JOSHUA 1:5 - ASII LAKDAP Bible (BSI)

⁵ Joshua lei, ümrilung pattup ümniika chiq nai re riimin khatlot mak miraq. Ngi ka Mosheq rai jamkho adam siwan kang, kiikha ümniirai min adam maq pong dam lata misi kang. Ngi ka ümniirai riinap shat miili misi kang. Ngi raq ümniika ümtiikiimin tiishaü mang.

Hawa Naga Bible 2001

⁵ Yoshua lex, mrullungx tvraungx wawwawx uraq muinz mnoz kuex tvgawx lot kv-phux rvmuq. Ngaz kuex Moshe rulc vdvmz httax tauk ikhoc mnoz rulc muinz vdvmz httax taungx. Ngaz kuex mkaq muinz mnoz rulc vdvmz nuex httax taungx, ngaz rueq mnoz kuex tuip gay mauk.

JOSHUA 1:5 Referencias Cruzadas

RAPHA HIQWA LAK 39:2

Tatiwe ka Joseph rai asi. Kiimaq apaiq raq jamlai jaqwa shamtlaq kra wiita ong wan ruq riitlo. Apaiq ka atijongwe Ejipwe jam na sito.

1 HOKHVMX 1:37

Riita Tatiwe ka, Chaü lei, ümniirai jamkho adam maq sitaq, kiikhiisii hali Solomon rai min misilaq. Raüta apaiq raq mung pengtlaq kra ümniiraq peng wan laü kriithaq niimin achan ajonglin miishe mija wanlaq.”

1 HOKHVMX 11:38

Kiimaq ümniiraq Ngi tri raütu thun nai aming thun ka phaqchii nichii maq tai laüta, kunkun lang wan laüta siwan haüla, laüta ijaqshise Dawit raq Ngi raq achongchong kra phan phan jaq shamwantaq kiikha sham wan haüla, Ngi ka wranaiqshe ümniirai adam misiha. Ngi raq ümniika Israil mung thaq na hokham ma mithü wanha. Kiimaq ngi raq ümlai ümla phan ka ümnaq tsai jai niimin mung peng wan miitu hokham ma mishong wanha. Arka Ngi raq ijaqshise Dawit ma jamkho kuq wan kang kiikha mikuq wanha.

1 HOKHVMX 6:13

Ngi ka isenginok Israilnok rai ara ümniiraq ahai haü Shomjam mong na misi damha. Krai mren Ngi raq tsangshiq ka ümtiikii jiimin miimbaiq mang she mirha.”

1 HOKHVMX 8:57

Riita ümchaü min Tatiwe nashiq Shiikeawe ka natitiim pat na tsangshiq rai adam siwantaq kiikha, nashiq rai min adam she dea misilaq. Apaiq raq nashiq ka ümtiikiimin miim thümak she mirlaq. Riimakla nashiq ka ümtiikiimin tiishaübaiq mak she mirlaq.

1 KAÜWA WERAÜ 28:20

Hokhamwe Dawit raq ase Solomon ma akha chongto, “Kamto maq silaq. Kiimaq pharangrang maq silaq. Laüta jaqsham ka phaho liishe. Krai mren jamlai phan miimin ümjaqsham ka naq tiibanbi kiq. Tatiwe Shiikeawe ngi raq shiililii tiikangwe ka ümniirai nongshnong miraq. Apaiq raq ümniika thaqbaiq mak. Ümniiraq ara Shomjam hai ara milot haüshaq wiiwii apaiq ka ümniirai kongshi maq misi wan.

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

ISAIA 42:16

“Ngi raq isengi makchukti thun mishun sheaha, tsangshiq raq jangshi min khum mak lam thun maq. Ngi raq tsangshiq ranyaq ka rawü ma mitiijaha, kiimaq tsangshiq khaki na rumtang lam thun ka, nyeadang danghea mitan kuqha. Arthun ara ikiqkham raüpot, kiimaq bom poshi min tiikhoi mang maq mitiiku wanha.

JEREMIA 1:8

Ümniika tsangshiq ma naqhaikiq. Ngi ka ümnaq tiiwongke ümniirai nongshnong misiha. Ngi Tatiwe raq ngutiikang!”

DANIEL 11:16

Kra akhing na Siria mung wa aki nolawe raq tsangshiq khuthaq na jamlai klo wa rotlaq kra phanphan hok maq nishishi li she mishthen baiq wan. Apaiq tangtati ka jumin ahü she miraq. Apaiq ka Kiq Akhamkuq Mung kiijaq michap. Raüta kra mung ka ajaqkhon mong niishe mithü wan.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

Romans 8:37

Shatmaq, arthun chong kai chamchao litkot wa nai kham arthun arka, nashiq raq, nashiq mangchan wanti we lümaq, kunkun atang wan kun she!

