Acts 4:19 - ASII LAKDAP Bible (BSI)

¹⁹ Kiijiishe, Petar nai Johan raq, “Shiikeawe maklii na, apaiq aming tai raüta si kra sha ahea miraq, sha namshiq aming kra tai raüta siraü wa ahea miraq, kriika namshiq welabi raq tri ka shin rong laq.

Hawa Naga Bible 2001

¹⁹ Yuq muinz Peter nuiyc Yohan rueq, “Nuiyshiq rueq Tishox kvjaz kuex phvnc juing shuex, rvmuq ngoz ruiux nuimshiq kvjaz kuex phvnc juing lac, Tishox htumc nuex mvy yaq, mvy muq kuex nuimshiq rueq htvp htaz kuq kuit.

Muklom

¹⁹ Peter nia John aa pitta, “Nim aa chamlang ta tathin inn, Shkewa jakho na chamlang raa qhal na - nim raaq tat phani tia Shkewa raaq tat ni?

Acts 4:19 Referencias Cruzadas

1 HOKHVMX 12:30

Krai mren, mungmaiqse raq Bethel chela na nai Dan chela na kra sumla phra wiinai kra shomnoqki raü raüta ngarai she tangto.

1 HOKHVMX 13:19

Krai mren she Juda mung wa awa shammiwe ka kra tikiiwe shammiwe krai apaiq jam niishe wa wanto. Raüta apaiq rai dung phaqsiq damto.

1 HOKHVMX 14:16

Tatiwe raq Israilnok ka amiimshe mirbaiqthü. Jamkhano ngukla Jeroboam raq ngarai klowanto. Raüta Israil mung ka ngarai thü kho bok na tiidea baiq wanto.”

1 HOKHVMX 21:11

Jejebel raq siihiip ajong alabi thun nai mungtu shiilangbi thun ma jamkho aming kuqtaq kra phan phan Jejreel chelati riimin kloto.

1 HOKHVMX 22:14

Shatmaq Mika raq treto, “Atra Tatiwe mang na, ngi raq ümniima atiitum lata chongtii kang, apaiq raq ngi ma jamlai bomtsi wa tiichong jiiq kriili michongha!”

2 HOKHVMX 16:15

Kra raütiishe apaiq raq Uria ma akha aming kuqto: “Ara ngi raq ahaiha ajongwiq berong-wachati arka ranap na chaqtlii-honglu thun kra miitu kiimaq raji na rai wong-honglu thun kra miitu, kiimaq hokhamwe raq nai mungmaiqse raq chaqtlii- honglu thun, kiimaq wong-honglu thun kuqtlaq kra miitu, kiimaq mungmaiqse raq spiqtai-honglu kuqtlaq kriithun kra miitu langlaq. Kiimaq nyamse honglu ümchuwa takuq tlaq tiijai ka arjaq nyuk lili riilaq. Shatmaq miiki ngam berongwachati kriika ngi raq along ma langtlii miitu lang laq.”

2 HOKHVMX 16:16

Krai mren Uria riimin hokhamwe raq aming kuqtaq kra phan phan she langto.

Tvtsvmc 58:1

Mungtubi namshiq raq tri raütu ka riikhaqli dea shea shamtlan? Mungmaiqse kha ka tri khaqkhaq miidea shea phokuqtlan?

DUNGWVNC 1:17

Shatmaq kra nowüchhi na achhü kamketi nyung nai ka Shiikeawe ma ahai. Kra ningkhan hokhamwe aming ka lang mak dea riito. Shatmaq tsangnai raq maiqwe sere chiitlaq kra atra tiisito.

JEREMIA 26:12

Kiijiishe ngi raq ngukang, “Tatiwe raq ngi ma ara chela khuthaq na nai Shomjam khuthaq na manson bomtsi namshiq ni maq tai lan kra wiita chiiriim laüta chongkuq kiqkiq nguta tiikito.

DANIEL 3:18

Shatmaq, apaiq raq naishiq ka tiichhiikuq mak li jiimin, Chaü lei, naishiq raq ümphrakaü ka shomnoq mai. Kiimaq naishiq ka hiq na bum laita, ümniiraq chaq sumla shong laü kra khaki na bum laitiika noqmai.”

DANIEL 6:10

Riita, Daniel raq kra aming ka khatto she nguta tho lapto. Apaiq ka ajam na wawanto. Raüta apaiq jam rathong khok na kitanpu thun kilü tlinshat asi riito. Kra kitanpu thun ka Jerusalem chela nü na tiinyi raqraq riito. Kitanpu thun tlin shat kiijaq walili raüta, rahinjaq ratili na jamkho achu jaütlaq kiikha, ranaiqshi na jangtsamtsam kaütsrong na nga raüta Shiikeawe jaq wa achu jaüto.

