JOSHUA 10:25 - ASII LAKDAP Bible (BSI)

²⁵ Kiijiishe Joshua raq asengi siihiipbi ma akha nguto, “Namshiq ka akhiisiimin naqhai rongkiq. Ningkun tiijom maimak. Ningkun shoqwiishoq ronglaq. Kiimaq srea nola jaronglaq. Jamkhano ngukla, Tatiwe raq, namshiq jaqtibi thun ka wiita akhiisii mikhat kuq.”

Hawa Naga Bible 2001

²⁵ Kvruex yimaq Yoshua rueq piq vyungx vlaungx bix muex ngoc, “Nauk hiz kaz, thuinz nauk tvbac kaz. Yehowa rueq nuimshiq ralx htenc lotlaz kuex kvkhoc ruez gay shuex ningkhvnc nuex thuinz tvyungc vtueq khvmc thuinz httax wuez kuinz,” ngoz tueq jungx tueq.

JOSHUA 10:25 Referencias Cruzadas

Tvtsvmc 63:9

Jurwa ngi tseabaiq tankhantlaqti thun ka, wulum mung na mikiho.

Tvtsvmc 77:11

Ngi raq ümjaqsham jonghea sham wan laü thun kra tsan na mitiitsangha, Tatiwe lei; man na amao chang jaqsham wan laü thun kra ngi raq itsan na mitiima nongha.

Romans 8:37

Shatmaq, arthun chong kai chamchao litkot wa nai kham arthun arka, nashiq raq, nashiq mangchan wanti we lümaq, kunkun atang wan kun she!

2 Corinthians 1:10

Riita apaiq raq naishiq ka atinkhan atsai chang chamchao walü mong wa tiichhii kuqto. Kiimaq apaiq raq, jai miili jiimin tiikhup wongkuq wan ruq miraq. Kiimaq naishiq raq apaiq ma naishiq kamtsantsii ka thü wan kai she. Apaiq raq naishiq ka tiikhup wongkuq wanruq miraq nguta kamtiikai.

Ephesians 6:10

Riita ümchaü sanha, bomshat wan na namshiq ma ara tsiichong kuq tiipha ara tai rong laq. Namshiq ka Tatiwe rai pumshi hanshi she tiipum tlan krai mren, apaiq ningkun kra lap lanta srea nolabi ma ja lanta sirong laq.

TRI CHONGKE 7:19

Tsan na tiitsang ronglaq, namshiq raq maiqmii mak maq chhiwan lan pinthum phiiptsi chang thabitsi tiidong wantaq thun ira. Kiimaq awang chang thun nai amao chang thun jaqsham kuq wantaq thun ira. Kiimaq ningkun henghea maq kiimaq ahong ala henghea maq Tatiwe raq namshiq Shiikeawe raq namshiq dokda wan raüta wasetiim miishe tiija wantaq kra. Apaiq raq Ejip mungti miq chup tsatbaiq wantaq kra niqriri sii hali ümchaü namshiq hairaitlannok kriimin apaiq raq wiita miqchup mijiipbaiq wan.

JOSHUA 1:6

Ningkun shoqwiishoq maq srea nola ma jalaq. Ümwokhong maq tsangshiq shea laüta, ngi raq tsangtitiim ma kiq akhamkuqha, ara mung ara mijii wan han. Lanta misiq wan han.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

JOSHUA 10:8

Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.”

1 SAMUEL 17:37

Tatiwe raq ngi ka hangsikaü thun nai chapbikaü thun nübok wa tiichhiikuqto. Krai mren sii hali, ara Philistainwe jaq wiimin mitiichhiikuq!” Kiijiishe Saul raq treto, “Ahea ikhiijiiha. Kilaq. Tatiwe ümniirai asi miraq.”