JOSHUA 1:6 - ASII LAKDAP Bible (BSI)

⁶ Ningkun shoqwiishoq maq srea nola ma jalaq. Ümwokhong maq tsangshiq shea laüta, ngi raq tsangtitiim ma kiq akhamkuqha, ara mung ara mijii wan han. Lanta misiq wan han.

Hawa Naga Bible 2001

⁶ Mthuinz maq htvp htaz vtueq vkhvmc thuinz httax kuiuz, ngaz rueq tsuingshiq jix vwaz muex bomkhvmc taq tauk mungtan kuex tsuingshiq rueq guimz lvp wvnc shuex nuex, mnoz kuex miq htenc kvmac vyungx yaungx tuiux.

JOSHUA 1:6 Referencias Cruzadas

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 26:3

Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.

2 SAMUEL 10:12

Ningkun shoq laq laüta srea nola ma jalaq! Namung miitu nai nashiq Shiikeawe chela thun kra miitu re ka khat rong i. Kiimaq Tatiwe raq thapthi tlaq kra phanphan li mihong laq!”

1 HOKHVMX 2:2

“Ngi ma atsai wan akhing ka saüwato she. Ümniika ümtsan na kamto maq silaq. Kiimaq jaqsham ka pharangrang maq jaq khon tiipha tiipha maq shamlaq.

1 KAÜWA WERAÜ 22:13

Riita, ija, ümniiraq Tatiwe raq Mosheq ma Israilnok mung miitu kuqtaq Tri raütu thun kra kunli lang laüta mung ka peng wan haüla, ümniiraq phanrap na kunli mi ong wan haü. Kra ningkhan ümniika jaqkhon tiipha laüta kiimaq kamto maq jaq ka sham laq. Kiimaq jamlai phan miimin naqhai song kiq.

1 KAÜWA WERAÜ 28:10

Tatiwe raq ümniika apaiq asii Shomjam kra hai miitu tsea wanto nguta ümniiraq sap wan ratlo. Riita ümchaü sanha kra jaq ka sham liishe. Kriika tsan nai tsü wiita kuq lata pharang rang miishe shamlaq.”

1 KAÜWA WERAÜ 28:20

Hokhamwe Dawit raq ase Solomon ma akha chongto, “Kamto maq silaq. Kiimaq pharangrang maq silaq. Laüta jaqsham ka phaho liishe. Krai mren jamlai phan miimin ümjaqsham ka naq tiibanbi kiq. Tatiwe Shiikeawe ngi raq shiililii tiikangwe ka ümniirai nongshnong miraq. Apaiq raq ümniika thaqbaiq mak. Ümniiraq ara Shomjam hai ara milot haüshaq wiiwii apaiq ka ümniirai kongshi maq misi wan.

2 KAÜWA WERAÜ 15:7

Shatmaq namshiq ka ningkun shoq wiishoq maq shiikut ratlo. Tsaiji naq tran rongkiq. Namshiq raq jamlai jaq wa shamtlan kra miitu namshiq ma poksi mikuq.”

2 KAÜWA WERAÜ 20:11

Riita liilaq, tsangshiq raq naishiq ma akhiishe thamkuq tlaq ara--tsangshiq raq naishiq ara ümniiraq akuq haü mungtan kiiwa jobaiq wa she saüwato.

2 KAÜWA WERAÜ 20:7

Ümniika naishiq Shiikeawe. Man na ümsengi Israilnok ka armung arjaq laü wantaq akhing na ümniiraq armung na siti maiq mung thun ka jobaiq wan laü. Laüta ümluwe Abraham saüsetiim ma pattup pat-sa miitu she kuqlaü.

Tvtsvmc 27:14

Tatiwe miili kamlaq. Kamtsantsiili thülaq, tsaiji naq trankiq. Tatiwe miili kamlaq!

DANIEL 10:19

Apaiq raq nguto, “Shiikeawe raq ümnaq lungwiitlo. Kra ningkhan ümniika jamlai miitu min naq chapa kiq. Kiimaq naqhai songkiq.” Apaiq raq ara ngojaishetiq, ngi raq ikhum na ningkun ka ahong lin she sapkang. Kiimaq apaiq ma akha ngukang, “Shiilangwe, ümniiraq ngi ma jamlai bom chongke chang wa kra chonglaq. Ümniiraq ngi ma ningkun min shoqkuq laü she. Ahea lin she.”

HAGAI 2:4

Shatmaq namshiq raq kra liilanta tsaiji ka naqtran rongkiq. Shomjam tiihea hai wan jaqsham kriili shiikut ruq ronglaq. Ngi ka namshiq rairai.

JEKERIA 8:9

“Tsaiji tiijong lanta shiikut ronglaq! Shammibi raq Shomjam tiihea hai wan miitu khamshong wantaq akhing na chongtaq kra bomtsi kli ümchaü namshiq riimin taiwan tlan.