Hosea 5:11

Israilnok maiq jaq na pinthum chamchaotlo. Tsanghiq tsangra thun rewe riishe nyeawanto. Jamkhano ngukla tsangshiq raq ngi ka miimthü raüta, athii ahü maiqtijong howanto,

AMO LUIK DVP (AMOS) 7:16

Kiijiishe Amos raq ramwe jongwe Amajia bom ka akhiishe treto, “O, riita Tatiwe bom ka tailaq, ümniiraq ngi nang nga, ‘Israilnok khuthaq na riisham bomtsi tiithai naqchongkiq, kiimaq Isak saüsetiim khuthaq niimin, riisham bomtsi naqchongkiq,’ nguta ngutlaü.

Mikha 6:16

Ara chongtiikang sumrum wan thun ümniiraq mirhum haü, jamkhano ngukla, ümniiraq, Hokham Omri nai ase Hokham Ahab, raq ashut tri langwantaq kra phan wan laü. Ümniiraq tsangshiq ashut tri lam ka lang wan laü, Kriikha na ngi raq ümniika mishthen baiqha. Krai mren maiq tarü raq ümniika mishummii. Maiq barapseti raq ümniika misaisi wan.”

Matthew 22:21

Kiijiishe, “Hokham we mang,” nguta tsangshiq raq treto. Kiijiishe, “Riita ikhiijiika Hokham we rii ka Hokham we ma kuq rong liina. Kiimaq Shiikeawe rii ka Shiikeawe ma kuq rong liina,” nguta Jesuq raq tsangshiq bom ka treto.

Luke 22:8

Jesuq raq Petar nai Johan ka sinkhu na akha bom chongkuq raüta tiikito: “Kironglaq. Lanta Tiichhii Wan Poi dung ka nashiq miitu chungho li ronglaq.”

John 7:24

Riita namshiq raq phanrap ka rakhütsiri tri miili ka naq shin rongkiq. Shatmaq, tingting kappe maq shin rong laq.”

Acts 4:13

Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.

Acts 5:28

“Naishiq raq, Jesuq aming holanta, mungmaiqse ma trahoke maimak nguta, tri atsin maq, namshiq ma aming kuq kai. Shatmaq, liirong laq, namshiq raq jamlai wa riilan ara! Namshiq traho bomchong maq, Jerusalem chela ka wiita she tiinyam baiq lan. Kiimaq, namshiq raq apaiq tsaitaq mat kha ka, naishiq khuthaq na tiikü kuq tlan!” ngutiishe tsangshiq ma kha ka nyanto.

Acts 5:29

Kra tairaütiishe, Petar nai akongti kiimwebi raq bom ka akha treto, “Naishiq raq Shiikeawe aming tai chang. Maiqse aming ka riimak.

1 Corinthians 10:15

Ngi raq namshiq ma chong tiipha arka, phanrap asap atsin han she nguta ngo maq chong kuq tiikang. Ngi raq jamlai wa chongkuq tiipha arka, namshiq chapnai nga maq shin wan lili rong laq.

2 Corinthians 4:2

Naishiq raq ahuk arot nai jeasi miari sham akai ngutlaq kriika ümchaü sanha wiita baiq kaishe. Naishiq raq maiq ka laolii mai phan. Kiimaq Shiikeawe bomtsi ka trotkiq mai phan. Naishiq ka Shiikeawe apaiq maklii na tengman tlaq bomtsi kra kholam kholiiq, tantan maq chongkuq tiikai. Kiimaq wiitarü man na, naishiq tiima tsantsii ka wüjangjang hea maq sitiikai.

Ephesians 6:1

Nosere lei, namshiq raq namnyungwe bom kra tai lanta nyungwere wokhong na singa ka phungmaiqse ma minshiiq jonghea. Arka namshiq ma athuk atsom jaqsham.

1 Timothy 2:3

Arka, Shiikeawe maklii na athuk atsom hon atsii. Arka nashiq Chhiiti Shiikeawe tiichochi chang jaqsham.

Hebrews 11:23

Kiimahali, kamtsantsii maq, Mosheq nyungwe raq apaiq rawüchhi jai maq, jipi lü tsam na saüli, apaü raüta pü wanto. Tsangshiq raq, tsangse ka maiqlung ngamwii, shamhea shamjü se chhito. Kiimaq, tsangshiq ka hokham we aming tlea ma hai mak riito.

James 2:4

Riita, namshiq raq maiqmii liipan na akha riitseatsiiq han jiika, maiq tiikhothiq ngarai tang tlan riimak sha? Akha maiq tiikhothiq tlan arka, maiq nai maiq liipan na tok ajiq maq shin lam niishe misupwa.