq, nuimshiq muex ralx kuex tvtaungx kv-phuinx,’ ngoz tueq nolaungx bix muex hungc vlaungc kuy kvjaz jungx kuy rax.

TRI CHONGKE 31:23

Kvruex yimaq Yehowa rueq Nun saz Yoshua muex ngoc, “Hungc vlaungc tvyungc vtueq thuinz tvtsanc shuiuz. Mnoz rueq Israel miqsaz kuex shvlx vtueq ngaz rueq bomkhvmc vkuq mungx kvyuq kay rax, ngaz kuex mnoz rulc vdvmz httax taungx,” ngoz tueq jungx tueq.

TRI CHONGKE 4:31

Vpiq kuex menjenc kuq yaq Tishox rvtueq. Vpiq rueq nuimshiq kuex tvbac gay muq, tuip gay muq, vpiq pumz maq nuimshiq jix vwaz tamx rulc vtaq bomkhvrc kvmuinz lauk gay muq.

TRI CHONGKE 7:24

Vpiq rueq tsuingshiq hokhvmx htenc kuex nuimshiq yauk nuex lekuq kv-phuinx. Nuimshiq rueq kvruex hokhvmx htenc kuex thvt gay ruiux, tsuingshiq kuex miq rueq rvwvl tvmaung yek shuex rvmuq shex. Yvmx ralx rueq muinz nuimshiq kuex gawx lot muq; nuimshiq rueq ralx lotlaz kuex tvbac gay wuez shuinx.

2 Timothy 4:17

Yuq muinz Taungjix kuex ngaz rulc vdvmz httax vtueq ngaz muex hungc vlaungc kuy ningkhvnc nuex, ngaz rueq Pungnuk miqsaz lotlaz rueq tay lvp laz juing bomjungc kuex hungx laz htaungx laz mjungx phvnx kuq shueq; vthvy gay muex htvp htaz rvhumc tauk wawc palc rvhumc tauk.

Hebrews 13:5

Nuimshiq kuex kuimphox luekshawx muex nauk rvnphvnx kaz. Lvp luz shuinx tanc khvnc maq thuinhvlx wuez kuinz. Yvmx khoc lac ngoz ruiux lec Tishox rueq, “Ngaz rueq mnoz kuex mkaq muinz gay shec mauk, ngaz rueq mnoz kuex mkaq muinz httvr gay mauk,” ngoz tueq jungx tueq.

JOSHUA 1:17

Nuiyshiq rueq Moshe kvjaz mkaq muinz tay wvnc tiq ikhoc mkvjaz muinz tay wuez shix, Yehowa Tishox kuex Moshe rulc vdvmz httax wvnc tueq ikhoc mnoz rulc muinz vdvmz nuex mhttax kueq!

JOSHUA 1:9

Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

JOSHUA 10:8

Yehowa rueq Yoshua muex ngoc, “Tsuinghez muex nauk hiz kaz. Ngaz rueq tsuinghez kuex mnoz muex tvtaungx gay vphaungx. Uraq muinz mnoz kuex tvgawx lot muq,” ngoz tueq jungx tueq.

JOSHUA 21:44

Tsuingshiq jix vwaz tamx muex bomkhvmc kuq tueq rulc rv-ngvlc wvmungx tuimx nuex nomic httaz muex Yehowa rueq tsuingshiq muex kuq tueq. Yehowa rueq Israel miqsaz ralx lotlaz kuex tvtaungx gay ningkhvnc nuex ralx lotlaz kuex vshiz raung muinz kvtenc jvp lot muq.

JOSHUA 3:7

Yehowa rueq Yoshua muex ngoc, “Ngaz kuex Moshe rulc vdvmz httax tauk ikhoc mnoz rulc muinz vdvmz nuex httax vtaungx kuex tsuingshiq rueq tuiuz wvnc lvp laz juing, majuiuc raungnuiyq ngaz rueq mnoz kuex Israel miqsaz lotlaz htumc nuex miq yunghvlc washiz ikhoc tvtsanc nganc vphaungx.

JOSHUA 6:27

Yehowa kuex Yoshua rulc vdvmz httax yaq ningkhvnc nuex piq muingc jungc kuex wvmungx tuimx nuex yungx wvnc tueq.

PHOWEBI 2:18

Yehowa rueq Israel miqsaz shunshvlc jix vyungx vlaungx washiz kuq shuex ruip rawx, Yehowa kuex kvruex waz rullungx wvlex piq muex romc kuq vtueq, ralx htenc yauk wawc miq htenc kuex palc wvnc ruiux shuex. Tsuingshiq rvhumc yaq kuilc daz jamjaux nuiyc tuinghtuing rvhumc vtueq kvbot nyvnx wuez yaq ningkhvnc nuex Yehowa rueq tsuingshiq muex menjenc kuq tueq.

PHOWEBI 6:16

Yehowa rueq, “Ngaz rueq mnoz muex romc kuq phaungx mnoz rueq kvruex shuimx lot shuiux. Mnoz rueq tsuingshiq kuex miq washiz ikhoc Median miqsaz htenc kuex yoalx rek rek dvyx rop gay lot shuiux,” ngoz tueq tvralc tueq.

1 SAMUEL 10:7

Ekvkhoc yaungx wvnc ruiux yuq, Tishox rueq mnoz muex tvshuimc yaq phvnx yvmx yuq muinz shuimx kaz shuiuz.