JOSHUA 1:9 - Hawa Naga Bible 2001

⁹ Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

ASII LAKDAP Bible (BSI)

⁹ Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

JOSHUA 1:9 Referencias Cruzadas

RAPHA HIQWA LAK 28:15

Ngaz kuex mnoz rulc vdvmz httax vtueq mnoz kaz tuiux hong htenc kvyuq mnoz kuex tvkhup wungx kuq phaungx, mnoz vruex mungx vyuq laukshiz tvhttuiuc yek phaungx. Ngaz rueq mnoz muex bomkhvmc kuq phaungx rulc rv-ngvlc vlvmz max dung nuex mnoz gay shec mauk lvmz kuex tuiuz taq shec shuiuz,” ngoz tueq jungx tueq.

RAPHA HIQWA LAK 39:2

Yehowa kuex Yosep rulc vdvmz httaz ningkhvnc nuex piq rueq kvmungx shuimx lvmx yaq ruip rawx lvp luz taungx yaq. Piq kuex vjiyungx waz Ejip miqsaz yuimx nuex httax tueq,

RAPHA HIQWA LAK 39:3

Yehowa kuex piq rulc vdvmz httax vtueq piq rueq shuimx lvmz yaq tek nuex lvp luz taungx yaq lvmx vjiyungx waz rueq khiz yaq.

2 SAMUEL 13:28

piq nvrc waz hez muex vkhoc jungx tueq: “Amnon kuex pawc hvlc baunglaung ngaz rueq nvr phaungx yuq, piq kuex thvt gay shuinz. Nauk hiz kaz. Ngvy pumz maq khvmc shaungx. Khvmc thuinz httax wuez kuinz, nauk ruingraung kaz!” ngoz tueq jungx tueq.

1 KAÜWA WERAÜ 28:20

Hokhvmx Dawid rueq vsaz Solomon muex ngoc, “Tvluimc vtueq thuinz tvtsanc shuiuz. Yauk shuimc phaungc shuiuz, yvmx rueq muinz mnoz muex nauk tuingshaung kaz. Ngaz rueq nawk palx vshaungx Yehowa Tishox kuex mnoz rulc vdvmz httax tuex. Vpiq rueq mnoz kuex tuip gay kv-phux rvmuq, vpiq Shomc Yuimx guirc yauk shuimc tvlot laz vpiq kuex mnoz rulc vdvmz httax tuex.

2 KAÜWA WERAÜ 15:7

Yuq muinz nuimshiq rueq hungc lvmz shuinz, thuinz nauk tvruinc kaz. Nuimshiq rueq shuimx shuinx rulc rv-ngvlc yauk mauk lvp shuinx,” ngoz tueq ramc jungx tueq.

Tvtsvmc 46:7

Tvphaungc Tvsuip Tishox kuex naungshiq rulc vdvmz httax yaq; Yaku Tishox kuex naungshiq kvwungx juing rvtueq.

ISAIA 41:10

Nauk hiz kaz, ngaz kuex mnoz rulc vdvmz! Ngaz kuex m-Tishox rvtauk, mnoz muex yvmx muinz tvhiz sungx muq mruez shueq! Ngaz rueq mnoz muex tvhung ruiux, romc kuq phaungx; Ngaz rueq mnoz kuex tvkhup wungx ruiux palc wvnc phaungx.

ISAIA 43:1

Israel lex, mnoz tvdungc sungc jix Yehowa rueq, “Nauk hiz kaz, ngaz rueq mnoz palc wvnc phaungx. Mmuingc maq ngaz rueq mnoz kuex gvl vphaungx, mnoz kuex ngaz rueq guimz yaq.

ISAIA 43:5

Nauk hiz kaz, ngaz mnoz rulc vdvmz httax yaq! “Yalc hvlc shaldungc kox nuiyc shalx nyuip kox wawc, mmiq htenc kuex yuimx nuex ngaz rueq shvlx wvnc raungx.

ISAIA 8:12

“Miq rueq dvnc yaq kvyuq nauk lomx naungx kaz, tsuingshiq hiz yaq phvnx kvmac nauk hiz kaz.

DANIEL 10:19

Piq rueq, “Tishox rueq mnoz lungwawx yaq, kvkhoc rvtueq mnoz muex yvmx muinz tvyonz yex muq, tvhiz sungx muq rvshuex,” ngoz tueq jungx tueq. Piq rueq kvkhoc jungx yaq nuex, ngaz nuex hunglaungc httax wvnc vtueq, “Jiyungx waz lex, mnoz rueq yvmx jungc juing lac ngaz muex jungx koq. Mnoz rueq ngaz muex tvhvlc kuq vphux,” ngoz tueq jungx tauk.

HAGAI 2:4

Yuq muinz majuiuc kuex nuimshiq thuinz nauk tvruinc kaz. Ngaz kuex nuimshiq rulc vdvmz httax vtaungx ningkhvnc nuex miqmac rueq shuimc juing yauk shuimc kuex shuimc wuez shuinz.

HAGAI 2:5

Nuimshiq Ejip mungx maq dung kaz wvnc tuit nuex, ngaz kuex nuimshiq rulc mkaq muinz vdvmz httax taungx ngoz tueq bomkhvmc taq tauk. Ngaz kuex nuimshiq rulc vdvmz httax hvt dvyx, kvkhoc rvtueq nauk hiz kaz.