WEAWEA 26:53

“Kanan mung ka maiq phan thun ma maiq apa atsap kra khan khan hiq ka chumkuqlaq.

WEAWEA 33:53

Lanta mung ka jii wan ronglaq. Lanta kra mung na shong wan ronglaq. Jamkhano ngukla kra mung ka Ngi raq namshiq miishe kuq tiikang.

1 Corinthians 16:13

Tsii lam shatmaq si rong laq. Kamasham na pharangrang maq si ronglaq. Kamasham srea ma jaronglaq. Nola ma jaronglaq.

Ephesians 6:10

Riita ümchaü sanha, bomshat wan na namshiq ma ara tsiichong kuq tiipha ara tai rong laq. Namshiq ka Tatiwe rai pumshi hanshi she tiipum tlan krai mren, apaiq ningkun kra lap lanta srea nolabi ma ja lanta sirong laq.

TRI CHONGKE 1:8

Armung thun ara tiina Ngi Tatiwe raq, namtitiim Abraham, Isak, kiimaq Jakob ma kiimaq tsangsaütiim ma mikuqha nguta kiq kham kang kra. Warong laq. Lanta khat lanta jiiwan ronglaq.’”

TRI CHONGKE 11:8

“Ümchaü ranaiq ngi raq namshiq ma ümchuwa thungtri raütu thun kuqkang ara kunli lang ronglaq. Kra riihanla namshiq raq Jordan Rai ka mijin wan lot han. Lanta ümchaü namshiq wa wan tlan mung kra mijii wan lanlot han.

TRI CHONGKE 31:23

Kiijiishe Tatiwe raq Nun se Joshua ma chongto, “Ümtsan na kamto maq silaq. Kiimaq jaq khon tiipha shatmaq silaq. Ümniiraq Israilnok ka Ngi raq tsangshiq ma mikuqha nguta kiq kham kuqkang mung na mishea wan haü. Kiimaq Ngi ka ümniirai lomdam shat mirha.”

2 Timothy 2:1

Riita i se lei, Shiikeawe raq nashiq ma Khristo Jesuq pum lümaq kaphap mangchan jonghea kuqtaq kra wokhong maq, ümniika sreawe ashi ikha silaq.

JOSHUA 1:18

Jurwa ümwokhong na simak, kiimaq ümnaq aming tlea tlaq, kriiti ka atsea baiq ratlo. Ningkun shoqwiishoq riilaq kiimaq srea nola ma jalaq!”

JOSHUA 1:7

Ningkun shoqwiishoq maq srea nola ma jalaq. Ijaqshise Mosheq raq ümniima Thungtri kuqtaq kra, samheawiq maq jaqkhon tiipha shat maq shamlaq. Thungtri aming ka poshi min naqjinkiq. Kra riihaüla, ümniika ümbano kitlaü phanrap na ongwan ruq mirhaü.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

JOSHUA 10:25

Kiijiishe Joshua raq asengi siihiipbi ma akha nguto, “Namshiq ka akhiisiimin naqhai rongkiq. Ningkun tiijom maimak. Ningkun shoqwiishoq ronglaq. Kiimaq srea nola jaronglaq. Jamkhano ngukla, Tatiwe raq, namshiq jaqtibi thun ka wiita akhiisii mikhat kuq.”

JOSHUA 13:6

Arthun arka Sidonnok mung kunli, ku akin wang maq phaho raüta, Lebanon Pum Thun kra, kiimaq riita Misrephoth Maim chela na saüli. Ngi raq armung thun wa maiq ka Israilnok raq jamkho khat wan raüta hiq ka jiiwan tlaq, kra phan phan wiita mijobaiqha. Ümniiraq armung thun ka, ngi raq ümniima aming kuq kang kra phan phan, chum laüta pheake wan ratlo.

JOSHUA 18:3

Kriikha na Joshua raq Israilnok mungmaiqse ma, “Riita namshiq riitiq, namti namwi Tati Shiikeawe raq namshiq ma akuq hiqshong rahai ka, ümtinchoshetiq wa mijii wan han? Jaram wa khesiq holan?

JOSHUA 21:43

Riita man na Tatiwe raq tsangtitiim ma mung mikuqha nguta kiqkham kuqtaq kra phan phan she, Israilnok ma mung ka tlotli she kuqto. Riita tsangshiq raq mung ka lap raütiishe, tsangshiq ka kiijiishe shong wanto.

1 SAMUEL 4:9

Philistainnok lei, nola ma jarong laq! Maiqwe ikha khat rong laq. Riimak la, tsangshiq ka nashiq di ma jawataq ikha nashiq ka Hibrunok dikong ma ja chang she miraq. Kra ningkhan maiqwe ma jalanta khat rong laq!”