TRI CHONGKE 20:1

Mosheq raq Israilnok ma nguto, “Ümtiikiiwa namshiq ka rekhat kai kitlan, kiimaq renok kumrang leng phong nai kumrang kong phong ka michhihan kiimaq namshiq thaq na rewe phenlabi ka pahea michhi han, namshiq ka naq hai rongkiq. Tatiwe namshiq Shiikeawe namshiq ka Ejip mungwa tiichhii kewanti ka namshiq rai kongshi miraq.

TRI CHONGKE 20:4

Tatiwe namshiq Shiikeawe ka namshiq rai kitlo. Kiimaq apaiq raq namshiq ma rekhat ka mitiitang kuq.’

TRI CHONGKE 31:23

Kiijiishe Tatiwe raq Nun se Joshua ma chongto, “Ümtsan na kamto maq silaq. Kiimaq jaq khon tiipha shatmaq silaq. Ümniiraq Israilnok ka Ngi raq tsangshiq ma mikuqha nguta kiq kham kuqkang mung na mishea wan haü. Kiimaq Ngi ka ümniirai lomdam shat mirha.”

TRI CHONGKE 4:31

Apaiq ka tiihang mangchan jonghea riimti Shiikeawe. Apaiq raq namshiq ka tiishaübaiq mak miraq. Riimakla namshiq ka chongthum miika tiijabaiq mak miraq. Kiimaq apaiq raq namtitiim ma tongshong jaq khaq raü tiipa kuqtaq kriika laq baiq mak miraq.

TRI CHONGKE 7:24

Apaiq raq tsangshiqnok hokhambi ka namshiq jaqkhon mong na mikuq baiq. Namshiq raq tsangshiq ka mijiip baiq han. Kiimaq tsangshiq ka maiq raq alaq she mirbaiq. Namshiq ka juwe riimin tangtalot mak miraq. Namshiq raq maiq ka wiita mijiipbaiq han.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

Hebrews 13:5

Kampho ma naq sü ramrai rongkiq. Kra rii na, namjaq na jamlai wa asi, kra sham lantli, chochikhiq maq si ronglaq. Jamkhano ngukla, Shiikeawe raq, “Ngi raq namshiq ka ümtiikii jiimin, amang ale maq tiichamchao mang. Ngi raq namshiq ka ümtiikii jiimin, tiishaü baiq mang,” nguta ngutlo.

JOSHUA 1:17

Naishiq raq Mosheq aming wranaiqshe lang wan kai, kra phan phan ümnaq aming kiimin milang wan hai. Kiimaq üm Tatiwe Shiikeawe raq Mosheq ka jamkho apaiq rai napshat siwantaq, kiikhiisii ümniirai min misi laq.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

JOSHUA 10:8

Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.”

JOSHUA 21:44

Tatiwe raq tsangshiq ma tsangmung hamli na mung atsing angang she kuqto. Arka apaiq raq tsangtitiim kiqkham kuqtaq kra phan phan she riito. Tsangshiqnok jaqtibi rewe phong wa nokshi ra raq dongdii min tsangshiq ka khatlot mak riito. Jamkhano ngukla Tatiwe Israilnok ma tsangshiq ma chiqse rewe phan khuthaq na wiita rekhat tiitang kuqto.

JOSHUA 3:7

Tatiwe raq Joshua ma nguto, “Ümchaü ranaiq ngi raq jamlai jaq wa shamtiikang, kra chhiraüta Israilnok raq ümniika ajong pinthum dea nguta mishreng phaho kiimaq tsangshiq raq, ngi ka Mosheq rai jamkho kongshi kiimshi maq sikang, kiikha ümniirai min sidam tiikang nguta misap.

JOSHUA 6:27

Krai mren, Tatiwe ka Joshua rai lomshat riito. Kriikha maq, Joshua khushü jonglu ka mung tlotli na phoi wanto.

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.

PHOWEBI 6:16

Kiijiishe Tatiwe raq treto, “Ümniiraq milot haü. Jamkhano ngukla ngi raq ümnaq mikhrum kang. Ümniiraq Midiannok ka jeriiriiq hea, weshi laqlaqse ikha notshotshot li mitang haü.”

1 SAMUEL 10:7

Riita, arthun bom arshe kuwan raüla, Shiikeawe raq ümniima jamlai jaqsham wa thaütlaq, kra asham nguli riilaq.