Acts 4:19

Yuq muinz Peter nuiyc Yohan rueq, “Nuiyshiq rueq Tishox kvjaz kuex phvnc juing shuex, rvmuq ngoz ruiux nuimshiq kvjaz kuex phvnc juing lac, Tishox htumc nuex mvy yaq, mvy muq kuex nuimshiq rueq htvp htaz kuq kuit.

TRI CHONGKE 20:1

“Nuimshiq rueq ralx kuex lung ruiux yuq, nuimshiq htauk nuex muinz paunghvlc renc maq, mvre maq, yaz sawx maq khvt jix ralx daungx rulc rvhumc tuinx nuex nauk hiz wuez kaz. Nuimshiq kuex Ejip mungx wawc palc wvnc jix Yehowa nuimshiq Tishox kuex nuimshiq rulc vdvmz nuex httax tuex.

TRI CHONGKE 31:23

Kvruex yimaq Yehowa rueq Nun saz Yoshua muex ngoc, “Hungc vlaungc tvyungc vtueq thuinz tvtsanc shuiuz. Mnoz rueq Israel miqsaz kuex shvlx vtueq ngaz rueq bomkhvmc vkuq mungx kvyuq kay rax, ngaz kuex mnoz rulc vdvmz httax taungx,” ngoz tueq jungx tueq.

TRI CHONGKE 31:28

Nuimshiq phvnx htenc lotlaz nuex seng yaq vyungx vlaungx bix nuiyc walaungx bix lotlaz kuex ngvy khaungkac vyuq tvtuimx shuiuz; kvkaq vruex kvjaz htenc kuex tsuingshiq muex jungc kuy lot tvkoc, tsuingshiq tvkoc ngvy hakhix yaungc muex raungx nuiyc ghaq kuex ngaz rueq tvyaungx vshaungx.

JOSHUA 1:10

Kvruex yimaq Yoshua rueq vyungx vlaungx bix htenc kuex jerak nuex kay tvkoc nvr ruiux,

JOSHUA 1:17

Nuiyshiq rueq Moshe kvjaz mkaq muinz tay wvnc tiq ikhoc mkvjaz muinz tay wuez shix, Yehowa Tishox kuex Moshe rulc vdvmz httax wvnc tueq ikhoc mnoz rulc muinz vdvmz nuex mhttax kueq!

JOSHUA 1:18

Mnoz vrangx vpangx kuex wiz ruiux mnoz rueq nvr shuiux kuex kvjaz kuex tay phvnx muq waz ukhaq yuq muinz vthvy gay rvhumc tuex. Kvkhoc rvtueq mthuinz maq htvp htaz vtueq kvmx kuiuz!” ngoz tueq jungx tueq.

JOSHUA 10:25

Kvruex yimaq Yoshua rueq piq vyungx vlaungx bix muex ngoc, “Nauk hiz kaz, thuinz nauk tvbac kaz. Yehowa rueq nuimshiq ralx htenc lotlaz kuex kvkhoc ruez gay shuex ningkhvnc nuex thuinz tvyungc vtueq khvmc thuinz httax wuez kuinz,” ngoz tueq jungx tueq.

JOSHUA 10:8

Yehowa rueq Yoshua muex ngoc, “Tsuinghez muex nauk hiz kaz. Ngaz rueq tsuinghez kuex mnoz muex tvtaungx gay vphaungx. Uraq muinz mnoz kuex tvgawx lot muq,” ngoz tueq jungx tueq.

JOSHUA 3:7

Yehowa rueq Yoshua muex ngoc, “Ngaz kuex Moshe rulc vdvmz httax tauk ikhoc mnoz rulc muinz vdvmz nuex httax vtaungx kuex tsuingshiq rueq tuiuz wvnc lvp laz juing, majuiuc raungnuiyq ngaz rueq mnoz kuex Israel miqsaz lotlaz htumc nuex miq yunghvlc washiz ikhoc tvtsanc nganc vphaungx.

JOSHUA 6:27

Yehowa kuex Yoshua rulc vdvmz httax yaq ningkhvnc nuex piq muingc jungc kuex wvmungx tuimx nuex yungx wvnc tueq.

JOSHUA 8:1

Yehowa rueq Yoshua muex ngoc, “Mnoz rulc vdvmz nuex nolaungx bix lotlaz kuex shvlx wvnc vtueq Ai ghaq nuex duiz wvnc kuiuz. Nauk hiz kaz, thuinz nauk tvbac kaz. Ngaz rueq Ai hokhvmx waz nuiyc piq miqsaz htenc; ghaqyungx nuiyc piq ghaq vraungx kuex mnoz muex kuq phaungx.

PHOWEBI 6:14

Kvruex yimaq Yehowa rueq piq muex, “Mnoz nuex httax yaq hungc vlaungc lotlaz maq Israel miqsaz kuex Median miqsaz yauk wawc palc kaz kuiuz. Ngaz rueq mnoz kuex tvkaz vphaungx,” ngoz tueq nvr tueq.

1 SAMUEL 10:7

Ekvkhoc yaungx wvnc ruiux yuq, Tishox rueq mnoz muex tvshuimc yaq phvnx yvmx yuq muinz shuimx kaz shuiuz.